“Jepta 52: Jorren eo ilo Nauvoo: Mãe–Okõj 1842,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 191–93
“Jepta 52,” Bwebwenato Ko Jen Katak im Kalimur Ko [DOCTRINE AND COVENANTS STORIES], 191–93
Jepta 52
Jorren eo ilo Nauvoo
(Mãe–Okõj 1842)
Elõñ armij rar etal ñõn Nauvoo. Rar kalek juõn jikin aibuijuij. Rar jino in kalek juõn tempel. Armij Ro Rekwojarjar in ro ilo Nauvoo rar kõnan juõn mayor ñõn Jikin eo.
Armij Ro Rekwojarjar in rar kelet John C. Bennett bwe en mayor eo an Nauvoo. Mokta ear juõn mayor ear emõn. Ak ekar jino in kõmõn men ko renana. Ear jab kõnan Joseph Smith.
Armij ro ilo Nauvoo rekõnan juõn ien kakõje eo ejenolok. Rekõnan bwe dri tarinae ro ren maj ilo juõn mõnõnõ.
John Bennett ear juõn dri tel an dri tarinae ro. Ekar lõmnak bwe dri tarinae en wõr juõn air tarinae. Ejab lukkun naj juõn tarinae. Ej ñõn kõmõn mõnõnõ bajõk.
Leo Bennett ear kajitikin Joseph Smith bwe en tel dri tarinae ro ilo ien tarinae. Joseph Smith ekar jelã bwe John Bennett ejab kõnan e. Ekar lõmnak leo Bennett ekõnan mõne e. Iroij ear ba bwe Joseph Smith en jab ber ilo tarinae eo.
John Bennett ekar lukkun illu. Ejab kõnan bwe en bar mayor in Nauvoo tokelik. Armij ro rar kelet Joseph Smith bwe en mayor.
John Bennett im jet bar eman rejab kõnan bwe ren Armij Ro Rekwojarjar in. Rar ba elõñ men ko renana kin Dri Kanan Joseph Smith.
Joseph Smith ear konono ñõn jet eman ro im rej Armij Ro Rekwojarjar in. Ear ba Armij Ro Rekwojarjar in ro renaj ion eloñ lok jorren. Jet ran rej aikuij im emakit jen Nauvoo. Rej aikuij etal ñõn Rocky Mountains. Armij Ro Rekwojarjar in ro rej aikuij ekal ñõn jikin kwelok eo. Rej aikuij bokake Anij im erom jet armij ro rekajur.