“Jepta 64: Kabuñ Eo An Jisõs Kraist Rainin,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 236–37
“Jepta 64,” Bwebwenato Ko Jen Katak im Kalimur Ko [DOCTRINE AND COVENANTS STORIES], 236–37
Jepta 64
Kabuñ Eo An Jisõs Kraist Rainin
Eloñ yiõ remot lok ke Kabuñ in ear jino ilo Fayette, New York. Kabuñ in ear edrõk lok ilõ yiõ ko. Ilo 1830, jiljino armij rar jino Kabuñ in ro jet rar reilok wõt.
Mijinede ro rar etal ñõn eloñ lal ko im kwalok kin gospel eo. Armij rar roñjake mijinede ro. Rar tõmak gospel eo im koba tok ilo Kabuñ in. Ilo 1983 eloñ lok jen emen milion uwan Kabuñ in rar koba tok ilo Kabuñ in. Armij rein reoktak jen dron. Rej bed ilo aolepen belakin lol in. Elon kain kajiñ rej konono. Rej mõnõnõ bwe rej uwan ro in Kabuñ in.
Ilo 6 Eprõl 1980, ran in kememe in. Wõr juõn kwelok ejenolok ilo ran in kememe 150 yiõ an Kabuñ in. Ear wõr ruo kwelok ilo ejja ien in wõt. Juõn ian kwelok kein ar kõmõn ilo Fayette, New York. Dri kanan Spencer W. Kimball ear bed ilo mwin ejelok oktak jen mweo imõn Peter Whitmer.
Kwelok eo juõn ar kõmõn ilo tabernacle eo ilo Salt Lake City. Ear wõr taujin taujin armij ilo kwelok in. President Kimball ear konono ñõn Armij ro Rekwojarjar ilo television. E eo ear aje mweo imõn Peter Whitmer. Aolep ro uwan kabuñ in rar lap air mõnõnõ in loe im rõnjake dri kanan eo. Armij Ro Rekwojarjar in rar lukkun jerammõn. Jej aikuij in mõnõnõ bwe jej uwan Kabuñ eo an Jisõs Kraist im Armij Ro Rekwojarjar Ilo Ran Ko Eliktata. Ewõr juõn dri kanan ñõn tel kij.