“Jepta 48: Mijinede Ro Ilo Jikin ko Jet: Juun 1837–Oktoba 1841,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 180–82
“Jepta 48,” Bwebwenato Ko Jen Katak im Kalimur Ko [DOCTRINE AND COVENANTS STORIES], 180–82
Jepta 48
Mijinede Ro Ilo Jikin ko Jet
(Juun 1837–Oktoba 1841)
Iroij ej kõnan armij in jikin ko jet bwe ren katak kin gospel eo. Ear jirõñ Joseph Smith bwe jet ian Armij Ro Rekwojarjar in rej aikuij etal in mijen ñõn England. Elder Herber C. Kimball im jilu bar jet eman rar kelet bwe ren etal. Rar jerak ñõn England ion juõn wa.
Rar iion juõn eman eo im ej dri tel jen bar juõn kabuñ. Leo ear kõtlok bwe mijinede ro ren kwalok ilo Kabuñ in an. Elõñ ian armij ro rar tõmak mijinede ro. Rar kõnan baptais. Menin ekõmõn bwe dri tel ro ren illu. Ear ba mijinede ro rejab maroñ in kwalok ilo kabuñ eo an tokelik.
Mijinede ro rar kwalok ilo imõko imõn armij. Elõñ ian armij ro rar kobalok ilo Kabuñ in An Jisõs Kraist im Armij Ro Rekwojarjar in Ilo Ran Ko Eliktata.
Tokelik bar jet eman rar etal in mijen ñõn England. Jet iaeir rej Dri Jilik. Joseph ear konono ibeir mokta jen air etal. Ear jiroñ ir ta eo rej aikuij katakin armij ro.
Joseph ear jiroñ Dri Jilik ro bwe ren bokake aolep kien ko an Anij. Ear konono ñõn ir kin priesthood. Ear ba Kabuñ in wõt emol An Jisõs Kraist ewõr an priesthood.
Eman ro rar bojak im etal ñõn mijen ko air. Ear ejelok air jããn. Elõñ iaeir rar nañinmij. Jet ian limaro beleir im ajiri ro rar nañinmij. Ak eman ro rar jelã bwe Jemedwij Ilañ enaj jibañ ir im naj kõjerammõn bamle ko air.
Mijinede ro rar etal ñõn England. Rar kwalok ilo elõñ jikin ko. Taujin ian armij ro remõn rar tõmak ilo gospel eo. Rar kobalok ilo Kabuñ in An Jisõs Kraist. Jemedewij Ilañ ear kõjerammõn mijinede ro. Rar jeblaklok ñõn jikier ilo ejelok jorren elikin air mijen.
Orson Hyde ear juõn ian Dri Jilik ro Joñoul-ruo. Joseph Smith ear ba Orson ewõr juõn an jerbal eo ejenolok ñõn kõmõne ñõn Dri Ju ro. Orson ear etal ñõn enen Palestine. Ilo Oktoba 24, 1841 ear jar in kõjerammõn enen Palestine.
Ear kajitõk iben Jemedwij Ilañ ñõn kõjerammõn ene eo. Ear jar bwe en loñ dren ñõn an edrõk jikin kallip ko. Ear jar bwe aolep ro inen Ebream ren maroñ etal ñõn Palestine in jokwe. Remaroñ ekkal em im jikin kallip ijo.
Anij ear Kõjerammõn enen Palestine. Kiõ jej na etan Israel. Ilo 1979, President Spencer W. Kimball ear jar ñõn kõjerammõn jikin kallip eo ilo Israel. Eo jej naetan Orson Hyde Memorial Garden.