Dwanekɔbea, ɛfiri Shaelynn Abel hɔ

Kutawonsa 7–13: “Wɔn Akatua Bɛyɛ Kɛseɛ na Wɔn Animuonyam Bɛyɛ Daapem”

Nkyerɛkyerɛ ne Apam 76

“Deɛn na ɛbɛyɛ me wɔ me wuo akyi?” Ɛrekame ayɛ sɛ obiara bisa saa asɛm yi wɔ kwan bi so. Mfehaha mu, Kristosom amammerɛ bebree agyina nyamesɛm nkyerɛkyerɛ so, akyerɛkyerɛ sɛ afa ɔsoro ne asamando, paradise ma ateneneefoɔ ne ayayadeɛ ma abɔnefoɔ ho. Na nnipa abusua nyinaa mu bɛtumi akyɛ ketee saa ankasa? Wɔ Ɔgyefoɔ 1832 mu, Joseph Smith ne Sidney Rigdon dwenee ho sɛ na bebree wɔ hɔ a ɛwɔ sɛ wɔhunu fa asɛm no ho a (hwɛ Nkyerɛkyerɛ ne Apam 76, ɔfa atifiasɛm).

Nokorɛ mu na ebi wɔ hɔ. Berɛ a na Joseph ne Sidney redwene saa nneɛma yeinom ho no, Awurade “de ne nsa kaa [wɔn] nteaseɛ ani ma ɛbuebueeɛ” (nkyekyɛmu 19). Wɔnyaa adiyisɛm bi a ɛyɛ fɛ yie, ɛyɛ anigyeɛ yie, ɛhyerɛn yie a Ahotefoɔ no frɛɛ no tiawa sɛ “Anisoadehunu no.” Ɛbuee ɔsoro mpoma na ɛmaa Onyankopɔn mma adwene hunuu daapem foforɔ. Anisoadehunu no daa no adi sɛ ɔsoro yɛ kɛseɛ ne tɛtrɛɛ na ɛgye obiara kyɛn deɛ na nkorɔfoɔ pii susu kane. Onyankopɔn yɛ ahummɔborɔ ne tenenee bebree kyɛn deɛ yɛbɛtumi ate aseɛ. Na Onyankopɔn mma wɔ daapem hyɛberɛ bi a ɛyɛ animuonyam kyɛn deɛ yɛn adwene bɛtumi asusu

Hwɛ Ahotefoɔ, 1:147–50; “Anisoadehunu No,” wɔ Adiyisɛm Nteaseɛ mu, 148–54.

Nsusuiɛ de ma Adesua wɔ Efie ne Asɔre

Nkyerɛkyerɛ ne Apam 76

Nkwagyeɛ nam Yesu Kristo, Onyankopɔn Ba no so na ɛba.

Ɔfa 76 da nokorɛ a ɛho hia fa yɛn daapem hyɛberɛ ho adi, nanso ɛrenwie pɛyɛ sɛ yɛbɛka sɛ saa adiyisɛm yi fa animuonyam ahemman mmiɛnsa no ho anaasɛ mpo ɛfa nkwagyeɛ nhyehyɛeɛ no ho kɛkɛ. Nokorɛ pa ara ne sɛ, ɔfa 76 fa Yesu Kristo, a ɔma Onyankopɔn nhyehyɛeɛ ma yɛn nkwagyeɛ ne daapem animuonyam yɛ yie no ho. Berɛ a wokenkan no, wobɛtumi ahwehwɛ nsɛmfua anaasɛ kasasin ahodoɔ a ɛkyerɛkyerɛ abusuabɔ a ɛda Yesu Kristo ne nkorɔfoɔ a wɔnya animuonyam Aheman ahodoɔ no. Ebia ɛpono te sɛ deɛ ɛdi soɔ yi bɛtumi aboa ma woatwerɛ deɛ wobɛhunu.

Animuonyam ahemman	Ne Yesu Kristo abusuabɔ	Daapem nhyira
Animuonyam ahemman Sɛlɛtia (nkyekyɛmu 50–70, 92–96)	Ne Yesu Kristo abusuabɔ Nyaa Yesu ho adanseɛ Ne No yɛɛ apam na ɔdii so	Daapem nhyira Wɔate ho afiri bɔne ho De gyedie di so nkonim
Animuonyam ahemman Tɛrɛstra (nkyekyɛmu 71–79, 97)	Ne Yesu Kristo abusuabɔ	Daapem nhyira
Animuonyam ahemman Tɛlɛtia (nkyekyɛmu 81–90, 98–106, 109–12)	Ne Yesu Kristo abusuabɔ	Daapem nhyira

Deɛn na wonya nkanyan sɛ yɛ na ama wo ne Agyenkwa no abusuabɔ mu ayɛ den?

Berɛ a Wilford Woodruff kenkanee saa anisoadehunu yi no, ɔkaa, “metee nka sɛ mɛdɔ Awurade yie kyɛn sɛdeɛ mate pɛn wɔ m’abrabɔ mu” (hwɛ “Mmaeɛbio no Nne: Adanseɛ ma ‘Anisoadehunu no’”). Deɛn na wosua fa Yesu Kristo ho firi nkyekyɛmu 1–5, 20–24, 39–43, 107–8 a ɛma wo dɔ no yie?

San hwɛ 1 Peter 3:18–19; 4:6; Dallin H. Oaks, “Deɛn na Yɛn Agyenkwa no Ayɛ ama Yɛn?,” Liahona, Kɔtɔnimma 2021, 75–77; “I Stand All Amazed,” Nnwom, ɛtɔ so 193.

Twe adwene si Ɔsoro Agya, Yesu Kristo, ne Wɔn nkyerɛkyerɛ so. Biribiara a yɛbɛtumi asua wɔ twerɛnsɛm mu no, nokorɛ a ɛho hia pa ara no boa yɛn ma yɛnya gyedie wɔ Ɔsoro Agya ne Yesu Kristo mu, sakyera, ne Wɔn yɛ apam na yɛdi so, na yɛgye Sunsum Kronkron no. Ɛwom sɛ ɛbɛyɛ anika sɛ wobɛyɛ mfatoho anaasɛ wobɛhwehwɛ nkorɔfoɔ a wɔbɛnya animuonyam aheman ahodoɔ no su anaaɛ suban mu, nanso ɛho hia yie mmom sɛ yɛtwe adwene si Ɔsoro Agya ne Agyenkwa no so. Biribiara a Wɔyɛ de siesie yɛn ma saa animuonyam no bɛtwe yɛ akɔ Wɔn so.

Joseph Smith hunuu anisoadehunu a wɔatwerɛ wɔ Nkyerɛkyerɛ ne Apam 76 no wɔ saa dan yi mu.

Nkyerɛkyerɛ ne Apam 76:5–10, 114–18

Mɛtumi ate Onyankopɔn pɛ ase “wɔ Honhom Kronron no tumu so.”

Ɛnyɛ Asɔre no mma nyinaa na ɛnyɛ wɔn den sɛ wɔgye adiyisɛm a ɛwɔ ɔfa 76, ɛfiri sɛ ɛkyerɛkyerɛɛ sɛ ɛrekame ayɛ sɛ wɔbɛgye obiara na wanya animuonyam mpɛmpɛnsoɔ bi. Nhwɛsoɔ, Brigham Young kaa sɛ: “Sɛdeɛ na m’amammerɛ teɛ no, berɛ a Anisoadehunu no baa me nkyɛn berɛ a ɛdi kan no, na ɛne me kane nkyerɛkyerɛ bɔ abira na ɛtia. Mekaa sɛ, Twɛn kakra. Mampo; nanso mantumi ante aseɛ.” Ɔkyerɛɛ mu sɛ na ɛwɔ sɛ “ɔdwene na ɔbɔ mpaeɛ, sɛ ɔbɛkenkan na wadwene, kɔsii sɛ me ara mehunuui na metee aseɛ yie” (wɔ “Anisoadehunu No,” wɔ Adiyisɛm Nteaseɛ mu, 150). Deɛn na wosua firi ne suahunu no mu a ɛbɛtumi aboa wo berɛ a Onyankopɔn da nneɛma a ɛyɛ nsonoeɛ firi wo seesei nteaseɛ ho adi? Deɛn na wosua fa Onyankopɔn ho wɔ Nkyerɛkyerɛ ne Apam 76:5–10, 114–18? Deɛn na saa nkyekyɛmu yeinom kyerɛ wo fa sɛdeɛ wobɛtumi ate “anigyeɛ papa ma [Onyankopɔn] pɛ ase”? (nkyekyɛmu 7).

Nkyerɛkyerɛ ne Apam 76:39–44, 50–70

Mpagya ne nkwagyeɛ mu kɛseɛ pa ara.

Nkyerɛkyerɛ ne Apam 76:39–44 kyerɛkyerɛ nkwagyeɛ sɛdeɛ ɛteɛ. Nkyekyɛmu 50–70 kyerɛkyerɛ mpagya, nkwagyeɛ pɔtee bi. Sɛn na wobɛkyerɛkyerɛ nsonoeɛ a ɛda nkwagyeɛ ne mpagya ntam mu? Agyenkwa no dwumadie wɔ ne mmienu nyinaa mu ne sɛn? Deɛn na wohunu wɔ saa nkyekyɛmu yeinom mu a ɛkanyan wo sɛ hwehwɛ mpagya?

San hwɛ Yohane 3:16–17; Nkyerɛkyerɛ ne Apam 132:20–25.

Nkyerɛkyerɛ ne Apam 76:50–70, 92–95

Me Soro Agya pɛ sɛ menya daa nkwa wɔ sɛlɛtia ahemman no mu.

Woadwene ho pɛn—anaasɛ aha wo da—fa sɛ ebia wobɛtumi abɛyɛ onipa a wobɛnya sɛlɛtia animuonyam, sɛdeɛ wɔakyerɛkyerɛ wɔ Nkyerɛkyerɛ ne Apam 76:50–70, 92–95? Berɛ a ɛho hia sɛ yɛhunu deɛ Onyankopɔn hwehwɛ firi yɛn hɔ no, dwene ho nso sɛ wobɛhwehwɛ saa nkyekyɛmu yeinom mu ahunu deɛ Onyankopɔn ayɛ ama yɛn—na ɔreyɛ—de aboa yɛn ama yɛabɛyɛ te sɛ Ɔno. Wodwene sɛ adɛn nti na wo mmɔdemmɔ ho hia No?

Sɛn na saa sɛlɛtia animuonyam anisoadehunu yi wɔ nsunsuansoɔ wɔ sɛdeɛ wopɛ sɛ wobɔ wo daa daa bra so?

San hwɛ Moses 1:39; J. Devn Cornish, “Am I Good Enough? Will I Make It?,” Liahona, Obubuo 2016, 32–34.

Sɛ wopɛ nsusuiɛ bebree a, hwɛ bosome yi Liahona ne De ma Mmabunu Ahoɔden nsɛmma nwoma mu.

Nsusuiɛ de ma Nkwadaa Adekyerɛ

Nkyerɛkyerɛ ne Apam 76:24

Yɛn nyinaa yɛ Onyankopɔn mma.

• Sɛdeɛ wobɛboa wo nkwadaa ma wɔate wɔn soro tumi ase no, wobɛtumi de nkwadaa ne wɔn awofoɔ ho mfonin akyerɛ wɔn. Afei mobɛtumi akenkan Nkyerɛkyerɛ ne Apam 76:24 na mo ne mo ho mo ho akyɛ deɛ nti a mo ani gye sɛ yɛn nyinaa yɛ “Onyankopɔn mma mmarima ne mmammaa.”

• Mobɛtumi nso abɔ mu at “I Am a Child of God” (Nkwadaa Nnwomnwoma, 2–3) na ma wo nkwadaa mfa wɔn nsa nkyerɛ wɔn ankasa so berɛ a wɔto “me.” Afei monto dwom no bio, na wɔmfa “me yɛ” nhyɛ “wo yɛ” ananmu berɛ a wɔde wɔn nsa kyerɛ obi foforɔ so.

Nkyerɛkyerɛ ne Apam 76:5, 41–42, 69

Yesu Kristo ne m’Agyenkwa.

• Dwene ho sɛ wo ne wo nkwadaa bɛyɛ yɛ-kyerɛ wɔ agodie bi mu a obi bisa sɛ, “Deɛn na Yesu Kristo ayɛ ama me?” Wo ne wo nkwadaa bɛtumi ahwehwɛ ɛho mmuaeɛ wɔ nkyekyɛmu 5, 41–42, anaasɛ 69 wɔ ɔfa 76. Mobɛtumi nso ato “He Sent His Son,” Nkwadaa Nnwomnwoma, 34–35. Sɛn na yɛbɛtumi akyerɛ yɛn anisɔ ama deɛ Agyenkwa no ayɛ ama yɛn?

Nkyerɛmu firi Suffer the Children, ɛfiri J. Kirk Richards hɔ

Nkyerɛkyerɛ ne Apam 76:62

Ɔsoro Agya pɛ sɛ mesan ne No kɔtena afebɔɔ.

• Wo ne wo nkwadaa bɛtumi akenkan na moahwɛ “Ti 26: Ɔsoro Ahemman Mmiɛnsa No” (wɔ Nkyerɛkyerɛ ne Apam Abasɛm, 97–103, anaasɛ sini a ɛne no sɛ wɔ Asɛmpa nwoma Akoraeɛ) na mo ne mo ho mo ho nkyɛ deɛ mopɛ wɔ anisoadehunu a Joseph Smith nyaeɛ no mu. Ma wo nkwadaa nkyɛ wɔn adwene ne atenka fa sɛdeɛ ɛbɛsi ayɛ sɛ wɔne Ɔsoro Agya bɛtena sɛlɛtia ahemman no mu ho.

  Chapter 26: The Three Kingdoms of Heaven: 16•February 1832

• Mobɛtumi nso akenkan Nkyerɛkyerɛ ne Apam 76:62 na woama wo nkwadaa ayɛ mfonin a wɔn ankasa ne Ɔsoro Agya ne Yesu Kristo wɔ sɛlɛtia ahemman mu (hwɛ nnawɔtwe yi dwumadie krataafa).

Nkyerɛkyerɛ ne Apam 76:12, 15–19, 114–16

Meresua twerɛnsɛm no bɛtumi aboa me na “mate Onyankopɔn nneɛma ase.”

• Wobɛtumi ama wo nkwadaa akenkan nkyekyɛmu 15–19 ahwehwɛdeɛ na Joseph Smith ne Sidney Rigdon reyɛ berɛ a wɔhunuu anisoadehunu a ɛwɔ Nkyerɛkyerɛ ne Apam 76. Ka berɛ bi a wonyaa nkanyan berɛ a na worekenkan twerɛnsɛm no kyerɛ wo nkwadaa, na bisa wo nkwadaa sɛ wɔanya suahunu a ɛte saa pɛn anaa.

Sɛ wopɛ nsusuiɛ bebree a, hwɛ bosome yi Adamfoɔ nsɛmma nwoma mu.

Glory in Degrees, ɛfiri Annie Henrie Nader hɔ