Kɔtɔnima 5–11: “Bɔhyɛ No Bɛba Mu”

Nkyerɛkyerɛ ne Apam 45

Adiyisɛm a ɛwɔ ɔfa 45 no wɔgyee no, sɛdeɛ ɔfa no tiasɛm kyerɛ no, “anigyeɛ so wɔ Ahotefoɔ no mu.” Na pii na ɛwɔ hɔ a ɛbɛma yɛn anigyeɛ wɔ saa adiyisɛm yi mu. Ɛmu no, Agyenkwa no ma N’ayamyɛ bɔhyɛ sɛ ɔbɛsrɛ ama yɛn wɔ Agya no anim (hwɛ nkyekyɛmu 3–5). Ɔka Ne daapem apam a ɛtrɛ wɔ wiase nyinaa ho asɛm, te sɛ “ɔsomafoɔ a ɔbɛsiesie kwan no wɔ [N’anim]” (nkyekyɛmu 9). Na Ɔhyɛ N’animuonyam Mmaeɛ a ɛtɔ so Mmienu ho nkɔm. Agyenkwa no yɛ yei nyinaa na ɔsan gye to mu sɛ saa mmerɛ yi yɛ mmerɛ a ɛmu yɛ den (hwɛ nkyekyɛmu 34), ɔfa bi ɛnam ɔhaw a ɛbɛba wɔ Ne mmaeɛ no anim. Nanso saa ɔhaw no, saa esum no nyɛ den sɛdeɛ ɛbɛdum anidasoɔ hann no. “Ɛfiri sɛ nokorɛ mese mo,” Awurade paee mu kaae, “sɛ Mene hann a ɛhyerɛn wɔ esum mu” (nkyekyɛmu 7). Ɛno nko ara yɛ nnyinasoɔ sɛ yɛgye saa adiyisɛm yi—ne afotuo ne kɔkɔbɔ ne nokorɛ biara a Ɔpɛ sɛ ɔde ma—ne anigyeɛ.

Nsusuiɛ ma Adesua wɔ Efie ne Asɔre

Nkyerɛkyerɛ ne Apam 45:1–5

Yesu Kristo yɛ me Dimafoɔ wɔ Agya no nkyɛn.

Berɛ a ɛyɛ yɛn sɛ yɛnni mu anaasɛ yɛmfata wɔ Agya no anim no, yɛbɛtumi anya awerɛhyem afiri Agyenkwa no nsɛm mu wɔ Nkyerɛkyerɛ ne Apam 45:1–5. Berɛ a wohwehwɛ saa nkyekyɛmu yeinom no, dwene nsɛmmisa te sɛ yeinom ho:

• Nsɛm anaasɛ kasasini bɛn na ɛwowɔ saa nkyekyɛmu yeinom mu a ɛhia ankasa ma wo?

• Odimafoɔ yɛ obi a ɔfoa anaa ɔkamfo onipa anaa botaeɛ bi a ɔmfa nsie. Sɛn na saa nkyekyɛmu yeinom kyerɛ sɛ Yesu Kristo yɛ yei ma wo? Deɛn na ɛma No fata sɛ ɔyɛ?

• Deɛn na w’ani gye ho fa Agyenkwa no nsɛm ma Agya no? (nkyekyɛmu 4–5).

Wobɛtumi nso asua deɛ Elder Dale G. Renlund kyerɛkyerɛ faa Yesu Kristo, yɛn Dimafoɔ no ho, wɔ “Choose You This Day” (Liahona, Obubuo 2018, 104–5). Sɛn na Elder Renlund kyerɛ sɛ Agyenkwa no botaeɛ ne Satan deɛ di nsɛ?

Akenkansɛm a ɛdidi soɔ yi bɛtumi de bi aka wo nteaseɛ a ɛwɔ Agyenkwa no dwumadie sɛ Dimafoɔ no ho. Berɛ a woresua no, hwɛ sɛ wobɛtwerɛ kasasin anaasɛ nokorɛ a wobɛtumi ne afoforɔ akyɛ: 2 Nephi 2:8–9; Mosiah 15:7–9; Moroni 7:27–28; Nkyerɛkyerɛ ne Apam 29:5; 62:1. Deɛn nti na saa kasasin yeinom ho hia ma wo?

San hwɛ “I Stand All Amazed,” Nnwom, ɛtɔ so 193; Tinsɛm ne Nsɛmmisa, “Yesu Kristo Mpata,” Asɛmpa nwoma Akoraeɛ; “Ntamgyinafoɔ no” (sini), Asɛmpa nwoma Akoraeɛ.

The Mediator

A portrayal of the analogy Elder Boyd K. Packer used in his April 1977 general conference address. A young man who fails to pay a debt is saved from the grasp of justice through the mediation of a friend.

Nkyerɛkyerɛ ne Apam 45:9–10

Asɛmpa no yɛ susudua ma wiase.

Tete no, na susudua yɛ frankaa a wɔde kɔ ako a na wɔde boa asraafoɔ dɔm ano ka wɔn bɔ mu. Susudua san yɛ nhwɛsoɔ anaasɛ mmara a wɔbɛtumi de nneɛma afoforɔ atoto ho. Berɛ a wokenkan Nkyerɛkyerɛ ne Apam 45:9–10, dwene ho sɛdeɛ apam a wo ne Awurade wɔ no ayɛ susudua ama wo.

Nkyerɛkyerɛ ne Apam 45:11–75

Yesu Kristo bɛsan aba wɔ animuonyam mu.

Awurade Mmaeɛ a ɛtɔ so Mmienu no wɔakyerɛ sɛ ɛbɛyɛ “kɛseɛ” na “ayɛ hu” (Malaki 4:5). Wɔ Nkyerɛkyerɛ ne Apam 45, ayɛ sɛ nkyerɛkyerɛmu mmienu no nyinaa fata. Anidahɔ ho kɔkɔbɔ ne anidasoɔ bɔhyɛ nyinaa fa Awurade mmaeɛ ho no nyinaa ka saa adiyisɛm yi ho. Berɛ a wosua nkyekyɛmu 11–75, dwene ho sɛdeɛ wobɛtumi asiesie wo ho ama Mmaeɛ a ɛtɔ so Mmienu no wɔ Kristo mu gyedie mu kyɛn ehu. Twerɛ deɛ wohunu to hɔ wɔ pono te sɛ yei so:

Nkɔmhyɛ anaa bɔhyɛ	Deɛ mɛtumi ayɛ
Nkɔmhyɛ anaa bɔhyɛ Hann (asɛmpa no) bɛba wɔn a wɔte esum mu so (nkyekyɛmu 28)	Deɛ mɛtumi ayɛ Gye hann no—na kyɛ (nkyekyɛmu 29)
Nkɔmhyɛ anaa bɔhyɛ	Deɛ mɛtumi ayɛ
Nkɔmhyɛ anaa bɔhyɛ	Deɛ mɛtumi ayɛ
Nkɔmhyɛ anaa bɔhyɛ	Deɛ mɛtumi ayɛ

Wɔ sini “Nnipa Akoma Bɛdi Wɔn Hwammɔ” (Asɛmpa nwoma Akoraeɛ) mu no, afotuo bɛn na Titenani Russell M. Nelson de maae sɛ ɛbɛboa ma yɛde asomdwoeɛ ahyia tebea a ɛyɛ hu?

Men's Hearts Shall Fail Them

Elder Russell M. Nelson shares a personal story to give encouragement for when we feel "weak in the heart."

Nkyerɛkyerɛ ne Apam 45:31–32, 56–57

Mɛtumi “agyina mmeaeɛ kronkron” a menhinhim.

Deɛn na wosua wɔ Nkyerɛkyerɛ ne Apam 45:31–32, 56–57 mu fa ahosiesie ma Awurade mmaeɛ no ho? Deɛn ne wo “mmeaeɛ kronkron”? Sɛn na “nhinhim” ase akyerɛ? Kwan bɛn so na wobɛtumi ama baabi a wowɔ ayɛ kronkron yie?

Kae sɛ Awurade kaa mmaabunu du ho abebusɛm no, de ngo a ɛwɔ abebusɛm no mu totoo nokorɛ ne Sunsum Kronkron ho. Dwene ho sɛ wobɛkenkan abebusɛm a ɛwɔ Mateo 25:1–13 a ɛwɔ w’adwene mu saa. Nhunumu bɛn na wonya?

San hwɛ David A. Bednar, “Sɛ Anka Na Monim Me A,” Liahona, Obubuo 2016, 102–5.

Mmaabunu Du ho Abebusɛm no, ɛfiri Dan Burr hɔ

Nkyerɛkyerɛ ne Apam 45:11–15, 66–71

Sion yɛ beaeɛ a ɛyɛ banbɔ ma Onyankopɔn Ahotefoɔ.

Na Ahotefoɔ a wɔwɔ Joseph Smith berɛ so no wɔ ahokeka sɛ wɔbɛsi Sion, Yerusalem Foforɔ no (hwɛ Ether 13:2–9; Moses 7:18, 62–64). Deɛn na wosua fa Sion ho—Henok berɛ so tete kuropɔn ne nna a ɛdi akyire kuropɔn nyinaa—firi Nkyerɛkyerɛ ne Apam 45:11–15, 66–71? Ɛnnɛ yi ahyɛdeɛ sɛ yɛsi Sion kyerɛ sɛ yɛresi Onyankopɔn ahemman wɔ baabiara a yɛteɛ. Deɛn na wobɛtumi ayɛ de aboa asi Sion wɔ baabiara a woteɛ?

Nsusuiɛ ma Nkwadaa Adekyerɛ

Nkyerɛkyerɛ ne Apam 45:3–5

Yesu Kristo yɛ me Dimafoɔ wɔ Agya no anim.

• Ebia wopɛ sɛ woboa wo mma ma wɔte aseɛ sɛ dimafoɔ yɛ obi a ɔboa onipa foforɔ. Ɛnneɛ wobɛtumi akasa afa dimafoɔ ho nhwɛsoɔ bi a wɔnim ho (te sɛ woreboa adamfoɔ bi). Berɛ a mokenkan Nkyerɛkyerɛ ne Apam 45:3–5 bɔ mu no, boa wo mma ma wɔnhunu nea ɔyɛ yɛn Dimafoɔ ne sɛdeɛ Ɔboa yɛn.

Nkyerɛkyerɛ ne Apam 45:32

Mɛtumi “agyina mmeaeɛ kronkron.”

• Ɛbɛtumi ayɛ anika sɛ wode efie, Asɔredan, ne tɛmpol mfonin bɛgugu dan no mu. Afei wobɛtumi ama wo mma nnyinasodeɛ a ɛrekyerɛkyerɛ saa mmeaeɛ yi na woama wɔn agyina abɛn mfonin a worekyerɛkyerɛ no. Ma wɔnnyina faako berɛ a wokenkan nsensaneeɛ a ɛdi kan firi Nkyerɛkyerɛ ne Apam 45:32. Mmeaeɛ kronkron a Onyankopɔn de ma yɛn no bi ne deɛn? Boa wo mma ma wɔnte aseɛ sɛ “wobɛgyina mmeaeɛ kronkron, na wonhinhim” kyerɛ sɛ wobɛfa deɛ ɛyɛ papa mmerɛ nyinaa, ɛmfa ho ne deɛ ɛrekɔso. Sɛn na yɛbɛtumi ama yɛn fie ayɛ beaeɛ kronkron yie?

Nkyerɛkyerɛ ne Apam 45:9

Yesu Kristo asɛmpa no yɛ susudua ma wiase.

• Wobɛtumi akyerɛkyerɛmu akyerɛ wo mma sɛ tete no na susudua yɛ frankaa a na wɔde kɔ ako. Na ɛboa asraafoɔ ma wɔhunu baabi a na wɔhyia ne deɛ na wɔyɛ. Monkenkan Nkyerɛkyerɛ ne Apam 45:9, na monsusu akwan a asɛmpa no te sɛ susudua ho. Wo mma ani bɛtumi agye sɛ wɔbɛyɛ wɔn ankasa susudua anaasɛ frankaa, a mfonin anaasɛ nsɛm a ɛda wɔn atenka wɔ Agyenkwa no ho adi ka ho.

Asɛmpa no te sɛ susudua anaasɛ frankaa.

Nkyerɛkyerɛ ne Apam 45:44–45

Yesu Kristo bɛba bio.

• Ɔsɛeɛ a ɛbɛdi Mmaeɛ a ɛtɔ so Mmienu no anim no bɛtumi ama nkwadaa abɔ hu. Woretwe wɔn adwene akɔ Yesu Kristo so bɛtumi aboa ma wɔde gyedie ahwɛ kwan! Dwene ho sɛ wobɛma wɔadwene atenka a wɔbɛnya berɛ a onipa sononko bi, te sɛ wɔn nana anaa adamfoɔ bi rebɛsra wɔn. Sɛn na wɔsiesie wɔn ho ma nsra no? Afei wobɛtumi de Agyenkwa no mfonin akyerɛ na woakenkan Nkyerɛkyerɛ ne Apam 45:44–45. Mo ne mo ho nkyekyɛ atenka a mowɔ fa Agyenkwa no mmaeɛ ho.

• Sɛdeɛ ɛbɛboa ma wo mma anya anigyeɛ wɔ Agyenkwa no Mmaeɛ a ɛtɔ so Mmienu no ho no, wobɛtumi atwerɛ anidasoɔ bɔhyɛ no bi wɔ nkrataa nketenkete so afiri ɔfa 45 (sɛ nhwɛsoɔ no, hwɛ, nkyekyɛmu 44–45, 51–52, 55, 58–59, 66–71). Fa nkrataa no ma wo mma na ma wɔmma wɔn nsa so berɛ a woka bɔhyɛ a wɔkuta wɔ berɛ a worekenkan nkyekyɛmu no. Monsusu deɛ saa bɔhyɛ yeinom kyerɛ ho. Wobɛtumi nso ne wo mma ato dwom afa Agyenkwa no Mmaeɛ a ɛtɔ so Mmienu ho, te sɛ “When He Comes Again” (Nkwadaa Dwomnwoma, 82–83).

Boa ma nkwadaa nhunu Honhom no. Berɛ a wokyerɛkyerɛ wo mma no, ka berɛ a wote Sunsum Kronkron no nka kyerɛ wɔn. Kasa fa sɛdeɛ wohunu Ne nkɛntɛnsoɔ ho. Sɛ nhwɛsoɔ no, wobɛtumi anya asomdwoeɛ anaasɛ anigyeɛ atenka berɛ a woreto dwom a ɛfa Agyenkwa no ho.

Sɛ wopɛ nsusuiɛ bebree a, hwɛ saa bosome yi Adamfoɔ nsɛmma nwoma mu.

Mmaeɛ a ɛtɔ so Mmienu, ɛfiri Harry Anderson hɔ