“Ayɛwohomumu16–22: ‘Awurade Hwehwɛ Akoma ne Adwene a ɛwɔ Ɔpɛ’: Nkyerɛkyerɛ ne Apam 64–66,” Bra, Di M’akyi—De ma Efie ne Asɔre: Nkyerɛkyerɛ ne Apam 2025 (2025)
“Nkyerɛkyerɛ ne Apam 64-66,” Bra, Di M’akyi—De ma Efie ne Asɔre: 2025
Daviess County, Missouri
Ayɛwohomumu 16–22: “Awurade Hwehwɛ Akoma ne Adwene a ɛwɔ Ɔpɛ”
Nkyerɛkyerɛ ne Apam 64–66
Wɔ ahuhuro a ano yɛ den mu wɔ 1831 mu, na elderfoɔ pii retu kwan afiri Sion asase so wɔ Missouri asan akɔ Kirtland. Na ɔhyew ama akwantufoɔ no abrɛbrɛ, na ayamhyehyɛ danee akasakasa. Na ayɛ sɛ Sion, a ɛyɛ ɔdɔ, koroyɛ, ne asomdwoeɛ kuropɔn no kyekyere bɛkyɛre.
Anigyesɛm ne sɛ, yɛrekyekyere Sion—wɔ Missouri wɔ 1831 anaasɛ wɔ yɛn akoma mu, mmusua, ne wɔɔdo mu ɛnnɛ—nhwehɛ sɛ yɛwie pɛyɛ. Mmom, “mo deɛ ɛhwehwɛ sɛ mode kyɛ,” Awurade kaeɛ (Nkyerɛkyerɛ ne Apam 64:10). Ɔhwehwɛ “akoma ne adwene a ɛwɔ ɔpɛ” (nkyekyɛmu 34). Na Ɔhwehwɛ aboterɛ ne nsiyɛ, ɛfiri sɛ wɔkyekyere Sion wɔ fapem a ɛyɛ “nneɛma nketewa,” na wɔn a wɔwie no yɛ wɔn a “wɔmmrɛ wɔ papayɛ mu” (nkyekyɛmu 33).
San hwɛ Ahotefoɔ, 1:133–34, 136–37.
Nsusuiɛ de ma Adesua wɔ Efie ne Asɔre
“Momfa nkyekyɛ mo ho.”
Dwene deɛ ɛdidi soɔ yi ho berɛ a wosua Nkyerɛkyerɛ ne Apam 64:1–11:
-
Dwene berɛ bi a Awurade de kyɛɛ wo ho. Atenka bɛn na wonyaeɛ?
-
Obi wɔ hɔ a wohia sɛ wode kyɛ no? Adɛn nti na wode rekyɛ afoforɔ bɛtumi ayɛ den yie? Deɛn na ɛboa wo ma wodi saa ɔhaw yi so?
-
Nokorɛ bɛn na ɛfa bɔnefakyɛ ho wɔ Nkyerɛkyerɛ ne Apam 64:1–11 a ayɛ sɛ ɛho hia ma wo? Wodwene sɛ adɛn nti na Awurade hyɛ yɛn sɛ “yɛmfa nkyɛ obiara”? (nkyekyɛmu 10).
Sɛ ɛyɛ wo den sɛ wode bɛkyɛ a, dwene ho sɛ wobɛsua Elder Jeffrey R. Holland nkrasɛm “The Ministry of Reconciliation” (Liahona, Obubuo 2018, 77–79) anaasɛ Kristin M. Yee nkrasɛm “Beauty for Ashes: The Healing Path of Forgiveness” (Liahona, Obubuo 2022, 36–38). Deɛn na wosua fa sɛdeɛ Kristo bɛtumi aboa wo ma wode akyɛ ho?
Abusua nkutahodie bɛtumi ama akwanya bebree a wode bɛkyɛ. Dwene w’abusuafoɔ ho. Hwan na wohia sɛ wode kyɛ no? Sɛn na yɛnya “amanehunu” (nkyekyɛmu 8) berɛ a yɛmfa nkyekyɛ yɛn ho? Sɛn na bɔnefakyɛ bɛnya nkɛntɛnsoɔ wɔ w’abusua nkutahodie mu?
San hwɛ Tinsɛm Nsɛmmisa, “Bɔnefakyɛ,” Asɛmpa nwoma Akoraeɛ; “Bɔnefakyɛ: M’adesoa Mu Yɛɛ Hare” (sini), Asɛmpa Akoraeɛ.
Forgiveness: My Burden Was Made Light
After a man loses his wife and several children in a car accident, he finds healing and is able to forgive the offending driver through the power of Jesus Christ.
“Ɛsɛ sɛ mode bɔne kyekyɛ mo ho” (Nkyerɛkyerɛ ne Apam 64:9).
Awurade bisa “m’akoma ne adwne a ɛwɔ ɔpɛ.”
Woate nka pɛn sɛ “woabrɛ” wɔ “papayɛ” nyinaa a worebɔ mmɔden sɛ wobɛwie ho? Hwehwɛ Awurade nkrasɛm a ɔwɔ ma wo wɔ Nkyerɛkyerɛ ne Apam 64:31–34. Deɛn na Awurade pɛ sɛ woyɛ ma ɛde “N’adwuma kɛseɛ ba”?
Dwene nhwɛsoɔ adeɛ bi a ɛbɛkyerɛ nkyekyɛmu 33—biribi kɛseɛ a wɔde nneɛma nketewa na ayɛ, te sɛ mfrafraeɛ anaasɛ ntayaa dan. Deɛn “nneɛma nketewa” na wobɛtumi ayɛ no da biara de “[ato] fapem” ama Onyankopɔn adwuma kɛseɛ? Deɛn nhwɛsoɔ binom wɔ “adwuma kɛseɛ” ho na Awurade de ama wo?
“Akoma ne adwene a ɛwɔ ɔpɛ”
Elder Donald L. Hallstrom susuu sɛ saa asekyerɛ yi bɛyɛ ama kasasin “akoma ne adwene a ɛwɔ ɔpɛ”:
“Akoma gyina hɔ ma ɔdɔ ne ahofama. Yɛbɔ afɔdeɛ na yɛsoa wɔn a yɛdɔ wɔn nnesoa a yɛremfa mfa mu mma botaeɛ foforɔ biara. Sɛ ɔdɔ nni hɔ a, yɛn ahofama so te.
“Yɛrenya ‘adwene a ɛwɔ ɔpɛ’ kyerɛ yɛrebɔ mmɔden na yɛredwene yie pa ara sɛdeɛ yɛbɛtumi na yɛrehwehwɛ Onyankopɔn nyansa. Ɛsusu sɛ ɛwɔ sɛ deɛ yɛgye berɛ pa ara wɔ ho sua wɔ yɛn nkwa nna mu yɛ nneɛma a ɛwɔ daapem su. Ɛkyerɛ sɛ ɛwɔ sɛ abusuabɔ pintinn da yɛretie Onyankopɔn asɛm ne yɛreyɛ setie ama no ntam” (“Akoma ne Adwene a ɛwɔ Ɔpɛ,” Ensign, Ayɛwohomummɔ 2011, 31–32).
Sion bɛyɛ “frankaa ama nkorɔfoɔ no.”
Frankaa yɛ “ahyɛnsodeɛ anaasɛ susudua a nkorɔfoɔ hyia wɔ ho wɔ botaeɛ anaasɛ su baako mu ” (Nsɛmpa no mu Akwankyerɛ, “Ensign,” Asɛmpa nwoma Akoraeɛ). Sɛn na Sion—anaasɛ Awurade Asɔre no—ayɛ te sɛ frankaa ama wo? Dwene nneɛma a wɔpagya, te sɛ frankaa, de hyira nkorɔfoɔ ho nhwɛsoɔ afoforɔ yeinom ho: Numeri 21:6–9; Mateo 5:14–16; Alma 46:11–20. Hwehwɛ akwan afoforɔ a Awurade de kyerɛkyerɛɛ Sion wɔ Nkyerɛkyerɛ ne Apam 64:41–43.
San hwɛ “Let Zion in Her Beauty Rise,” Nnwom, ɛtɔ so 41.
Onyankopɔn ahemman a ɛwɔ asase so no siesie wiase ma Agyenkwa no mmaeɛ bio.
Nkyerɛkyerɛ ne Apam 65 ma Awurade Asɔre a ɛwɔ nna a ɛdi akyire mu botaeɛ ho nkuranhyɛ nkyerɛkyerɛmu. Dwne ho sɛ wobɛhwehwɛ saa ɔfa yi, apɛ mmuaeɛ ama nsɛmmisa te sɛ yeinom: Deɛn na Awurade pɛ sɛ N’ahemman nya wɔ asase so? Deɛn na Ɔpɛ sɛ meyɛ de boa?
San hwɛ “Siesie wo ho Ɛnnɛ ma Mmaeɛ a ɛtɔ so Mmienu no” (sini), ChurchofJesusChrist.org.
Prepare Today for the Second Coming
(Joseph Smith—Matthew 1:46–54; Matthew 24:42–51) An excerpt from “Preparation for the Second Coming,” Ensign or Liahona, May 2004, 8–9.
Awurade nim m’akoma mu nsusuiɛ.
Berɛ kakra bi akyi a William E. McLellin bɛkaa Asɔre no ho no, ɔkaa sɛ Joseph Smith nna Onyankopɔn pɛ a ɔwɔ ma no adi nkyerɛ no. Na Joseph nnim, nanso na William wɔ ɔno ankasa nsɛmmisa num a na ɔwɔ anidasoɔ sɛ Awurade bɛfa Ne Nkɔmhyɛni so ama no ɛho mmuaeɛ. Yɛnnim William nsɛmmisa no, nanso adiyisɛm a ɛkɔ maa no, seesei Nkyerɛkyerɛ ne Apam 66, buaa William asɛmmisa no mu biara maa “ne bo tɔɔ ne yam yie” (“William McLellin Nsɛmmisa Num,” wɔ Adiyisɛm wɔ Nteaseɛ mu, 138).
Berɛ a wokenkan ɔfa 66, Dwne deɛ na Awurade nim fa William McLellin ho ne ne haw ne n’akoma mu botaeɛ ho. Sɛn na Awurade akyerɛ wo sɛ Ɔnim wo? Sɛ wowɔ agyapanin nhyira, dwne ho sɛ wobɛhwɛ mu yie. Berɛ a woyɛ no, sɛn na Sunsum Kronkron no boa wo ma wote Onyankopɔn pɛ a ɔwɔ ma wo ase?
Sɛ wopɛ nsusuiɛ bebree, hwɛ bosome yi Liahona ne De ma Mmabunu Ahoɔden nsɛmma nwoma mu.
Nsusuiɛ ma Nkwadaa Adekyerɛ
Yesu Kristo pɛ sɛ mede kyɛ obiara.
Hyɛ no nso: Berɛ a wokyerɛkyerɛ wo nkwadaa fa Awurade ahyɛdeɛ “sɛ mode bɛkyɛ obiara,” wobɛtumi akyerɛ mu sɛ bɔnefakyɛ nkyerɛ sɛ worema nkorɔfoɔ kwan ma wɔapira wo. Hyɛ wɔn nkuran sɛ sɛ obi pira wɔn anaasɛ sɔ wɔn baabi a ɛmfata a ɛwɔ sɛ wɔka kyerɛ ɔpanin bi a wɔwɔ ne mu gyedie.
-
Wo ne wo nkwadaa akenkan Nkyerɛkyerɛ ne Apam 64:10 awie no, wo ne wɔn nkasa mfa wode rekyɛ obi asekyerɛ ho. Mobɛtumi akyɛ nhwɛsoɔ ntiantia kakra bi. Ebia wɔbɛtumi ayɛ saa nhwɛsoɔ yeinom ho yɛ-kyerɛ de asua bɔnefakyɛ.
-
Wobɛtumi ama wo nkwadaa ayɛ nhyehyɛeɛ a ɛfa sɛdeɛ wɔbɛsi akyerɛkyerɛ obi—te sɛ onua kumaa—fa wode rekyɛ afoforɔ ho. Boa wɔn ma wɔnhwehwɛ kasasin ahodoɔ wɔ Nkyerɛkyerɛ ne Apam 64:7–10 mu a wɔbɛtumi de adi dwuma berɛ a wɔkyerɛkyerɛ.
-
Monto dwom mfa bɔnefakyɛ ho, te sɛ “Help Me, Dear Father” (Nkwadaa Nnwomnwoma, 99). Deɛn na saa dwom yi kyerɛkyerɛ yɛn fa yɛde rekyɛ afoforɔ ho?
Wɔyɛ Onyankopɔn “adwuma kɛseɛ” wɔ “nneɛma nketewa mu.”
-
Wobɛtumi de nneɛma bi a wɔde afa nketewa na ayɛ, te sɛ ahintasɛm anaasɛ kɛtɛ akyerɛ wo nkwadaa. Afei mobɛtumi abɔ mu akenkan Nkyerɛkyerɛ ne Apam 64:33. Deɛn ne Onyankopɔn “adwuma kɛseɛ”? Deɛn ne “nneɛma nketewa” a yɛbɛtumi ayɛ a ɛbɛboa?
Mɛtumi de m’akoma ne m’adwene adi Yesu akyi.
-
Berɛ a wokenkan kyerɛ wo nkwadaa firi Nkyerɛkyerɛ ne Apam 64:34, wobɛtumi de wo nsa akyerɛ w’akoma ne wo ti berɛ a wokan “akoma” ne “adwene,” na ma nkwadaa no ne wo nyɛ. Sɛn na yɛbɛtumu de yɛn akoma (ɔpɛ) ne adwene (nsusuiɛ) ama Agyenkwa no?
Si Yesu Kristo nhwɛsoɔ no so dua. Dwene sɛdeɛ wobɛtumi asi Agyenkwa no nhwɛsoɔ so dua berɛ a wosua anaasɛ wokyerɛkyerɛ. Nhwɛsoɔ, sɛ worekyerɛkyerɛ afa Nkyerɛkyerɛ ne Apam 64:34, wobɛtumi ne wo nkwadaa akasa afa sɛdeɛ Agyenkwa no de n’akoma (ɔpɛ) ne adwene (nsusuiɛ) maa N’Agya a ɔwɔ Soro. (Hwɛ Teaching in the Savior’s Way, 6.)
Awurade nim sɛdeɛ meteɛ na ɔdɔ me.
-
Boa wo nkwadaa ma wɔnte aseɛ sɛ na William E. McLellin wɔ nsɛmmisa num ma Awurade. Joseph Smith nyaa saa nsɛmmisa yeinom ho mmuaeɛ ɛwom sɛ na ɔnnim William nsɛmmisa no. Ka berɛ bi a Awurade kyerɛɛ wo deɛ na Ɔpɛ sɛ woyɛ kyerɛ wo nkwadaa, na monkasa mfa nhyira a ɛfiri N’akwankyerɛ a wodii so mu baeɛ ho. Afei mobɛtumi abɔ mu akenkan Nkyerɛkyerɛ ne Apam 66:4 na woama wo nkwadaa ahwehwɛ akwanya a wɔde bɛte deɛ Awurade pɛ sɛ wɔyɛ ase.
Nkyerɛmu a ɛfiri Mmaeɛ a ɛtɔ so Mmienu, ɛfiri Kevin Keele hɔ.
Mɛtumi aboa asiesie wiase de agye Yesu Kristo.
-
Berɛ a wo nkwadaa hwɛ Agyenkwa no Mmaeɛ a ɛtɔ so Mmienu ho mfonin no, ma wɔnkyerɛkyerɛ deɛ wɔhunu anaasɛ deɛ wɔnim fa saa abasɛm yi ho. Wobɛtumi nso ama wo nkwadaa nsɛm ne kasasin ahodoɔ fa Mmaeɛ a ɛtɔ so Mmienu no ho sɛ wɔnhwehwɛ wɔ Nkyerɛkyerɛ ne Apam 65. Deɛn na saa nsɛm ne kasasin ahodoɔ yeinom kyerɛkyerɛ yɛn? Sɛn na yɛbɛtumi asiesie yɛn ho ama Agyenkwa no mmaeɛ bio?
Sɛ wopɛ nsusuiɛ bebree a, hwɛ bosome yi Adamfoɔ nsɛmma nwoma mu.
Wɔde akyɛ, ɛfiri Greg Olsen hɔ