Bwebwenato ko an Jeje ko Rekwojarjar
Jepta 57: Juõn Dri Tel Kããl Ñõn Kabuñ in: Julae–Okõj 1844

“Jepta 57: Juõn Dri Tel Kããl Ñõn Kabuñ in: Julae–Okõj 1844,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 206–8

“Jepta 57,” Bwebwenato Ko Jen Katak im Kalimur Ko [DOCTRINE AND COVENANTS STORIES], 206–8

Jepta 57

Juõn Dri Tel Kããl Ñõn Kabuñ in

(Julae–Okõj 1844)

Saints speaking together

Dri Kanan Joseph Smith ekar mij. Kabuñ in ejelok an President. Armij Ro Rekwojarjar in rejab jelã wõn eo enaj air dri tel.

Apostles serving missions

Enañin aolep Dri Jilik ro rebed ilo mijen ko air ijoko rej jerbal ie.

Sidney Rigdon leaving Nauvoo

Sidney Rigdon ekar juõn an Joseph Smith dri kõkabiloklok. Ak ear jab bokake Iroij. Ekar etal im emakit jen Nauvoo.

D&C 124:108–109

Sidney Rigdon returning to Nauvoo

Sidney Rigdon ekar roñ ke emij Dri Kanan eo. Ekar jeblaktok ñõn Nauvoo. Ekõnan bwe en e eo ej dri tel an Kabuñ in.

Apostle returning from mission

Brigham Young im Dri Jilik ro jet rar jeblaktok jen mijen ko air. Brigham Young ekar dri tel an Dri Jilik ro. Ekar ba Dri Jilik ro remaroñ tel Kabuñ in mae juõn ien renaj kelet juõn President ekãl.

D&C 107:24

Sidney Rigdon speaking loudly

Ro uwan Kabuñ in ear wõr juõn air kwelok. Sidney Rigdon ekar konono ñõn ir. Ekar ba ej e eo im ej aikuij dri tel an Kabuñ in.

Brigham Young appearing as Joseph

Inem Brigham Young ear konono. Ekar ba Dri Jilik ro rej aikuij tel Kabuñ in. Jitõb Kwojarjar ekar bed iben. Ainikien Brigham Young ej einwõt ainikien Joseph Smith. Elikin jidrik ien ekar einwõt Joseph Smith. Armij ro rar jelã ke Anij ear kelet Dri Jilik ro bwe ren tel Kabuñ in. Sidney Rigdon ekar illu. Ekar jeblak ñõn ijo jikin . Ekar kajutak juõn an make kabuñ. Ekar jab bar Uwan Kabuñ eo An Jisõs Kraist im Armij Ro Rekwojarjar Ilo Ran Ko Eliktata in tokelik.