“Jepta 63: Armij Ro Rekwojarjar ilo Rocky Mountains: Julae 1847,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 230–33
“Jepta 63,” Bwebwenato Ko Jen Katak im Kalimur Ko [DOCTRINE AND COVENANTS STORIES], 230–33
Jepta 63
Armij Ro Rekwojarjar ilo Rocky Mountains
(Julae 1847)
Pioneer ro rar jino in kalek juõn jikin kwelok ilo Great Salt Lake Valley. Im rar na etan jikin in Salt Lake. Brigham Young ekar kelet juõn jikin ñõn kajutak tempel eo.
Brigham Young ekar ajeje jikin in. Kajojo bamle ko ar ewõr jidrik jikin ñõn air ekkal em im kõmõn jikin kallip. Rar kallip mõñã. Ear lap air jerbal. Brigham Young ear katakin Armij Ro Rekwojarjar in bwe aolep rej aikuij in jerbal ñõn ta ko rej aikuij.
Brigham Young ekar ajeje jikin kwelok eo ilo lailem ward ko. Armij ro rar jino kaleki imõn jar ko. Eloñ lok pioneer rar itok ñõn jikin eo. Ejab etto ar wõr 19 ward.
Pioneer ro rekar jino juõn jikul. Kilaj ko im kwelok ko an kabuñ rar bed ilo juõn wõt em. Ejab etto Jabõt Jikul eo ear ijino.
Brigham Young ear ijilõklõk mijinede ñõn lol ko ilikin. Ilo jet jikin jet wõt rar koba lok ilo Kabuñ in.
Ilo jet jikin ko eloñ armij rej tõmak katak ko an mijinede ro. Rar koba tok ilo Kabuñ in. Eloñ iaeir rar kõnan jokwe iben Armij Ro Rekwojarjar in ilo Great Salt Lake Valley. Rar jerak kin wa ko im kõjone meto eo.
Jet ian armij ro rar kõjone melaj ko relllp ilo waikõn ko waeir. Rar kõmõn wa in aljek mweiuk kin ruo wheel. Rar na etair handcarts (einwõt drieka jej kanoke kin peid.) Pioneer ro rar likit aolep men ko mweir ilo waikõn eo. Rej iuni im kanõki wa ko ilo air kõjone melaj ko rellap im enana bikiir. Ear juõn jerbal eo ebin ñõn air bwili waikõn ko ijo enan bikon. Jet ian armij ro rar nañinmij im mij.
Brigham Young ear juõn dri tel eo emeletlet. Ear jilikinlok eman ro im bamle ko air ñõn jikin ko Turilik. Jet ian Armij Ro Rekwojarjar in rar kalõk jikin kwelok ko ilo California. Armij ro Rekwojarjar jet rar ekal ilo Idaho, Arijona, im Wyoming. Jet ian armij rein rar inebata kin air emakit jen ijoko jikier. Botap rar bokake Brigham Young.
Armij Ro Rekwojarjar in elon kar air kabañbañ. Jet ien ine ko rar kalpuriri rar jab maroñ eddok. Ibwijleplep ko rar kinorlok jikin kallip ko air. Jet ien Dri India ro ara kwot jer ir ak man Armij Ro Rekwojarjar in.
Brigham Young ear jiroñ Armij Ro Rekwojarjar in bwe ren emõn ñõn Dri India ro Armij Ro Rekwojarjar rar lelok mõñã ñõn Dri India ro. Eloñ ian Indian ro rar oktak im jeraik Armij Ro Rekwojarjar in.
Armij Ro Rekwojarjar rar jino air kajutak tempel ko ilo Iturilik. Ilo 1853 rar jino in kalek tempel eo ilo Salt Lake City. Rar jerbal eñoul yiõ ko ñõn kalek tempel eo. Armij Ro Rekwojarjar rar bar kalek jilu tempel ko mokta jen an dredrelok tempel eo ilo Salt Lake. Rar kalok St. George Tempel, Logan Tempel, im Manti Tempel.