“Jepta 9: Kabuñ in Emol An Jisõs Kraist: 6 Eprõl 1830,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 40–42
“Jepta 9,” Bwebwenato Ko Jen Katak im Kalimur Ko [DOCTRINE AND COVENANTS STORIES], 40–42
Jepta 9
Kabuñ in Emol An Jisõs Kraist
(6 Eprõl 1830)
Joseph Smith ear jokwe ilo juõn jikin etan in Fayette. Fayette ear bed ilo New York. Jisõs Kraist ear jiroñ Joseph bwe ien an bar Kabuñ in emol bed ion lõl in. Jisõs ear jiroñ Joseph bwe en jino Kabuñ in.
Joseph Smith ear bokake. Ilo 6 Eprõl 1830, ear kõmõne juõn kwelok. Lailem eman ro rar itok ñõn kwelok eo in jibañ Joseph jino Kabuñ in. Eman rein rej Oliver Cowdery, Hyrum Smith, Samuel Smith, David Whitmer, im Peter Whitmer. Aolep rar baptais. Jet armij rar itok im lale kwelok eo.
Lõmarein rar jar ñõn Jemedwij Ilañ. Joseph ear kabit Oliver bwe en juõn elder ilo Kabuñ in. Inem Oliver ear kabit Joseph.
Joseph im Oliver rar kõjerammõn kwojkwoj eo. Rar lelok ñõn armij ro.
Joseph im Oliver rar likit pãier ion bõran kajojo eman ro. Rar kabin eman ro bwe ren uwan Kabuñ in An Jisõs Kraist. Rar lelok ñõn eman ro menin letok eo an Jitõb Kwojarjar. Rar kamolol Anij.
Ebar wõr jet armij rar bareinwõt bed ilo kwelok eo. Joseph im Oliver rar kabit jet ian lõmarein. Rar lelok kajur in priesthood eo. Lõmarein rar kabit ir rar lukkun mõnõnõ. Rar ba rej yokwe Anij. Rar ba ekijkan Anij emaroñ kõjerammõn ir.
Jisõs ear lelok juõn revelesõn ñõn Joseph Smith ilo kwelok eo. Jisõs ear ba Joseph ear juõn dri kanan. Ñe juõn dri kanan ej konono, ej konono kin Jisõs. Ro uwan Kabuñ in rej aikuij roñjake dri kanan eo. Rej aikuij bokake E.
Elikin kwelok eo eloñ armij rar baptais. Jinen im jemen Joseph Smith rar baptais. Eprõl 6, 1830 ear juõn ran eaibuijbuij. Kabuñ in emol An Jisõs Kraist ear bar bed ion lõl in.