“Jepta 26: Jikin ko Jilu Ilañ: 16 Pepwõde 1832,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 97–103
“Jepta 26,” Bwebwenato Ko Jen Katak im Kalimur Ko [DOCTRINE AND COVENANTS STORIES], 97–103
Jepta 26
Jikin ko Jilu Ilañ
(16 Pepwõde 1832)
Juõn ran Joseph Smith im Sidney Rigdon rar konono jen Kalimur Ekãl. Kalimur Ekãl ej ba armij ro remõn renaj ilok ñõn lañ elikin air jerkakbiji. Joseph ear lokjenan elañe aolep armij renaj ilok ñõn juõn wõt jikin ilo lañ. Joseph im Sidney rar jar. Rar kajitõk iben Jemedwij Ilañ bwe en jiroñ ir kin lañ.
D&C 76: Kemlele eo mokta
Jemedwij Ilañ ear uak jar ko air. Ear wõr juõn air revelesõn. Ear juõn visõn eo aibuijuij. Ilo visõn eo Joseph im Sidney rar lo ilõñ. Rar lo Jisõs im maram eo ibelakin. Inem rar lo enjel ro ibelakin Jisõs im Jemedwij Ilañ.
Joseph im Sidney rar ba rej jelã bwe Jisõs emour. Rar lo e! Joseph im Sidney rar roñjake juõn ainikien. Ainikien eo ej ba Jisõs ej Nejin Anij. Ear itok ñõn lõl in. Jisõs ear kwalok ñõn armij ekijkan air mour bwe ren maroñ bar bed iben Jemedwij Ilañ bar juõn alen.
Inem Joseph im Sidney rar lo ieo armij renaj ilok ñõn e elikin air jerkakbiji. Ewõr jilu jikin armij renaj etal ñone ilo lañ. Armij Ro Rekwojarjar in im rejimwe renaj ilok ñõn ailiñ eo euteij tata [celestial] ilañ elikin air jerkakbiji. Ailiñ eo eutiej tata [celestial] ej ijo Jisõs im Jemedwij Ilañ rej jokwe ie.
Armij Ro Rekwojarjar in im rejimwe rar tõmak ilo Jisõs ilo air jokwe ilo lõl. Rar baptais. Jitõb Kwojarjar ear katakin ir ewi wewein air mour.
Armij Ro Rekwojarjar in im rejimwe ear wõr inebata ko ibeir, ak ear wõr tõmak ibeir. Jisõs ear jibañ ir elañe ej wõr inebata ko. Rar kajur air jerbal. Rar ukwelok im bokake aolep kien ko an Anij. Setan ear kabo ir, rar jab lor Setan.
Armij Ro Rekwojarjar in im rejimwe renaj erom einwõt Jemedwij Ilañ im Jisõs. Renaj jelã men otemjej. Renaj wappen. Renaj erom anij ro.
Inem Joseph im Sidney rar lo bar juõn jikin. Eo na etan ailiñ eo aibuijbuij eo an einwõt allõñ [terrestrial] in lañ. Jet armij renaj ilok ñõn ailiñ eo aibuijbuij eo an einwõt allõñ [terrestrial] elikin air jerkakbije.
Armij ro ilo ailiñ eo aibuijbuij eo an einwõt allõñ [terrestrial] rej armij ro remõn ion lõl in. Ak rejab jet Armij Ro Rekwojarjar in im rejimwe. Rejab tõmak ilo Jisõs. Rej bokake jet ian kien ko an Anij. Ak rejab bokake aolepen kien ko.
Rar jab tõmak gospel eo ke rar roñjake ion lõl in. Elikin air mij rar tõmak gospel eo.
Armij ro ilo ailiñ eo aibuijbuij eo an einwõt allõñ [terrestrial] renaj lo Jisõs. Ak reban maroñ jokwe iben Jemedwij Ilañ im Jisõs. Reban erom einwõt anij ro.
Joseph im Sidney rar lo jikin eo kein kajilu. Eo na etan ailiñ eo aibuijbuij eo an einwõt iju [telestial]. Armij ro renaj ilok ñõn ailiñ in aibuijbuij an einwõt iju [telestial] rekar jab jimwe ilo lõl in.
Armij rein rar jab tõmak ilo Jisõs. Rar jab tõmak dri kanan ro. Rar jab baptais. Rar jab bokake kien ko an Anij.
Armij ro renaj ilok ñõn ailiñ eo aibuijbuij eo an einwõt iju [telestial] reban maroñ lo Jisõs ak Jemedwij Ilañ. Enjel ro renaj lolok ir. Jitõb Kwojarjar enaj katakin ir. Armij ro ilo ailiñ in im aibuijbuij eo an einwõt iju [telestial] renaj jelã kin Jisõs im Jemedwij Ilañ. Ak reban maroñ jokwe ibeir.
Armij ro renaj ilok ñõn ailiñ eo eutiej tata [celestial] ak ailiñ eo aibuijbuij eo an einwõt allõñ [terrestrial] renaj jerkakbiji elañe Jisõs enaj bar itok juõn alen. Armij ro renaj ilok ñõn ailiñ eo aibuijbuij eo an einwõt iju [telestial] reban maroñ jerkakbiji elañe Jisõs enaj bar itok. Renaj aikuij kõttar 1,000 yiõ ñõn air jerkakbiji.
Joseph im Sidney rar lo ia eo armij ro renana renaj ilok ñõn e. Renaj bed iben Setan. Reban maroñ bed iben Jemedwij Ilañ, Jisõs ak Jitõb Kwojarjar.
Armij ro renaj bed iben Setan rar katak gospel eo ion lõl in. Jitõb Kwojarjar ear katakin ir kin Jisõs Kraist.
Rar jelã bwe Jisõs ear mour. Rar jelã ke Jisõs ear mij kin kij. Ak Setan ear kaboik armij rein. Setan ear kajeoñ in lelok ñõn ir men ko renana. Rar bokake Setan. Rar bõjrak jen air roñjake Jitõb Kwojarjar. Rar bõjrak jen air tõmak ilo Jisõs. Rar jino air lukkun nana. Renaj jokwe iben Setan ñõn indreo.
Joseph im Sidney rar bar lo jet men ilo visõn eo air. Jisõs ear jiroñ ir bwe ren jab je aolep men ko rar loi. Armij Ro Rekwojarjar in ro relukkun jimwe remaroñ lo men kein ñõn ir make. Jitõb Kwojarjar enaj katakin ir. Joseph im Sidney rar kamolol Anij kin visõn emõnmõn in.