“Jepta 12: Mijen eo an Samuel Smith: Juun 1830,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 48–50
“Jepta 12,” Bwebwenato Ko Jen Katak im Kalimur Ko [DOCTRINE AND COVENANTS STORIES], 48–50
Jepta 12
Mijen eo an Samuel Smith
(Juun 1830)
Samuel Smith ear ladrik eo edrik jatin Joseph Smith. Joseph ear ba Jisõs ekõnan bwe Samuel en etal in mijen. Samuel Smith ear mijinede eo moktata an Kabuñ in.
Samuel ear ilok im katakin armij ro kin gospel eo. Ekõnan jiroñ armij ro kin Buk in Mormon. Ear kajeoñ in wiakake buk ko ñõn armij. Ak ejelok en ekõnan konono. Samuel ear burumõj.
Mijen eo an Samuel ear ben. Elõñ ien ej kwõle. Jet ien ejelok jikin an kiki. Jet armij rar kitõtõiki.
Samuel ear wiakake juõn Buk in Mormon ñõn juõn eman etan in Phineas Young. Phineas ear konono jen buk eo. Ear lelok Buk in Mormon eo ñõn leo jein. Etan leo jein in Brigham Young.
Brigham Young ear konono jen Buk in Mormon. Ear tõmak bwe buk in emol. Ear katak kin gospel eo An Jisõs Kraist. Phineas im Brigham Young rar jiroñ ro jerair kin Buk in Mormon. Ro jerair rar konono ie. Phineas im Brigham Young im ro jerair rar kobatok ilo Kabuñ in.
Tokelik Brigham Young ear erom juõn dri kanan an Kabuñ in. Ear jibañ Armij ro Rekwojarjar. Ear juõn dri tel ekajur.
Samuel Smith ear jeblak ñõn ijo jikin. Ear lõmnak bwe mijen eo an ear jibañ Kabuñ in. Ear jab jelã bwe Brigham Young enaj kar juõn ran enaj erom juõn dri kanan.
Juõn joten Samuel ear bõjrak ilo juõn em. Ear kajitõk iben armij eo imõn mweo bwe en wiaik juõn Buk in Mormon. Armij eo imõn mweo ear kajitõk ia eo Samuel ear bõk buk eo ie. Samuel ear ba leo jein ear ukõte jen pileij gold ko.
Armij eo imõn mweo ear illu. Ear ba Samuel ear riab. Ear jiroñ Samuel bwe en driwõjlok jen mweo.
Boñen eo Samuel ear kiki iumin juõn wijke apõl.
Eliktata Samuel ear lelok juõn Buk in Mormon ñõn juõn dri tel in juõn bar Kabuñ. Dri tel eo im lio iben rar konono ilo buk eo. Rar jelã ke ear lap tokjen.