I Will Remember the Covenant, ka Enrique Manuel Garcia

Seetebosigo 30–Phukwi 6: “Ga go na Sebetsa sepe se se Dirilweng kgatlhanong le Lona se se Tlaa Tlhogonolofalang”

Dithuto le Dikgolagano 71–75

Ga e sale e le mosimane, Joseph Smith o ne a lebagana le bakgadi—le e leng baba—fa a ntse a leka go dira tiro ya Modimo. Fela go tshwanetse go bo go ne ga nna thata bogolo-bogolo mo bofelong jwa 1831 fa Ezra Booth a simolola go nyenyefatsa Kereke mo pontsheng, gone mo ntlheng e mokgadi e ne e le modumedi wa pele. Ezra o ne a bone Joseph a dirisa thata ya Modimo go fodisa mosadi. O ne a laleditswe go pata Joseph mo tshekatshekong ya ntlha ya lefatshe la Sione mo Missouri. Fela o ne a sale a latlhegetswe ke tumelo ya gagwe mme, mo maitekong a go nyefola Moporofeti, o ne a anamisa mokoloko wa makwalo mo pampiring ya dikgang ya Ohio. Mme maiteko a gagwe a ne a lebega a bereka, gonne “maikutlo a a senang botsalano … a ne a simologile kgatlhanong le Kereke” mo kgaolong (Dithuto le Dikgolagano 71, setlhogo sa kgaolo). Badumedi ba tshwanetse go dira eng mo ntlheng e e tshwanang le eo? Le fa go sena karabo e le nngwe e e siameng ya seemo sengwe le sengwe, go lebega gore gantsi—go akaretsa kgang e ka 1831—karolo ya karabo ya Morena ke go bolela boammaaruri le go siamisa maaka ka go bolela efangele” (temana 1). Ee, tiro ya Morena ka metlha e tla nna le bakgadi, mme kwa bofelong, “ga go na sebetsa sepe se se dirilweng kgatlhanong le [yone] se se tlaa tlhogonolofalang” (temana 9).

Bona “Ezra Booth and Isaac Morley,” mo go Revelations in Context, 134.

Megopolo ya go ithuta kwa Gae le kwa Kerekeng

Dithuto le Dikgolagano 71

Mowa o tla nkaela fa ke bolela efangele ya Mmoloki.

Go ka tshwenya fa batho ba kgala kgotsa ba nyatsa tumelo ya gago mo go Mmoloki, efangele ya Gagwe, kgotsa Kereke ya Gagwe. Fa seo se diragala, o dira jang? Sengwe se se tshwanang se ne sa diragala mo Ohio ka 1831 (bona setlhogo sa kaolo ya Dithuto le Dikgolagano 71). Morena o ne a bolelela Joseph Smith le Sidney Rigdon go dira eng ka gone mo go Dithuto le Dikgolagano 71? Gongwe o ka nankola ditaolo tse Morena a di ba neetseng le ditshegofatso tse a di solofeditseng.

Mo godimo ga go ithutuntsha tsetlana 71, o ka sekaseka gape ka fa Mmoloki a tsibogetseng bakgadi ba Gagwe ka nako ya tirelo ya Gagwe mo lefatsheng. Fano ke dingwe tsa dikai: Mathaio 22:15–22; 26:59–64; Johane 10:37–38. O ithutang mo go Ene? Ke ditshedimosetso dife tse dingwe tse o di bonang mo Mathaio 18:15; Baefesi 4:31–32; 2 Timotheo 3:12; Jakobe 1:19?

Kgakololo ya Gagwe e ka ama jang diemo tse o lebaganang le tsone gompieno? O ka nna wa akanya ka ditsela tsa go siamisa ka kagiso maaka ka mafoko a gago. Sekai, o ka simolola ka go supa tlotlo ya mogopolo wa motho yo mongwe, mme ke gone o ka abelanang ka tsela e e ikokobeditseng le ya bopelonomi se o se dumelang ka Jeso Keresete le dithuto tsa Gagwe. Go baakanyetsa metlha e, gongwe o ka ikatisetsa mokgwa ona le ditsala kgotsa maloko a lelwapa.

Bona gape Ditlhogo le Dipotso, “Helping Others with Questions,” Gospel Library; Dallin H. Oaks, “Loving Others and Living with Differences,” Liahona, Ngwanatsele. 2014, 25–28; Jörg Klebingat, “Valiant Discipleship in the Latter Days,” Liahona, Motsheganong 2022, 107–10.

Dithuto le Dikgolagano 72

Morena o ntshegofatsa ka tirelo ya baeteledipele jaaka bobishopo.

Fa Newel K. Whitney a ne a bidiwa go direla e le bishopo, ditiro tsa gagwe di ne di farologane go le gonnye le tsa bobishopo ba gompieno. Sekai, Bishopo Whitney o ne a okametse tshwaelo ya thoto le tetla go nna mo lefatsheng la Sione mo Missouri. Mme fa o bala ka pitso ya gagwe mo Dithuto le Dikgolagano 72, o ka lemoga dingwe tsa dikamano mo go se bobishopo ba se dirang gompieno—go le gonnye mo moweng, fa e se tse di faphegileng, tsa ditiro tsa bone.

Sekai, ke ka ditsela dife tse o “neelang pego” kwa bishopong wa gago? (temana 5). Mo malatsing a rona, “ntlo ya polokelo ya Morena” e ka akaretsa dimpho, tirelo, le ditalente tsa maloko a wate (bona ditemana 10, 12). O ka ntsha seabe jang mo ntlong ya polokelo?

Morena o go segofaditse jang le lelwapa la gago ka tirelo ya bishopo?

Bona gape Quentin L. Cook, “Bishops—Shepherds over the Lord’s Flock,” Liahona, Motsheganong 2021, 56–60.

Dithuto le Dikgolagano 73

Ke na le menyetla e mentsi ya go abelana efangele ya Mmoloki.

Fa Joseph Smith le Sidney Rigdon ba boa mo thomong ya bone ya boanamisa efangele (bona Dithuto le Dikgolagano 71), Morena o ne a ba bolelela go tswelela pele ka thanolo ya bone ya Baebele (bona Kaelo ya Dikwalo tse di Boitshepo, “Thanolo ya ga Joseph Smith (TJS),” Motlobo wa Efangele). Mme seo se ne se sa reye gore O ne a batla ba emisa go abelana efangele. Le fa go le jalo, ke karolo ya botshelo jwa morutwana.

Fa o bala Dithuto le Dikgolagano 73, akanya ka fa o ka dirang gore go abelana efangele e nne “mokgwa,” o o tsweletseng (temana 4)—kgotsa wa nnete—karolo ya botshelo jwa gago mogare ga maikarabelo a mangwe a gago.

Go abelana efangele ya ga Jesu Keresete go ka nna mo go tlwaelegileng le ga tlholego.

Dithuto le Dikgolagano 75:1–16

“Dira ka maatla a gago … go bolela boammaaruri.”

Tshenolo mo tsetlana 75 e ne e le puisano le batho ba ba neng ba “neetse maina a [bone] go bolela efangele ya [Mmoloki]” (temana 2). Tsela e le nngwe ya go ithutuntsha tshenolo ena ke go dira dinankolo tse pedi: (1) ka fa o ka abelanang efangele ka natla le (2) ka fa Morena a re segofatsang le go re tshegetsa ka teng fa re dira jalo.

O akanya gore go raya eng go “diega” kgotsa “go tshwakgafala” mo go abelaneng efangele? Go lebega jang go “dira ka maatla a gago”? (temana 3).

Bona gape “I’ll Go Where You Want Me to Go,” Hymns, no. 270.

Ka megopolo thata, bona dikgatiso tsa kgwedi ena tsa Liahona le Ya Nonofo ya Banana dimakasine.

Megopolo ya go Ruta Bana

Dithuto le Dikgolagano 71

Ke ka femela boammaaruri ka go abelana bopaki jwa me.

• O ka dirisa setlhogo sa kgaolo ya Dithuto le Dikgolagano 71 kgotsa “Kgaolo 25: Joseph Smith le Sidney Rigdon ba Ya Thomong” (mo Dipolelong tsa Dithuto le Dikgolagano, 96, kgotsa ditshwantsho tsa motshikinyego tse di tsamaelanang le tsone mo Motlobong wa Efangele) go ruta bana ba gago ka diemo tse di tlhotlheletsang tsetlana 71. Go tswa foo ba thuse go lemoga mo go temana 1 se Morena a neng a batla gore Joseph le Sidney ba se dire ka “maikutlo a a senang botsalano” mabapi le Kereke. O rile O tla ba thusa jang? Re ka tshwana jang le Joseph le Sidney?

  Chapter 25: Joseph Smith and Sidney Rigdon Go on a Mission: December 1831–January 1832

• Gape o ka opela pina e e tlhotlheletsang bana ba gago go nna boammaaruri mo go Mmoloki, sekai “Stand for the Right” (Children’s Songbook, 159). Thusa bana ba gago go ipaakanyetsa ka fa ba ka abelanang se ba se itseng ka Jeso Keresete.

Dithuto le Dikgologano 72:2

Morena o biditse bishopo go nthusa.

• Go bala Dithuto le Dikgolagano 72:2 mmogo go ka dira monyetla wa go buisana gore ke ka goreng Morena a re neela bobishopo (bona gape “Kgaolo 17: Bobishopo ba Ntlha ba Kereke,” mo Dipolelo tsa Dithuto le Dikgolagano, 64–66, kgotsa ditshwantsho tsa motshikinyego tse di tsamaelanang mo Motlobong wa Efangele). Wena le bana ba gago le ka bona ditshwantsho le di dirisiwa tse di kayang maikarabelo a bishopo. Setshwantsho le tsebe ya tiragatso kwa bofelong jwa tshoboko e di neela megopolo mengwe. Go tswa foo le ka bua mmogo ka bobishopo ba le ba itseng le ka fa Morena a segofaditseng lelwapa la lona ka tirelo ya bone.

  Chapter 17: The First Bishops of the Church: February and December 1831

Ka metlha ruta ka ga Jeso Keresete. “Go sa re sepe gore o ruta eng, gakologelwa gore o ruta tota ka Jeso Keresete le ka fa re ka tshwanang le Ene” (Teaching in the Savior’s Way, 6). Sekai, fa o ruta bana ba gago ka bobishopo, gatelela gore ke baemedi ba ga Jeso Keresete, ba ba biditsweng ke Ene go dira tiro ya gagwe (bona 1 Petere 2:25).

Morena o batla bobishopo ba tlhokomela batho ba ba tlhokang.

(Dithuto le Dikgolagano 75:3)

Ka ka direla Morena gotlhe mo ke ka go kgonang.

• Go bua ka pharologano fa gare ga go nna “setshwakga” le “go dira ka maatla a [rona],” gongwe o ka tlhopha ditiro dingwe tsa tirelo kgotsa tsa mo lwapeng mme wa laletsa bana ba gago go supa go di dira ka botswa mme morago ka maatla a bone otlhe. Fa o bala “le fa e le go tshwakgafala” mo Dithuto le Dikgolagano 75:3, bana ba gago ba go supetsa ka fa ba tla dirang ditiro tsa mo gae ka botshwakga. Fa o bala “mme o dira ka maatla a gago,” ba ka supa ka fa ba dirang ka thata ka teng. Ke ka ntlha ya eng go le botlhokwa gore re dire gotlhe mo re ka go kgonang fa re direla Morena?

• Mo molaetseng wa gagwe “Two Principles for Any Economy” (Liahona, Ngwanatsele. 2009, 55–58), Poresidente Dieter F. Uchtdorf o boletse polelo tse pedi ka tiro. Gongwe o ka e abelana le bana ba gago mme la bua ka fa go utlwalang ka teng go itse gore re dirile ka thata le go dira tsotlhe tse re ka di kgonang.

Ka megopolo thata, bona kgatiso ya kgwedi e ya Friend makasine.

Recognizing the Tender Mercies in Your Life, ka Keith Larson