“Juļae 14–20: ‘Inaaj Tōlļo̧k Kom̧’: Katak im Bujen Ko 77–80,” Itok, Ļoor Eō—N̄an M̧weeo im Kabun̄ in: Katak im Bujen Ko 2025 (2025)
“Katak im Bujen Ko 77–80,” Itok, Ļoor Eō—N̄an M̧weeo im Kabun̄ in: Katak im Bujen Ko 2025
Going Home, jān Yongsung Kim
Juļae 14–20: “Inaaj Tōlļo̧k Kom̧”
Katak im Bujen Ko 77–80
Edikļo̧k jān ruo iiō ālkin an Kabun̄ eo an Jisōs Kraist kar jepļaaktok, ekar lōn̄lo̧k jen 2,000 membōr ro im eaar m̧ōkaj an eddōkļo̧k. Ilo M̧aaj 1832 eo Josep Smith ekar kweilo̧k ippān ritōl ro an Kabun̄ in “n̄an ekōnono kōn jerbal ko (business)”: aikuj eo n̄an wia bwidej n̄an aiintok, im kōjparok ro rijeramōl (lale Katak im Bujen Ko 78, taitōļ in jekjōn N̄an tōpar aikuj ko, Irooj ekar kūr juon oran eo edik in ritōl ro an Kabun̄ in n̄an ejake Kumi in Bōrokuk eo, juon kumi me enaaj kar kobaik kijejeto ko aer n̄an “iuunm̧aanļo̧k jibadbad eo” an Irooj (eoon 4) ilo jikin kein. Bōtaab jekdo̧o̧n kain jerbal in tōl ko, Irooj ekar pedped wōt ioon men ko an indeeo. Aliktata, jibadbad eo an juon printing press ak juon joko—āinwōt aolep men ko jet ilo aelōn̄ in kiin̄ eo an Anij—ej n̄an kōpooj ajri ro Nejin n̄an bōk “juon jikin ilo laļ eo selestial” im “m̧weiie ko an indeeo” (eoon 7, 18). Im eļan̄n̄e kōjeraam̧m̧an ko repād n̄an keidi kiiō, ilo ioļapļap in poub ko an mour in kajjojo raan, Ej ba n̄an kōj “Kom̧in m̧ōņōņō, bwe Inaaj tōlļo̧k kom̧” (eoon 18).
Ļōmņak ko n̄an Ekkatak ilo M̧weeo im ilo Kabun̄ in
Anij ej letok jeļāļo̧kjen n̄an armej ro rej kappukote.
Ke Josep Smith im Sidney Rigdon raar jerbale ukook eo kar im̧we an Baibōļ, ekar wōr aer kajjitōk kōn bok in Revelesōn, āinwōt ke elōn̄ armej rej bar kajjitōk. Im ke Josep ekar lukkuun jeļā, a eḷaññe ej aikuj mālōtlōt, en kajjitōk kōn e ippān Anij. Ļōmņak eo ekar bōke epād ilo Katak im Bujen Ko 77. Ilo am̧ riiti jekjōn in, lōmņak in je men ko kwoj ekkatak ilo jebta ko raorōk ilo bok in Revelesōn in. Ta eo kwoj katak jān ekkatak eo am̧ n̄an bōk revelesōn?
Ukook eo an Baibōļ, jān Liz Lemon Swindle
Kar ta eo United Firm?
United Firm eo ekar ejaak n̄an kōtōbalbal jikin publish eo im jerbal in pejnej ko an Kabun̄ in ilo Ohio im Missouri. Ekar jutak kōn Josep Smith, Newel K. Whitney, im ritōl ro jet an Kabun̄ in ro raar kobaik kein jipan̄ ko aer n̄an tōpar aikuj ko an Kabun̄ in ilo an eddōkļo̧k. Ejerata, United Firm eo ekar pād ilo m̧uri im ekar jako ilo 1834 eo ke m̧uri ko raar jab lukkuun in tōprak.
Bar lale “Newel K. Whitney and the United Firm,” ilo Revelations in Context, 142–47; Church History Topics, “United Firm (‘United Order’),” Gospel Library.
Imaron̄ jipan̄ “iuunm̧aanļo̧k jibadbad eo” an Kraist im Kabun̄ eo An.
Irooj ekar jiron̄ Josep Smith im ritōl ro jet an Kabun̄ in n̄an kōjparoke juon im̧ōn kakkonkon im juon jikin print me enaaj jipan̄ “iuunm̧aanļo̧k jibadbad eo, eo kom̧ ar atbo̧kwōje” (Katak im Bujen Ko 78:4 Ta eo kwonaaj ba n̄e ej “jibadbad” eo an Kabun̄ eo an Rilo̧mo̧o̧r? Kōļmenļo̧jeņ kōn menin ilo am̧ riiti Katak im Bujen Ko 78:1–7. Ta jet iaan wāween ko me kwoj maron̄ jipan̄ kawōnm̧aanļo̧k jibadbad in—ekoba ilo baam̧le eo am̧?
Bar lale Bok in Bōk Meļeļe Eļap, 1.2.
Irooj enaaj tōlļo̧k eō.
Etke kwoj ļōmņak jet iien Irooj ej kūr rikaļo̧o̧r ro An “ ajri redik”? (Katak im Bujen Ko 78:17). Kwonan̄in ke kar en̄jake āinwōt juon ajri edik, bōlen kōnke kōn juon men kwar “jan̄in kar meļeļe kake” ak “jab maron̄ ineek”? (eoon 17–18). Ta eo kwoj loe ilo eoon kein me emaron̄ jipan̄ eok “kom̧in m̧ōņōņō,” (eoon 18) ilo iien kein? Ļōmņak in kappukot juon pijaam̧ make ke kwaar juon ajri, im kōļmenļo̧kjeņ kōn am̧ kar eddōkļo̧k ilo jetōb jān iien eo. Ak ļōmņak kōn juon men me ekar pen n̄an kwe ke kwaar jodikdik ak kiiō epidodoļo̧k. Wāween ta ko Jemedwōj Ilan̄ ej kōņaaņ wōt bwe kwon āinwōt juon ajri edik? (lale Mosaia 3:19). Ekōjkan An “[tōl] eok”?
Imaron̄ bōk aolep men kōn kam̧m̧oolol.
N̄an keppopo n̄an ekkatak Katak im Bujen Ko 78:19, kwomaron̄ kōm̧m̧ane juon laajrak in men ko rem̧m̧an raar waļo̧k n̄an kwe rainin. Innām kōm̧m̧ane juon laajrak in men ko me rejjab mennin kōjeraam̧m̧an n̄an kwe. Kōļmenļo̧kjeņ kōn men kein rej elaajrak ilo am̧ riiti Katak im Bujen Ko 78:19. Ta oktak eo ej kōm̧m̧ane ilo mour eo am̧ n̄e kwoj bōk “aolep men” kōn kam̧m̧oolol—jekdo̧o̧n men ko me rejjab mennin kōjeraam̧m̧an?
N̄an ekkatak eļapļo̧k wāween kam̧m̧oolol n̄an Anij jelet mour eo am̧, lali eoon kein im kōm̧m̧ane juon laajrak in m̧ool ko kwoj loi: Sam 107:8–9; Luk 17:11–19; Pilipai 4:6–7; Mosaia 2:19–24; Alma 34:38; 37:37; Katak im Bujen Ko 46:32; 59:7, 15–21.
Ļōmņak in etale enaan eo an Būreejtōn Dieter F. Uchtdorf “Kam̧m̧oolol ilo Jebdewōt Jekjek ko” (Liaona, Māe 2014, 70–77) n̄an kapilōklōk ko kōn kam̧m̧oolol. Kwomaron̄ bar kappok kapilōlōk ko ilo pija eo “Būreejtōn Russell M. Nelson on the Healing Power of Gratitude” (Gospel Library). Ekōjkan an kam̧m̧oolol jelet jemjerā eo am̧ ippān Jisōs Kraist?
President Russell M. Nelson on the Healing Power of Gratitude
In his 96 years, President Russell M. Nelson of The Church of Jesus Christ of Latter-day Saints has seen many trials. But he says there's a simple remedy to help us find joy in hard times—gratitude.
Kappukot im kwaļo̧k. N̄e kar jitōn̄ eok n̄an katakin, kappukot wāween ko n̄an jipan̄ armej eo etale jeje ko rekwojarjar ak naan ko an rikanaan ro—ippāer make ak ilo juon kumi jidikdik—im kwaļo̧k ta ko raar ekkatak. N̄an waanjon̄ak, ilo m̧akūkūt in kwomaron̄ leļo̧k n̄an kajjojo armej ak juon kurup juon jekjōn in enaan eo an Būreejtōn Uchtdorf im kajjitōk ippāer n̄an kwaļo̧k juon naan ak jantōj me ej kōmeļeļeik ta eo ļein ekar kwaļo̧ke.
Bar lale “N̄e Kwoj Ion Buktak ko An Mour In,” Al ko Al in Ajri, no. 6; Topics and Questions, “Gratitude,”
Kūr eo n̄an jerbal n̄an Anij eaorōkļo̧k jān ia eo ij jerbal ie.
Ikkijien Katak im Bujen Ko 80, Elder David A. Bednar eaar katakin, “Bōlen juon iaan katak ko an Rilo̧mo̧o̧r ej katakin kōj ilo revelesōn in ej bwe kappe n̄an jerbal ilo juon jikin ekkar im eaorōk ak ejjab lukkuun aorōk jān kūr n̄an jerbal in” (“Kūr n̄an Jerbal in,” Liaona, Māe 2017, 68). Ta en̄jake ko me rekar jipan̄ eok ekkatak bwe naan ko an Elder Bednar rej m̧ool? Ta katak ko jet kwaar loi ilo Katak im Bujen Ko 79–80 me remaron̄ jipan̄ juon armej eo ejkab bōk juon kūr?
N̄an ļōmņak ko reļļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik ro māākjiin.
Ļōmņak ko n̄an Katakin Ajri ro
Anij ekar kōm̧anm̧an aolep mennin kōm̧anm̧an ko ioon laļ in.
-
Ilo am im ajri ro riiti Katak im Bujen Ko 77:2 ippān doon, komaron̄ kalimjōk pijaan mennin mour ko, ekoba ļo̧n̄ im bao ko. Ajri ro nejūm̧ remaron̄ jitōn̄ pija n̄e kwoj riiti naan ko “kidu awiie,” “men ko rej tōbalbal,” im “bao in mejatoto.” Jeere n̄an doon ekōjkan an kōm̧anm̧an ko jet an Anij jipan̄ eok en̄jake An iakwe.
Anij ekar kōm̧anm̧an aolep menin kōm̧anm̧an ko ioon laļin.
Imaron̄ jipan̄ “iuunm̧aanļo̧k jibadbad in” an Jisōs Kraist.
-
Jipan̄ ajri ro nejūm̧ ļōmņak kōn ijo koņaer ilo jerbal eo an Irooj, ļōmņak in riit ippāer Katak im Bujen Ko 78:4 n̄an jeļā “jibadbad” eo jej “atbo̧kwōje” (mour kake ak kāālet n̄an rie) ke jaar peptaij. Jipan̄ er lale eoon in jeje ko rekwojarjar āinwōt kein n̄an uwaak ko: Mosaia 18:8–10; Katak im Bujen Ko 20:37; Moses 1:39. Ajri ro remaron̄ m̧ōņōņō in arin wāween ko remaron̄ jipan̄ ilo jerbal eo an Irooj. N̄an waanjon̄ak, āinwōt ta “ineek eddo ko an ro jet,” ak “bōk [ioed] etan Jisōs Kraist”? Ekōjkan an menin “iuunm̧aanļo̧k jibadbad in” an Kraist?
Imaron̄ ajije men ko ewōr ippa n̄an ro jet.
-
N̄an katakin ta meļeļein “jon̄an wōt juon ilo men ko an laļ” (eoon 6), kwomaron̄ leļo̧k n̄an ajri ro pijaan armij ro rej pād ilo aikuj (kwole, kinejnej, ak pio) im men ko me renaaj jipan̄ (āinwōt m̧ōn̄ā, juon teep in kinej, ak juon ko̧o̧j). Innām ajri ro nejūm̧ remaron̄ kajjejet pija ko n̄an m̧weik ko. Ta eo jej maron̄ jeere n̄an armej rein rej aikuj?
-
N̄an bōk jet meļeļe ko n̄an jekjōn 78, riit ippān ajri ro nejūm̧ jantōj ko iuwm̧in pija ko ruo jinointata ilo “Jebta 28: Dri Kanan Joseph Eare Bar Ilo̧k n̄an Missouri” (ilo Bwebwenato Ko Jen Ktak im Bujen Ko, 108, pija eo āinļo̧k wōt ilo Gospel Library). Innām ajri ro nejūm̧ remaron̄ āinwōt n̄e rej jipan̄ juon armej kalōk juon em̧, jeer m̧ōn̄ā, ak jerbal in jipan̄ ilo bar juon wāween.
2:39Chapter 28: The Prophet Joseph Goes to Missouri Again: March–May 1832
Jisōs Kraist enaaj tōlļo̧k eō.
-
Emaron̄ limo ippān ajri ro nejūm̧ n̄an kōnono kōn ta meļeļein n̄an erom̧ juon ritōl innām tōl juon m̧akūtkūt. Ālkin riit ippān doon Katak im Bujen Ko 78:18, kwomaron̄ kōmeļeļe kōn iien ko jej aikuji Jisōs n̄an an tōl kōj. Ļōmņak in al juon al āinwōt “I Will Walk with Jesus” (Gospel Library).
Ij aikuj bōk “aolep men ko otemjeļo̧k kōn kam̧m̧oolol.”
-
Riit ippān ajri ro nejūm̧ Katak im Bujen Ko 78:19 n̄an kappukot ta eo Irooj ej kallim̧ur n̄an armej ro rej kam̧m̧oolol. Jipan̄ ajri ro nejūm̧ jeļā ta meļeļein “bukwi alen”, bōlen ilo am̧ kwaļo̧k juon men innām 100 alen men eo. Bōlen rej maron̄ jin̄aik pija in men ko me raar bōk jān Anij “kōn kam̧m̧oolol.”
N̄an ļōmņak ko reļļapļo̧k, lale ennaan eo an allōn̄ in ilo eo Jera māākjin.
Jikin Kallib eo an Anij, jān Sam Lawlor