“Kɔtɔnima 26–Ayɛwohomumu 1: ‘Ɔhwɛfoɔ Nokwafoɔ, Teneneeni, ne Nyansan’: Nkyerɛkyerɛ ne Apam 51-57,” Bra, Di M’akyi—De ma Efie ne Asɔre: Nkyerɛkyerɛ ne Apam 2025 (2025)
“Nkyerɛkyerɛ ne Apam 51-57,” Bra, Di M’akyi—De ma Efie ne Asɔre: 2025
First Furrow, ɛfiri James Taylor Harwood hɔ
Kɔtɔnima 26–Ayɛwohomumu 1: “Ɔhwɛfoɔ Nokwafoɔ, Teneneeni, ne Nyansani”
Nkyerɛkyerɛ ne Apam 51–57
1830 mu Asɔremma no, na wɔreboaboa Ahotefoɔ ano ne wɔresi Sion kuropɔn yɛ honam mu ne honhom mu nyinaa nnwuma, a na wɔka nneɛma ankasa ho nsɛm: Na ɛhia sɛ obi tɔ asase, baabi a Ahotefoɔ no bɛtena. Na ɛhia sɛ obi tintim nwoma ne dawubɔ afoforɔ. Na na ɛhia sɛ obi yɛ sotɔɔ na ama nkorɔfoɔ a wɔwɔ Sion nneɛma. Wɔ adiyisɛm a ɛwɔ Nkyerɛkyerɛ ne Apam 51-57, Awurade yii nkorɔfoɔ na ɔhyɛɛ sɛ wɔnhwɛ saa nnwuma yi so.
Nanso berɛ a nimdeɛ a ɛfata wɔ saa nneɛma yi mu ho hia wɔ Sion no, saa adiyisɛm yi nso kyerɛkyerɛ sɛ Awurade pɛ sɛ N’Ahotefoɔ fata wɔ honhom mu ama wɔafrɛ wɔn Sion nkorɔfoɔ—Ne nkorɔfoɔ. Ɔfrɛ yɛn mu biara sɛ ɔbɛyɛ “ɔhwɛfoɔ nokwafoɔ, tenenneni, ne nyansani,” anya ahonu honhom, “[a]gyina pintinn” wɔ asɛdeɛ a wɔde ama yɛn mu (hwɛ Nkyerɛkyerɛ ne Apam 51:19; 52:15; 54:2). Sɛ yɛbɛtumi ayɛ saa—ɛmfa ho ne yɛn asetena mu nimdeɛ a ɛfata a—Awurade bɛtumi de yɛ asi Sion.
Nsusuiɛ ma Adesua wɔ Efie ne Asɔre
Awurade pɛ sɛ meyɛ ɔhwɛfoɔ nokwafoɔ, teneneeni, ne nyansafoɔ.
Sɛ anka na woyɛ Asɔreba wɔ afe 1831 mu a, anka wɔbɛtumi ama wode nhyirasoɔ mmara no abɔ bra berɛ a wofa ɔhwɛfoɔ so de w’agyapadeɛ ma Asɔre no. Afei anka ɔbɛsan de, mpɛn pii no, deɛ wode maeɛ no abrɛ wo, a ɛtɔ da bi a mmorosoɔ ka ho. Nanso na ɛnyɛ w’agyapadeɛ bio—na ɛyɛ wo nhwɛsoɔ.
Ɛnnɛ nhyehyɛeɛ no asesa, nanso nnyinasosɛm no ho kɔso hia ma Awurade adwuma. Berɛ a wokenkan ɔfa 51, dwene deɛ Onyankopɔn de ahyɛ wo nsa ho. Deɛn na nsɛm “ɔhwɛfoɔ” (nkyekyɛmu 19) ne “ahyira so” (nkyekyɛmu 5) kyerɛ fa deɛ Onyankopɔn hwehwɛ firi wo hɔ ho?
Titenani Spencer W. Kimball kyerɛkyerɛɛ mu: “Asɔre no mu nhwɛsoɔ yɛ honhom mu ne honam mu gyedie kronkron a akontabuo ka ho. Ɛnam sɛ nneɛma nyinaa yɛ Awurade dea nti, yɛyɛ ahwɛfoɔ wɔ yɛn honamdua, adwene, mmusua, ne agyapadeɛ so. (Hwɛ Nkyerɛkyerɛ ne Apam 104:11–15.) Ɔhwɛfoɔ nokwafoɔ ne nea ɔde tenenee tumidie yɛ adwuma, hwɛ n’ankasa deɛ, na ɔhwɛ ahiafoɔ ne wɔn a wɔnni bie” (“Welfare Services: The Gospel in Action,” Ensign, Obubuo 1977, 78).
San hwɛ “Nhyirasoɔ Mmara” (sini), Asɛmpa nwoma Akoraeɛ.
The Law of Consecration
Historians Kate Holbrook and Steven C. Harper discuss what the Law of Consecration is, the three core doctrines pertaining to it, and how we can live it today.
Nkyerɛkyerɛ ne Apam 52:9–11, 22–27
Mɛtumi ato nsa afrɛ afoforɔ sɛ wɔmmra Kristo nkyɛn wɔ baabiara a mekɔ.
Berɛ a Awurade somaa Asɔre akannifoɔ bebree kɔɔ Missouri no, ɔka kyerɛɛ wɔn sɛ wɔmma berɛ a wɔde retu kwan no ho mma mfasoɔ na “wɔnka asɛm no wɔ kwan so” (nkyekyɛmu 25–27). Sɛn na wobɛtumi akyɛ asɛmpa no “wɔ kwan so,” anaasɛ wɔ wo daadaa nnwumadie mu wɔ w’abrabɔ mu?
Awurade boa me ma mekwati nnaadaa.
Berɛ a na nnipa bebree se wɔwɔ honhom mu adiyie no, na ɛha kane Ahotefoɔ no sɛ wɔnnaadaa wɔn. Kɔkɔbɔ bɛn na Awurade maa wɔn wɔ Nkyerɛkyerɛ ne Apam 52:14? Na Ne mmuaeɛ ne sɛn? (hwɛ nkyekyɛmu 14–19).
Nhyehyɛeɛ yɛ biribi a ɛtaa sisi toatoa so, a wotumi hunu deɛ ɛbɛba. Nhwɛsoɔ ne sɛ worekan nneɛma a mmienu tumi kyɛ anaasɛ owia repue na ɛrekɔtɔ da biara. Nhwɛsoɔ afoforɔ bɛn na wobɛtumi de aka ho? Berɛ a wohwehwɛ Nkyerɛkyerɛ ne Apam 52:14–19, hwɛ Awurade nhyehyɛeɛ a wɔde kwati nnaadaa. Ɛbɛtumi aboa sɛ wobɛhwɛ sɛ “ahonu” kyerɛ ahobrɛaseɛ ne adwensakyera atenka; “ɔdwoɔ” kyerɛ ntoboaseɛ ne ahohyɛsoɔ; ɛna “kyerɛkyerɛ” asekyerɛ yɛ kyerɛkyerɛ, kɔ anim, anaasɛ yɛ kɛseɛ. Wodwene sɛ adɛn nti na saa su ahodoɔ yi, ne setie ka Awurade nhyehyɛeɛ no ho? Sɛn na wobɛtumi de saa nhyehyɛeɛ yi ayɛ adwuma de akwati nnaadaa?
Kyerɛ nsɛm dennen mu. Wɔ Asɛmpa nwoma Akoraeɛ afidie so no, wobɛtumi amia asɛmfua bi so na woakuta mu, na afei woayi “Kyerɛ mu.” Afei ɛde wo bɛkɔ saa asɛmfua no nkyerɛaseɛ. Yɛ yei berɛ a wohyia nsɛmfua a wonnim—anaasɛ nsɛmfua a ayɛ sɛ wonim a wobɛpɛ sɛ wote aseɛ yie.
Nnaadaa ho nhwɛsoɔ bɛn na ɛwɔ yɛn nna yi mu? Yɛbɛyɛ dɛn ahunu berɛ a wɔredaadaa yɛn?
Nhwɛsoɔ, wobɛtumi asi gyinaeɛ wɔ deɛ woyi mu fa sini, nnwom, ne sohyia midia ɛnam susudua a ɛwɔ “Nante Onyankopɔn hann mu” mu De ma Mmabunu Ahoɔden: Woreyi Ɔpɛ ho Akwankyerɛ, 16–21.
San hwɛ Gary E. Stevenson, “Nnaadaa Me,” Liahona, Obubuo 2019, 93–96; “Kyerɛ Me Kwan a ɛba Wo nkyɛn,” Hymns, ɛtɔ so 101; Tinsɛm ne Nsɛmmisa, “Rehwehwɛ Nokorɛ, Akwati Nnaadaa,” Asɛmpa Akoraeɛ.
Mɛtumi akɔ Awurade nkyɛn berɛ a deɛ afoforɔ yi pira me.
Woahunu hwammɔdie pɛn berɛ a obi a wode wo ho too ne so anni wɔn bɔhyɛ so? Yei too Ahotefoɔ a wɔfiri Colesville, New York, a na wɔpɛ sɛ wɔtena Leman Copley asase so wɔ Ohio. Sɛdeɛ wobɛsua afiri saa suahunu yi mu no, dwene ho sɛ wobɛsan ahwɛ atifisɛm a ɛkɔ ɔfa 54 (san hwɛ Ahotefoɔ, 1:125–28; “Ɔhwɛfoɔ ma Asɔre no,” wɔ Adiyisɛm Nteaseɛ mu, 78–79). Sɛ anka na wowɔ adamfoɔ wɔ Colesville Ahotefoɔ no mu a, anka afotuo bɛn na wobɛtumi ahunu wɔ ɔfa 54 na wo ne wɔn akyɛ?
Leman Copley afuo
Nhyira ne wɔn a wɔn akoma mu teɛ.
Wɔ saa nkyekyɛmu yeinom mu, Awurade kasa kyerɛɛ adefoɔ ne ahiafoɔ nyinaa; ɛbɛyɛ anika sɛ wode N’afotuo no bɛtoto akuo mmienu yi ho. Deɛn na ɛwɔ saa nkyekyɛmu yeinom mu a ɛfa w’ankasa ho?
Sɛ wopɛ nsusuiɛ bebree a, hwɛ saa bosome yi Liahona ne De ma Mmabunu Ahoɔden nsɛmma nwoma mu.
Nsusuiɛ ma Nkwadaa Adekyerɛ
Mɛtumi ayɛ nokwafoɔ.
-
Sɛdeɛ ɛbɛboa ma wo nkwadaa ahunu nokwafoɔ asekyerɛ no, mobɛtumi abɔ mu akenkan Nkyerɛkyerɛ ne Apam 51:9 na moakyɛ abasɛm a ɛfa nkwadaa a wɔhyiaa nokorɛdie ho gyinaeɛsie ho. Wobɛtumi de mfonin, sɔkese anaasɛ krataa mmaduaba ayɛ ama abasɛm no ayɛ anika. Sɛn na Awurade hyira yɛn berɛ a yɛpere sɛ yɛbɛyɛ anokwafoɔ?
-
Dwene ho ne wo nkwadaa nni agorɔ bi. Ɛno akyi, monsusu sɛdeɛ anka agorɔ no bɛyɛ berɛ a anka obi yɛɛ asisie wɔ mu ho. Adɛn nti na ɛhia sɛ “yɛdi nokorɛ” mema yɛn ho?
Nkyerɛkyerɛ ne Apam 52:10; 53:3; 55:1
Megye Sunsum Kronkron akyɛdeɛ no nam nsa a wɔde gu soɔ.
-
Wɔka regye Sunsum Kronkron akyɛdeɛ no nam nsa a wɔde gu soɔ mpɛn pii wɔ Nkyerɛkyerɛ ne Apam 51–57. Yei bɛtumi ayɛ akwanya papa sɛ wobɛkyerɛkyerɛ wo nkwadaa fa saa ayɛyɛdeɛ yi ho. Nhwɛsoɔ, wɔbɛtumi ahwɛ akwadaa a wɔrehyɛ no den mfonin na wɔakyerɛ deɛ ɛrekɔso wɔ mfonin no mu. Ma wɔmmɔ wɔn nsam berɛ a wɔbɛte “nsa no a wɔde gu soɔ” anaasɛ “nsa a wɔde gu soɔ” berɛ a wokenkan Nkyerɛkyerɛ ne Apam 52:10; 53:3; 55:1.
-
Mobɛtumi nso ato “The Holy Ghost” (Nkwadaa nnwomnwoma, 105) anaasɛ dwom bi a ɛte saa. Boa wo nkwadaa ma wɔnhwehwɛ nsɛmfua ne kasasin a ɛwɔ dwom no mu a ɛkyerɛkyerɛ fa Sunsum Kronkron akyɛdeɛ no ho.
Onyankopɔn wɔ nhyehyɛeɛ a ɛbɛboa ma wɔnnaadaa me.
-
Sɛdeɛ wobɛkyerɛkyerɛ afa Awurade nhyehyɛeɛ a ɛkwati nnaadaa ho no, wobɛtumi adi kan aboa nkwadaa ma wɔahwehwɛ nhyehyɛeɛ ho nhwɛsoɔ—wɔ abɔdeɛ mu, wɔ kuntu anaasɛ ntoma a ɛyɛ fɛ mu, anaasɛ daa daa asetena mu. Boa wɔn ma wɔnhunu nhyehyɛeɛ a Awurade de maae wɔ Nkyerɛkyerɛ ne Apam 52:14–15. Hwɛ sɛ wɔte nsɛmfua a wɔnnim biara ase wɔ saa nkyekyɛmu yeinom mu. Sɛn na yɛbɛtumi de saa nhyehyɛeɛ yi ahunu nokorɛ?
Ɛwɔ sɛ medi m’apam so berɛ biara.
-
Wɔ w’ankasa nsɛm mu, wo ne wo nkwadaa nkyɛ deɛ ɛtoo Ahotefoɔ a wɔbɛtenaa Leman Colpey asase so no (hwɛ ɔfa 54). Wo nkwadaa bɛtumi ayɛ te sɛ deɛ wɔyɛ Asɔremma a wɔaduru Ohio. Atenka bɛn na anka wɔbɛnya berɛ a Leman buu n’apam so no? Deɛn na yei kyerɛkyerɛ yɛn fa yɛn apam ne bɔhyɛ a yɛdi so ho? Mommɔ mu nkenkan Nkyerɛkyerɛ ne Apam 54:6 na monhunu nhyira a ɛwɔ hɔ ma nkorɔfoɔ a wɔdi wɔn apam so.
Mɛtumi de nhyira a Onyankopɔn de ama me no ahyira afoforɔ.
-
Sɛ worekyerɛ ɔfa 55, ebia wobɛpɛ sɛ wokyerɛkyerɛ mu sɛ na William W. Phelps yɛ dawurubɔ krataa tintimfoɔ a ɔsua faa asɛmpa no ho na ɔbɛkaa Asɔre no ho. Wo ne wo nkwadaa nkenkan Nkyerɛkyerɛ ne Apam 55:1–4, na boa wɔn ma wɔnhunu deɛ na Onyankopɔn pɛ sɛ William yɛ. Sɛn na ɔhyehyɛɛ sɛ ɔde Willianm adomakyɛdeɛ bɛyɛ adwuma? Yei bɛtumi de nsusuiɛ a ɛfa sɛdeɛ Onyankopɔn bɛtumi afrɛ yɛn na yɛde yɛn adomakyɛdeɛ ahyira Ne mma aba.
Sɛ wopɛ nsusuiɛ bebree a, hwɛ bosome yi Adamfoɔ nsɛmma nwoma mu.
Bishop Partridge Gye Nhyirasoɔ, ɛfiri Albin Veselka hɔ