Bwebwenato ko an Jeje ko Rekwojarjar

Jepta 31: Nan in Meletlet: Pepwõde 1833

“Jepta 31: Nan in Meletlet: Pepwõde 1833,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 119–22

“Jepta 31,” Bwebwenato Ko Jen Katak im Kalimur Ko [DOCTRINE AND COVENANTS STORIES], 119–22

Jepta 31

Nan in Meletlet

(Pepwõde 1833)

Joseph at School of the Prophets — Joseph Smith ear jino juõn jikul ñõn eman ro ilo Kabuñ in. Rar na etan Jikul eo an Dri Kanan ro.

Joseph teaching the School of the Prophets — Jikul eo ear bed ilo juõn rum ilo imõn wia eo an Newel Whitney ilo Kirtland, Ohio. Joseph ear katakin eman ro kin Kabuñ in. Ear katakin ir kin priesthood eo im jeje ko rekwojarjar.

brethren using tobacco — Elõñ ian eman ro rar kõbatat baid ak jika ko. Rum eo ear obrak kin bat. Jet eman rej meme jika. Loan mweo ear oktak im etton. Rum eo ear aikuij karreo elikin an eman ro jeblak ñõn jikier.

Joseph concerned — Lio belen Joseph, Emma ej karreoiki rum eo elikin kajojo ien kwelok. Joseph ear lõmnak kin an eman ro kõbatat ak meme jika.

Joseph praying — Joseph ear jar im kajitõk iben Anij ta eo ejimwe. Jisõs ear lelok juõn revelesõn. Kar na etan revelesõn eo Nan in Meletlet. Jisõs ear ba jet armij rej kõmõni men ko renana. Rej kõnan bwe armij ro jet ren kõmõni men ko rejab emõn ñõn enbwinier. Ilo Nan in Meletlet, Jisõs ear jiroñ Armij Ro Rekwojarjar in ta ko renaj emõn ñõn enbwinier. Ear jiroñ ta ko renana ñõn enbwinier. Armij Ro Rekwojarjar in renaj jerammõn elañe renaj bokake Nan in Meletlet.

young man avoiding alcohol — Jisõs ear ba arkol ejab emõn ñõn armij. Rejab aikuij kõjerbale dren ko ewõr arkol ie. Arkol ej aikuij jerbal wõt ñõn tulikin enbwin.

woman refusing cigarettes — Jisõs ear ba armij rejab aikuij kõjerbal tõbako. Rejab aikuij kõbatat jika ko, ak baid ko. Rejab aikuij meme tõbako. Jisõs ear ba, “Tõbako ejab ñõn enbwin im ejab emõn ñõn armij.”

person refusing coffee — Jisõs ear ba Armij Ro Rekwojarjar in rejab aikuij idrak dren bwil ko. Ti im kobe rej dren bwil ko. Rejab emõn ñõn enbwin.

family praying over dinner — Jisõs ear ba elõñ menin edrõk ko im menin mour ko remõn ñõn an armij mõñã. Armij rej aikuij kamolol Jemedwij Ilañ kin mõñã ko remõn.

healthy food — Jisõs ear ba armij rejab aikuij mõñã elap kanniek. Armij rej aikuij mõñã kanniek elañe mejatoto eo ej mõlo. Rej aikuij mõñã kanniek elañe ejab bwe mõñã ko jet.

mother and son preparing bread — Iroij ear ba aolep menin edrõk rej emõn ñõn enbwinid. Jet men in edrõk ko rej wiit, raij, kon, im oat ko. Wiit elukkun emõn ñõn kij. Aolep leen wijki im menin edrõk remõn ñõn armij.

family playing together — Jisõs ear ba aolep Armij Ro Rekwojarjar in rej aikuij bokake Nan in Meletlet. Inem Anij enaj kõjerammõn ir. Renaj ejmour. Renaj meletlet. Remaroñ naj katak elõñ men ko. Renaj jerammõn elañe renaj boki mõñã ko rejejet.