“Jepta 41: Jorren eo ilo Kirtland: 1837,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 158–60
“Jepta 41,” Bwebwenato Ko Jen Katak im Kalimur Ko [DOCTRINE AND COVENANTS STORIES], 158–60
Jepta 41
Jorren eo ilo Kirtland
(1837)
Armij Ro Rekwojarjar in ilo Kirtland, Ohio, rar emõnõnõ. Iroij ear kõjerammõn ir.
Jet elder ro rar emakit jen Kirtland. Rar emakit im katakin armij ro kin gospel eo. Elõñ armij rar roñjake elder ro im kobalok ilo Kabuñ in.
Inem juõn jorren ear walok ilo Kirtland. Armij Ro Rekwojarjar in ewõr juõn air bãñ. Rar likit joãn ko air ilo bãñ eo.
Jet ian Armij Ro Rekwojarjar in rar kõnan bõk elap joãn. Juõn eman eo ear jerbal ilo bãñ eo ear jab mol. Ear koote jet joãn.
Joseph Smith ear jiroñ bar jet eman bwe ren lali joãn ko. Ak eman ro rar jab bokake Joseph. Bãñ eo ear kilõk. Aolep jõãn rar jako. Armij Ro Rekwojarjar in rar jab maroñ kõroli tok joãn ko.
Elõñ wõt ian Armij Ro Rekwojarjar in rar illu. Rar ba ej an Joseph Smith bwir eo bwe en kilõk bãñ eo. Jet ian ro jeran Joseph im remõntata rar ba men ko renana nae e. Jet iaer rar kõnan mane Joseph.
Jet ian dri tel ro an Kabuñ rar illu. Rejab kõnan bwe ren bar uwan Kabuñ in. Rar erom dri kõjrãt an Kabuñ in. Rar nana. Joseph Smith ear lukkun burumõj.
Jet ian dri tel ro an Kabuñ rar yokwe Joseph im jibañ e. Rar jelã bwe Kabuñ in An Jisõs Kraist emol. Brigham Young ekar juõn ian dri tel ro rejimwe. Brigham ear jiroñ Armij Ro Rekwojarjar in bwe ejelã ke Joseph ej juoñ dri kanan an Anij.
Dri kõjrat ro an Kabuñ rar illu iben Brigham Young. Ekar emakit jen Kirtland bwe ren jab kakkure e.
Dri kõjrat ro an Kabuñ rar kõmõn elap jorren ilo Kirtland. Rar drelõn iloan tempel im kõmõn men ko renana.
Tempel eo ekar jab bar ekwojarjar. Ekar jab maroñ in bar imõn Iroij. Joseph ekar burumõj kinke armij rar kõmõni men ko renana. Ekar burumõj bwe elap jorren ej walok.