Bwebwenato ko an Jeje ko Rekwojarjar

Jepta 2: Visõn Eo Kein Kajuõn an Joseph Smith: 1820

“Jepta 2: Visõn Eo Kein Kajuõn an Joseph Smith: 1820,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 9–12

“Jepta 2,” Bwebwenato Ko Jen Katak im Kalimur Ko [DOCTRINE AND COVENANTS STORIES], 9–12

Jepta 2

Visõn Eo Kein Kajuõn an Joseph Smith

(1820)

Joseph Smith Sr. — Joseph Smith im bamle eo an rej tõmak ilo Anij. Rej riiti iben dron ilo Baibõl. Jinen im jemen Joseph rej katakin ajiri ro nejier bwe ren emõn.

Joseph attending church — Ear lõñ kabuñ ko ilo Palmyra. Aolep armij rar ba bwe kabuñ ko air rejjetet. Rar ba kabuñ ko jet rebwõd. Joseph ear jab jelã ewi kabuñ eo en kobalok ie. E ekõnan jelã ewi Kabuñ in emol an Jisõs Kraist.

Joseph reading the Bible — Juõn ran Joseph ear riit ilo Baibõl. Ear joñoul emen an yiõ. Ear riiti bwe jej aikuij kajitõk iben Anij elañe jekõnan jelã kin jet men. Joseph ekar kelet iburuõn bwe enaj jar. Ear kajitõk iben Anij ewi wõt kabuñ eo en kobalok ie.

Joseph kneeling — Ear juõn jiboñõn eo eaibuijuij. Joseph ear etal ñõn bukin wijki eo iturin ijo jikin. Ear bukwelõlõ. Ear kelap an jar. Ear tõmak bwe Jemedwij Ilãñ enaj uak jan eo an.

Joseph holding his head — Setan ear jab kõnan bwe Joseph en jar. Setan ear kajeoñ in kabõjrak e. Setan ear kõmõn marok ibelakin Joseph. Ear jab maroñ konono. Ear mijak.

Joseph kneeling in prayer — Joseph ear jab bõjrak an jar. Setan ear jab maroñ kabõjrak e.

Heavenly Father and Jesus — Inem ear wõr juõn an Joseph visõn. Ear lo juõn maram aibuijuij. Maram eo ear kabole. Ear lo Jemedwij Ilañ im Jisõs Kraist. Rar jutak imejatoto ion ilo juõn maram. Jemedwij Ilañ ear jitõnlok Jisõs Kraist im ba, “Eñin neju jitenburu Ibba. Roñjake E!”

Jesus — Joseph ear kajitõkin Jisõs ewi kabuñ eo emol. E ear kajitõk ewi kabuñ eo ej aikuij in kobalok ie. Jisõs ear jiroñlok Joseph bwe en jab kobalok ilo jabdrewõt kabuñ ko. E ear ba aolep kabuñ ko im bwir. Ejelok juõn iaer ej kabuñ eo an. Jisõs ear bar jiroñlok Joseph ebar lõñ men. Inem visõn eo ear jemlok. Joseph ear make ian.

Joseph and his mother — Joseph ear jeblak ñõn mweo imõn. Jinen ear kajitõk elañe emõn an mour. Joseph ear ba aet. Ear jiroñlok jinen ke ear lo juõn visõn. Ear jiroñlok jinen ta eo ear katak ilo visõn in.

minister chastising Joseph — Joseph ear jiroñlok jet armij ilo jikin eo kin visõn eo an. Armij ro rar jab tõmak e. Rar lõmnak ej riab ñõn ir. Rar lukkun illu iben. Rar jab meanwõd ñõn e.

Joseph being taunted — Joseph ien otemjej ear konono mol kin visõn eo an. Ejelã ear lo Jemedwij Ilañ im Jisõs Kraist. Ear jelã ke ejelok kabuñ ion lõl in emol.