“Juļae 7–13: ‘Eļap Naaj Men eo Wōņāer im Indeeo Naaj Aer Aiboojoj’: Katak im Bujen Ko 76,” Itok, Ļoor Eō—N̄an M̧weeo im Kabun̄ in: Katak im Bujen Ko 2025 (2025)
“Katak im Bujen Ko 76,” Itok, Ļoor Eō—N̄an M̧weeo im Kabun̄ in: 2025
Refuge, jān Shaelynn Abel
Juļae 7–13: “Eļap Naaj Men eo Wōņāer im Indeeo Naaj Aer Aiboojoj”
Katak im Bujen Ko 76
“Ta eo enaaj waļo̧k n̄an eō ālkin aō mej?” Eitōn aolep rej kajjitōk kōn kajjitōk in ilo juon wāween ak eo bar juon. Ium̧win buki iiō ko, elōn̄ iminene ko an Rikūrijin, pedped wōt ioon katak ko ilo Baibōļ, kar katakin kōn lan̄ im hell, kōn paradise n̄an ro rejim̧we im en̄taan n̄an ro renana. Bōtaab aolep baam̧le ko renaaj ke lukkuun in jenoļo̧k? Ilo Pāpode in 1832 eo, Josep Smith im Sidney Rigdon raar kōņaan jeļā eļan̄n̄e ebar lōn̄ eļapļo̧k n̄an jeļā kōn unin kōnono eo (lale Katak im Bujen Ko 76, kōmeļeļe eo an jekjōn eo).
Aaet ekar wōr. Ke Josep im Sidney raar kōļmenļo̧kjeņ kōn men kein, Irooj “eaar un̄ūr mejān meļeļe ko [aer] im rekar peļļo̧k” (eoon 19). Raar bōk juon revelesōn eaibojooj, eļap, ekajoor me Armej ro Rekwojarjar raar ņaetan “Visōn eo.” Visōn eo ekar kōpeļļo̧k wintōn ko an lan̄ im letok n̄an ro nejin Anij juon meļeļe edepakpak kōn mour indeeo. Visōn eo ekar kwaļo̧k bwe lan̄ ekanooj ļap im depakpak im jān an elōn̄ wōt armej kar m̧oktaļo̧k kōtmene. Eļapļo̧k an Anij tūriam̧o kake im jim̧we jān ad maron̄ keidi. Im ro nejin Anij ewōr juon mejān kajjik indeeo aer eļapļo̧k an aiboojoj jān ad maron̄ pijaikļo̧k.
Lale Ro Rekwojarjar, 1:147–50; “The Vision,” in Revelations in Context, 148–54
Ļōmnak ko n̄an Ekkatak ilo M̧weeo im ilo Kabun̄ in
Lo̧mo̧o̧r ej itok jān Jisōs Kraist, eo Nejin Anij.
Jekjōn 76 ej kwaļo̧k m̧ool ko kōn jibadbad eo ad indeeo, bōtaab emaron̄ jab likio n̄an ba bwe revelesōn in ej kōn aiboojoj laļ ko jilu ak em̧ool kōn karōk in lo̧mo̧o̧r. Lukkuun ilo m̧ool, jekjōn 76 ej kōn Jisōs Kraist, eo ej kōm̧m̧an bwe karōk eo an Anij n̄an lo̧mo̧o̧r eo ad im aibojooj indeeo en tōprak. Ilo am̧ riit, kwomaron̄ pukot naan ko me rej kōmeļeļeik jemjerā eo ikōtaan Jisōs Kraist im armej ro rej jolete aiboojoj an laļ ko. Bōlen juon laajrak āinwōt in emaron̄ jipan̄ eok je ta ko kwoj loi.
|
Aibooooj an laļ ko |
Jemjerā ippān Jisōs Kraist. |
Kōjeraam̧m̧an ko indeeo |
|---|---|---|
Aibooooj an laļ ko Selestial (eoon 50–70, 92–96) | Jemjerā ippān Jisōs Kraist.
| Kōjeraam̧m̧an ko indeeo
|
Aibooooj an laļ ko Terrestrial (eoon 71–79, 97) | Jemjerā ippān Jisōs Kraist. | Kōjeraam̧m̧an ko indeeo |
Aibooooj an laļ ko Telestial (eoon 81–90, 98–106, 109–12) | Jemjerā ippān Jisōs Kraist. | Kōjeraam̧m̧an ko indeeo |
Ta eo kwoj en̄jake ekar eim̧we eok n̄an am̧ kōm̧m̧an n̄an kōkajoorļo̧k jemjerā eo am̧ ippān Rilo̧mo̧o̧r?
Ke Wilford Woodruff eaar riiti visōn in, ekar ba, “Iaar en̄jake iakwe eo an Irooj eļapļo̧k jān aō kar en̄jake mokta ilo aolepen mour eo aō” (lale “Voices of the Restoration: Testimonies of ‘the Vision’”). Ta eo kwoj ekkatak kake kōn Jisōs Kraist jān eoon 1–5, 20–24, 39–43, 107–8 me ej kōm̧m̧an an ļapļo̧k am̧ iakwe E?
Bar lale 1 Piter 3:18–19; 4:6; Dallin H. Oaks, “Ta eo Ad Rilo̧mo̧o̧r Ekar Kōm̧m̧ane n̄an Kōj?,” Liaona, Māe 2021, 75–77; “Ij Ļo̧kjenaō,” Al ko Al in Ajri, nō. 14.
Mije Jemedwōt Ilan̄, Jisōs Kraist, im katak eo Aer. Iaan aolep men ko jej ekkatak ilo jeje ko rekwojarjar, m̧ool ko raorōktata ej jipan̄ kōj tōmak ilo Jemedwōj Ilan̄ im Jisōs Kraist, ukweļo̧k, kōm̧m̧an im kōjparok bujen ko Ippāer, im bōk Jetōb Kwojarjar. Mekarta n̄e emaron̄ kaitoktok limo n̄an keidi ak etale bōklōkōt ko ak m̧wilin armej ro renaaj oktak aer bōk aiboojoj in laļ ko, eļapļo̧k an aorōk n̄an mije wōt Jemedwōn̄ Ilan̄ im Rilo̧mo̧o̧r. Aolep men ko Rej kōm̧m̧ani n̄an kepooj kōj n̄an aiboojoj in enaaj ukōtļo̧k kōj n̄an Er.
Ilo ruum̧ in, Josep Smith eaar lo juon visōn kar je ilo Katak im Bujen Ko 76.
Katak im Bujen Ko 76:5–10, 114–18
Imaron̄ meļeļe ankilaan Anij “jān kajoor eo an Jetōb Kwōjarjar.”
Ejjab aolep membōr epidodo aer tōmak revelesōn in ilo jekjōn 76, kōnke ej kwaļo̧k bwe eitōn aolep armej remaron̄ in mour im bōk lo̧mo̧o̧r ilo jet iaan laļin aiboojoj ko. N̄an waanjon̄ak, Brigham Young ekar ba: “Iminene eo aō rekar rōt in, ke Visōn eo ekar jino itok n̄an n̄a, ekar kajju itok ilo an jab jum̧ae im ekar oktak jān jeļā eo aō m̧okta. Ikar ba, Kōttar jidik. Ikar jab makoko kake; ak ikar jab meļeļe kake.” Ekar kōmeļeļeik bwe ekar aikuj “ļōmņak im jar, n̄an riit im ļōmņak, m̧ae Ikar lukkuun meļeļe kake kōn n̄a make” (ilo “The Vision,” ilo Revelations in Context, 150). Ta eo kwoj ekkatak kake jān en̄jake in an me emaron̄ jipan̄ eok n̄e Anij ej kwaļo̧k men ko me reoktak jān meļeļe eo am̧ kiiō? Ta eo kwoj ekkatak kake kōn Anij ilo Katak im Bujen Ko 76:5–10, 114–18? Ta ko eoon kein rej kwaļo̧k kake ekōjkan am̧ maron̄ meļeļe “kōņaan im [Ankilaan Anij]”? (eoon 7).
Katak im Bujen Ko 76:39–44, 50–70
Mour ijo ilōn̄tata ej juon jekjek eo eutiejtata an lo̧mo̧o̧r.
Katak im Bujen Ko 76:39–44 ej kōmeļeļeik lo̧mo̧o̧r. Eoon 50–70 rej kōmeļeļeik ke mour ijo ilōn̄tata, ej juon kain jekjek in lo̧mo̧o̧r. Ekōjkan am̧ maron̄ in kōmeļeļeik oktak eo ikōtaan lo̧mo̧o̧r im mour ijo ilōn̄tata? Ta jerbal eo an Rilo̧mo̧o̧r ilo men kein jimo̧r? Ta eo kwoj loe ilo eoon kein me ej im̧we eok n̄an kappukot mour ijo ilōn̄tata?
Bar lale Jon 3:16–17; Katak im Bujen Ko 132:20–25.
Katak im Bujen Ko 76:50–70, 92–95
Jema Ilan̄ ekōņaan bwe in bōk mour indeeo ilo aiboojoj eo an seletial.
Konan̄in ke kar ļōmņake—ak inepata—kake n̄e kwaar erom̧ kain armej eo enaaj bōk aiboojoj eo an selestial, āinwōt kar kōmeļeļeik ilo Katak im Bujen Ko 76:50–70, 92–95? Men̄e eaorōk n̄an jeļā ta eo Anij ej kōtmane bwe jān kōm̧m̧ane, barāinwōt ļōmņak in lale eoon kein n̄an ta eo Anij ekar kōm̧m̧ane n̄an kōj—im ej kōm̧m̧ane—n̄an jipan̄ kōj erom̧ ainwōt E. Etke kwoj ļōmņak bwe kijetoto ko am̧ raorōk n̄an E?
Elmen an visōn in aiboojoj eo an laļ eo an selestial jelet wāween am̧ kōņaaņ mour kōn mour eo am̧ kajjojo raan?
Bar lale Moses 1:39; J. Devn Cornish, “Am I Good Enough? Inaaj Ke Tōprak?,” Liaona, Nob. 2016, 32–34
N̄an ļōmņak ko reļļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik ro māākjiin.
Ļōmņak ko n̄an Katakin Ajri ro
Jej aolep ajri ro nejin Anij.
-
N̄an jipan̄ ajri ro nejūm̧ meļeļe kōn kōjatdikdik eo aer indeeo, kwomaron̄ kwaļo̧k n̄an er pija ajri ro im ro jineer im jemāer. Innām kwomaron̄ riiti Katak im Bujen Ko 76:24 im kwaļo̧k n̄an doon etke komij m̧ōņōņō in jeļā ke komij aolep “m̧aan im kōrā ro nejin keotak n̄an Anij.”
-
Kom maron̄ bar al ippān doon “N̄a Nejin Anij” (Al Ko Al in Ajri, 44) im karuwaineneik er n̄an jitōn̄ er make n̄e rej al “N̄a.” Innām bar al kōn al eo, bōk jikin “n̄a” kōn “kwe” ilo am̧ jitōn̄e bar juon.
Katak im Bujen Ko 76:5, 41–42, 69
Jisōs Kraist ej aō Rilo̧mo̧o̧r.
-
Ļōmņak in kamelmel ilo arin ippān ajri ro juon jekjek me juon armij ej kajjitōk, “Ta eo Jisōs Kraist ekar kōm̧m̧ane n̄an n̄a?” Kwe im ajri ro nejūm̧ maron̄ bar lale uwaak ko ilo eoon 5, 41–42, ak 69 ilo jekjōn 76. Kom maron̄ bar al “He Sent His Son,” Children’s Songbook, 34–35. Ekōjkan ad maron̄ kwaļo̧k kam̧m̧oolol eo ad kōn ta eo Rilo̧mo̧o̧r eaar kōm̧m̧an n̄an kōj?
Kōmeļeļe ko jān Suffer the Children, jān J. Kirk Richards
Jemedwōj Ilan̄ ej kōņaan bwe in bar ro̧o̧l im mour Ippān n̄an indeeo.
-
Kwe im ajri ro maron̄ riit ak alooje mōttan ak aolepen “Jebta Jikin ko Jilu Ilan̄” (ilo Bwebwenato ko jen Katak im Bujen Ko, 97–103, ak pija ko āinwōt ilo Gospel Library) im jeer ippān doon ta eo em̧m̧an ippāmi kōn visōn eo Josep Smith eaar bōke. Kōtļo̧k bwe ajri ro nejūm̧ ren kwaļo̧k aer ļōmņak im en̄jake ko aer kōn ta eo enaaj kar āinwōt n̄an mour ippān Jemedwōj Ilan̄ ilo laļ eo an selestial.
4:7Chapter 26: The Three Kingdoms of Heaven: 16•February 1832
-
Kwomaron̄ bar riit Katak im Bujen Ko 76:62 im karuwaineneik ajri ro nejūm̧ n̄an jin̄aik pijaer make ippān Jemedwōj Ilan̄ im Jisōs Kraist ilo laļ eo an selestial (lale pein in m̧akūtkūt eo an wiik in).
Katak im Bujen Ko 76:12, 15–19, 114–16
Ekkatak jeje ko rekwojarjar emaron̄ jipan̄ eō “meļeļe men ko an Anij.”
-
Kwomaron̄ karuwaineneik ajri ro nejūm̧ n̄an riiti eoon 15–19 n̄an kapukot ta eo Josep Smith im Sidney Rigdon rekar kōm̧m̧ane ke raar lo visōn eo ilo Katak im Bujen Ko 76. Jiron̄ ajri ro nejūm̧ kōn juon iien me kwaar bōk im̧we ke kwoj riiti jeje ko rekwojarjar, im kajjitōk ippān ajri ro nejūm̧ n̄e raar bōk juon en̄jake āinwōt in.
N̄an ļōmņak ko reļļapļo̧k, lale ennaan eo an allōn̄ in ilo eo Jera māākjin.
Glory by Degrees,, jan Annie Henrie Nader