“Sanza ya Motoba 2–8: ‘Komipesa Mobimba na Ntina ya Malamu’: Malongi mpe Mayokani 58–59,” Yaka, Landa Ngai—Mpo na Ndako mpe Eklezia: Malongi mpe Mayokani 2025 (2025)
“Malongi mpe Mayokani 58–59,” Yaka, Landa Ngai—Mpo na Ndako mpe Eklezia: 2025
Independence, Missouri, 1831, na Al Rounds
Sanza ya Motoba 2–8: “Komipesa Mobimba na Ntina ya Malamu”
Malongi mpe Mayokani 58–59
Ntango bampaka ya Eklezia bamonaki yambo esika ya engumba ya Siona—Independence, Missouri—ezalaki esika oyo bakanalaki te. Basusu bakanisaki bakokuta esika moko ya nkembo, esika mpo na lisanga ya bato ya misala na lingomba ya Basantu ya mpiko. Kasi bamonaki mboka ya bato moke, ezanga bompenza oyo bamesanaki na yango mpe bato oyo bafandaki kuna ezalaki bato basusu na esika ete bakuta Basantu. Emonanaki ete Nkolo azalaki kosenga bango te kaka baya na Siona—Alingaki mpe ete bango batonga Siona.
Ntango bosenga na biso ezali kokokana na solo te, tokoki komikundola oyo Nkolo alobelaki Basantu na 1831: “Bokoki komona na miso na bino ya bomoto te, mpo na ntango oyo, mposa ya Nzambe na bino … mpe nkembo oyo ekolanda nsima ya mitungisi mingi” (Malongi mpe Mayokani 58:3.). Iyo bomoi etonda na mikakatano kilikili, kutu motema mabe, kasi tokoki “Kosala bosembo mingi; mpo nguya ezali kati na [biso]” (milongo 27–28).
Tala lisusu Basantu, 1:127–33.
Makanisi mpo na koteya na Ndako mpe na Eklezia
Malongi mpe Mayokani 58:1–5; 59:23
“Nsima ya mitungisi mingi mapamboli eyaka.”
Basantu balikiaki elikya ete na ntango ya bomoi na bango, Etuka ya Jackson oyo elingaki kotombwama na Siona, esika oyo wapi Basantu nyonso bakokaki kosangana. Nzokande, ntango na bango na Etuka ya Jackson etondisamaki na mitungisi. Nsima ya mwa mibu moke, batindikamaki na makasi kolongwa mpe “kozela mwa eleko mpo na bosikoli ya Siona” (Malongi mpe Mayokani 105:9).
Oyekoli nini oyo etali motungisi to mimekano uta na maloba ya Nkolo kati ya Malongi mpe Mayokani 58:1–5? Mpo na nini okanisi mapamboli mosusu eyaka bobele nsima ya mikakatano? Mapamboli nini ozwaki nsima ya mikakatano?
Oyekoli nini na kati ya Malongi mpe Mayokani 59:23 oyo ememeli yo elikya?
Nakoki “kokokisa boyengebene na ngai ebele” ya “bolingi na ngai moko.”
Lokola eteni ya boyekoli ya milongo oyo, okoki kokoma mwa makambo oyo ozali na “komipesa mobimba na ntina ya malamu” kati ya. Nyonso na yango ezali “[ba]ntina ya malamu”? Manyola oyo okoki kosala mpo na “kokokisa boyengebene”—mpe banza kosala miango mpo na kosala yango.
Mpo na nini okanisi Nkolo alingaka yo osala “makambo mingi na bolingi ya bonsomi [na yo moko]”? Nini ekoki kozala mbano soki ozalaki ya “kosangana na makambo nyonso oyo”? Nini 2 Nefi 2:27 ebakisi na bososoli na yo ya mobeko oyo?
Tala lisusu Dale G. Renlund, “Choose You This Day [Bopona Mokolo Oyo],” Liahona, Sanza ya zomi na moko 2018, 104–6.
Malongi mpe Mayokani 58:42–43.
Nkolo alimbisaka ngai ntango nayambolaka.
Elaka ya Nkolo kati na Malongi mpe Mayokani 58:42 mpo na kolimbisa mobimba baoyo bayambolaka ezali bofuli, mpe ezali lisusu kotuna mituna: Koyambola elingi koloba nini? Lolenge nini nakoyeba soki nayambolaki? Libaku malamu, Nkolo akobaki, “Na oyo okoki koyeba…” (molongo 43).
Oyo ezali mituna misusu bato mbala mosusu bazalaka na yango oyo etali boyamboli. Molimo etei yo nini ntango ozali koyekola mikanda oyo epesami awa elandi?
Lolenge nini kotubela masumu na ngai esungaka ngai nayambola? Tala Nzembo 32:1–5; Masese 28:13; Mosiya 27:34–37; Alma 39:12–13.
Nazali komeka kosundola masumu na ngai, kasi nazali kokoba kosala mabunga. Boyamboli na ngai ezali kaka malamu? Tala Bradley R. Wilcox, “Worthiness Is Not Flawlessness [Bolongobani Ezali Bobongi Nie Te],” Liahona, Sanza ya zomi na moko 2021, 61–67; “Daily Restoration” (video), Gospel Library.
Daily Restoration
Lolenge nini nakokikoyeba solo ete Mobikisi alimbisi ngai? Tala Tad R. Callister, “The Atonement of Jesus Christ [Bomikabi ya Yesu Klisto],” Liahona, Sanza ya mitano 2019, 85–87, mingimingi eteni etangameli nkombo “2. Lisumu.”
Okoki kozwa babomoni mosusu kati ya “Questions and Answers [Mituna mpe Biyano]” etali boyamboli kati ya Mpo na Bokasi ya Bilenge: Bokambi mpo na Kosala Maponi (nkasa 8–9).
Tala Topics and Questions, “Repentance [Boyamboli],” Gospel Library.
Polly Knight azalaki nani?
Polly Knight mpe mobali na ye, Tata Joseph Knight, bazalaki bandimi ya yambo na libiangi ya boprofeta ya Joseph Smith. Polly mpe Joseph basungaki makasi Profeta na mosala ya kobongola Buku ya Mormon. Libota ya Knight batikaki Colesville, New York, mpo na kosangana na Basantu na Ohio mpe nsima batindamaki kokende na etuka ya Jackson, Missouri. Ntango bakendaki mobembo, bokolongono ya nzoto ya Polly ebandaki kokita, kasi akanaki komona Siona yambo akufa. Afandaka na Missouri bobele mwa mikolo mike ntango ayaki kokufa (tala Basantu,, 1:127–28, 132–33). Malongi mpe Mayokani 59 ezwamaki na mokolo ya liwa na ye, mpe milongo 1 mpe 2 ekoki kolobela ye mingimingi.
mitindo ezali lipamboli.
Okanisi elingi koloba nini “kolatisama motole … na mitindo”? (molongi 4). Banza lolenge nini Nkolo apambolaka yo ntango olukaka kotosa mobeko moko na moko kati na milongo 5–19.
Kabola maye ozali koyekola. Na mabaku mingi, babomoni ya Molimo ozwaka ntango oyekolaka makomi ekoki kolendisa bondimi ya libota, baninga, mpe bandimi ya palwasi. Kabola elongo na bango baboyebi, mayoki, mpe litatoli na yo ya Yesu Klisto.
Saba ezali mokolo ya Nkolo.
Nsima ya kolaka kopambola Basantu na Siona “na mitindo ya ndambo te,” Nkolo abetaki nsete ya ntina na motindo moko mpenza: motindo ya kotosa ya Ye “mokolo mosantu” (Malongi mpe Mayokani 59:4, 9). Ntango ozali koyekola Malongi mpe Mayokani 59:9–19., manyola mpo na nini botosi mokolo ya Saba esengelaki kozala motuya mpenza na Basantu oyo ntango bazalaki koluka kotonga Siona. Mpo na nini ezali motuya epayi na yo?
Okoki lisusu komanyola soki ozali kosalela mokolo ya Saba na lolenge Nkolo akanaki? Lolenge nini kobatela mokolo ya Saba lokola esantu esungaka ngai natikala “na bosoto uta na mokili te”? (molongo 9). Nini ekoki yo kosala mpo na kopesa ya yo “nsambo epayi ya Oyo Azali Likolo Koleka”? (molongo 10).
Okoki komona ete Nkolo asalelaki maloba lokola “kosepela,” “esengo,” mpe “bosepeli” mpo na koteya oyo etali mokolo ya Saba. Nini esalaka Saba ezala esengo mpo na yo? Lolenge nini okolimbola epayi ya moto moko mpo na nini oponaka kotosa mokolo ya Nkolo?
Nini oyekoli uta loyembo “Gently Raise the Sacred Strain [Telemisa na Boboto Ezalela ya Bule]” (Hymns, no. 146) etali bantina ya mpe mapamboli ya Saba?
Tala lisusu Genese 2:2–3; Yisaya 58:13–14; Russell M. Nelson, “The Sabbath Is a Delight,” Liahona, May 2015, 129–32.
Mpo na makanisi mingi koleka, tala bansango ya sanza oyobya magazini ya Liahona mpe Mpo na Bokasi ya Bilenge .
Makanisi mpo na Koteya Bana
Tata na Lola apesaki ngai nguya ya kopona.
-
Kotangaka elongo Malongi mpe Mayokani 58:26–28 ekoki kopesa bino mpe bana na bino libaku bosolola oyo etali nguya Tata na Lola apesaki biso mpo na kopona kosala malamu. Bokoki koyebisana na oyo etali maponi ndenge na ndenge bosalaki mpe maye ekomelaki bino lokola mbano. Ntango mosusu bana na bino bakoki kolinga koyema elilingi ya boyebi na bango.
-
Bokoki kokoma boponi na ngambo moko ya eteni ya lokasa mpe likama likolo ya ngambo mosusu mpe salela lokasa oyo mpo na kolakisa ete maponi na biso mpe makama ekabwanaka te. Ntango mosusu bana na bino bakoki kokoma mwa maponi mike mpe kosolola oyo etali makama oyo eyaka uta na yango. Nsima bokoki kotanga elongo Malongi mpe Mayokani 58:27–28 mpe bosolola oyo etali maponi oyo “ekokisaka boyengebene ebele” to makama ya malamu. Lolenge nini Tata na Lola “afutaka” to apambolaka biso ntango tolukaka kosala malamu? (molongo 28).
Malongi mpe Mayokani 59:7, 18–21
“Tonda Nkolo Nzambe na yo na makambo nyonso.”
-
Banza kotanga milongo oyo ntango yo mpe bana na bino bokei kotambola moke to kotala bililingi ya mokili, komonaka makambo oyo “esepelisaka misu mpe … esepelisaka motema” (molongo 18). Bokoki lisusu komona makambo ekokana kati ya loyembo lokola “My Heavenly Father Loves Me [Tata na Ngai na Lola Alingi Ngai]” (Children’s Songbook, 228–29). To bokoki kobengisa bana na bino bayema bililingi to makambo oyo bazali na yango botondi mpo na mpe botika bango balobela bino oyo etali bililingi na bango. Boniboni ekoki biso kolakisa botondi mpo na makambo oyo?
Nkolo akelaki biloko mingi ya kitoko mpo na kopesa biso esengo.
Saba ezali mokolo ya Nkolo.
-
Nini tokoki kosala na mokolo ya Eyenga mpo na kokumbamela Nkolo mpe kozwa esengo? Bosalisa bana na bino bazwa makanisi kati na Malongi mpe Mayokani 59:9–12 mpe na lokasa ya moluluya poso oyo. Ntango mosusu bakoki lisusu kozwa bililingi to biloko mpo na kolakisa makambo oyo tosalaka Saba (lokola bililingi ya elambo na mwango oyo). Lolenge nini makambo oyo esungaka biso toyoka kozala pene ya Tata na Lola mpe Yesu Klisto?
Mpo na makanisi mingi koleka, tala nsango ya sanza oyo na magazini Moninga .
Ndakisa ya foto na Marti Major