Bwebwenato ko an Jeje ko Rekwojarjar

Jepta 15: Juõn Mijen Ñõn Dri Laman Ro: Jeptõmba 1830

“Jepta 15: Juõn Mijen Ñõn Dri Laman Ro: Jeptõmba 1830,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 58–60

“Jepta 15,” Bwebwenato Ko Jen Katak im Kalimur Ko [DOCTRINE AND COVENANTS STORIES], 58–60

Jepta 15

Juõn Mijen Ñõn Dri Laman Ro

(Jeptõmba 1830)

Oliver Cowdery — Jisõs ekõnan bwe en lõñlok armij rej roñjake gospel eo. E kõnan bwe jet ian Armij Ro Rekwojarjar ren ilok in mijen. E ear ba ñõn Oliver Cowdery ñõn ilok ilo juõn mijen lok iben Dri India ro.

Jesus speaking to Nephite — Dri India ro rej na etair Dri Laman ro ilo Buk in Mormon. Jisõs ekõnan bwe Dri Laman ro ren konono Buk in Mormon. E ear kalimuri elõñ dri kanan bwe Dri Laman ro renaj bõk Buk in Mormon. Kiõ ej ien ñõn kojetjet kitien kalimur eo.

Jesus speaking to Lamanites — Buk in Mormon enaj jiroñ Dri Laman ro kwalok kin ro nukiir im rar mour ruo taujin yiõ ko remotlok. Enaj bareinwõt jiroñ Dri Laman ro kalimur ko Jisõs ear kõmõni ñõn ir. Enaj jibañ ir tõmak ilo Jisõs im gospel eo. Enaj katakin ir ñõn ukwelok im baptaisi.

men of the Church — Bar jet eman rekõnan ilok iben Oliver Cowdery lok. Rekõnan kwalok gospel eo ñõn Dri Laman ro. Rekõnan lelok ñõn Dri Laman ro Buk in Mormon. Iroij ear ba jilu ian eman ro remaroñ ilok.

missionaries teaching Native Americans — Mokta mijenede ro rar ilok ñõn iben jet Dri India ro ilo New York. Rar lo jet wõt ian Dri India rein remaroñ riit. Mijinede ro rar lelok ñõn ir Buk in Mormon.

missionaries greeting Native Americans — Inem mijinede ro rar ilok im kwalok ñõn Dri India ro jet ilo Ohio. Dri India ro rar lukkun mõnõnõ in roñjake kin Buk in Mormon. Rar mõnõnõ in jelã kin ro nukiir.

missionaries leaving on horseback — Mijinede ro rar emakit jen Ohio. Rar ilok ñõn juõn jikin etan Independence, ilo Jackson County, ilo Missouri. Ear lõñ Dri India ro ilo Missouri.

Native Americans reading from Book of Mormon — Mijinede ro rar kwalok gospel eo ñõn ir. Rar lelok ñõn Dri India ro Buk in Mormon. Menin ej kõmõn bwe Dri India ro ren mõnõnõ. Rar kamolol mijinede ro kin Buk in Mormon.

people telling missionaries to stay away — Bar jet armij ilo Missouri rar jab tõmak gospel eo. Rar jab tõmak ilo Buk in Mormon. Rar ba ñõn mijinede ro bwe ren emakit jen iben Dri India ro.

missionaries leaving Missouri — Armij ro rar ba dri tarinae ro renaj jilkinlok mijinede ro elañe rejab ilok. Mijinede ro rar lukkun burumõj ke rej roñjake menin. Rar bar ilok im katakin gospel eo ñõn bar jet armij ilo Missouri.

Parley P. Pratt speaking to Joseph — Juõn ian mijinede ro etan in Parley P. Pratt. E ear jeblaklok im jiroñ Joseph ta ko rar kõmõni. Parley ear ba mijen eo air ear juõn eo emõn. Rar katakin gospel eo ñõn elõñ armij.