“Jepta 1: Joseph Smith im Bamle eo an: 1805–1820,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 6–8
“Jepta 1,” Bwebwenato Ko Jen Katak im Kalimur Ko [DOCTRINE AND COVENANTS STORIES], 6–8
Jepta 1
Joseph Smith im Bamle eo an
(1805–1820)
Ewõr jiljino jein im jatin Joseph eman im jilu kõrã. Juõn jatin ear mij ke ej drik.
Jemen im jinen Joseph rar jet armij emõn. Rar yokwe ajiri ro nejier. Rar lukkun jerbal ñõn kejbarok ajiri ro nejier.
Ke Joseph ear juõn ladrik edrik, ear wõr juõn kinej ilo neen eo im ear anilen. Taktõ ro rar kajeoñ kõmõne neen bwe en emõnlok, ak rar jab maroñ.
Hyrum Smith ear leo edrito jein Joseph. Ear lap an yokwe Joseph. Hyrum ear lukkun burumõj kin neen Joseph. Ej jijet ilo beet eo an Joseph. Ear kajeoñ in jibañ Joseph bwe en emanlok an bed.
Taktõ ro rar kõnan mwijiti neen Joseph. Jinen ear jab kõnan bwe ren mwijiti neen. kin menin rar lõmnak in mwijiti mõttan di ko ilo neen. Joseph ear jelã ke neen enaj metak ñe taktõ ro renaj mwijiti. Ak ear lap an tõmak. Ear jelã ke Jemedwij Ilañ enaj jibañ e.
Taktõ ro rar kajitõk iben Joseph bwe en idrak wain bwe enjab metak neen. Joseph ear jab idrak wain. Joseph ear ba jinen en driwojlok. Ear jab kõnan bwe jinen en lo an taktõ ro mwijiti neen.
Joseph ear kajitõk iben jemen bwe en drebiji. Taktõ ro rar mwijiti neen. Rar mwijiti ijo nana ilo di eo. Joseph ear lukkun metak. Ak ear lukkun beran. Elikin elõñ ran ko neen ear emõnlok.
Ke Joseph ear drittolok, bamle eo an ear emakit ñõn juõn bukõn ilo New York. Rar jokwe ilo juõn em rã ilo juõn jikin kallip ebakelok Palmyra.
Bamle eo an Joseph ear jeramõl. Rar aikuij in lukkun jerbal ñõn air maroñ in kollã wõnen jikin kallip eo. Rej lale im kejbarok menin mour ko. Ledrik ro rej jerbal iben jineir.
Joseph Smith—History 1:46
Joseph ear juõn ladrik emõn. Ear mõnõnõ. Ear kõnan ettoñ im kõmõn kijak.
Joseph Smith—History 1:28