“Jepta 42: Turilik Tata [Far West] Missouri: Jenwõde–Julae 1838,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 161–63
“Jepta 42,” Bwebwenato Ko Jen Katak im Kalimur Ko [DOCTRINE AND COVENANTS STORIES], 161–63
Jepta 42
Turilik Tata [Far West] Missouri
(Jenwõde–Julae 1838)
Armij ro renana ilo Kirtland rar jab ukwelok. Rar kõnan mane Joseph Smith. Joseph ear emakit jen Kirtland. Ekar ien mõlo im elukkun lap mõlo. Dri kõjrat ro an Joseph rar lore lok. Ewõr bakbõk ibeir im bu ko ñõn mõne.
Joseph ear kitilek. Iroij ear kejbaroke e im dri kõjrat ro rar jab maroñ loe. Juõn boñ Joseph ear kiki iben dri kõjrat ro an ilo juõn wõt em. Rekar jab jelã ke ej bed ijo.
Jet ien Joseph ej ellã jen dri kõjrat ro an ilo ial ko. Rej loe. Rejab jelã ke e eo.
Joseph ej etal jibuki mail. Ekar etal ñõn Turilik Tata ilo Missouri. Armij Ro Rekwojarjar in ilo Missouri rar mõnõnõ in lo e.
Jet ian dri tel ro ilo Missouri rar jab bokake kien ko an Anij. Rekar jab ukwelok. Rar illu iben Joseph. Rar kõnan bwe ren mweie.
Joseph ekar burumõj. Eman rein rar jeran. Oliver Cowdery, David Whitmer, im bar jet armij rar jolok ir jen Kabuñ in. Rar jab Armij Ro Rekwojarjar in an An Jisõs Kraist tokelik.
Bar jet eman rar kelet ir bwe ren dri tel an Kabuñ in ilo Turilik Tata.
Juõn ran Joseph Smith ear etal ñõn juõn jikin iturin jikinin Turilik Tata. Jisõs ear ba jikin in naj na etan Adam-ondi-Ahman. Ej juõn jikin ejonolok. Jisõs ear konono iben Adam ijo im kõjerammõn e. Adam ear kõjerammõn ro nejin ilo Adam-ondi-Ahman. Jet ran Jisõs im Adam im ro jet rejimwe renaj bar kwelok ijo juõn alen.