“Jepta 14: Dri Kanan eo im Revelesõn ko Ñõn Kabuñ in: Jeptõmba 1830,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 56–57
“Jepta 14,” Bwebwenato Ko Jen Katak im Kalimur Ko [DOCTRINE AND COVENANTS STORIES], 56–57
Jepta 14
Dri Kanan eo im Revelesõn ko Ñõn Kabuñ in
(Jeptõmba 1830)
Elõñ ro uwan Kabuñ in rar tõmak Hiram Page. Oliver Cowdery ear tõmak e. Jet rar lõmnak Hiram ear juõn dri kanan.
D&C 28: Kemlele eo mokta
Oliver ear kajitikin Joseph kin Hiram Page. Joseph ear jar. Jisõs ear lelok ñõn Joseph juõn revelesõn kin Oliver Cowdery. Jisõs ear ba juõn wõt eman emaroñ wõr revelesõn iben ñõn Kabuñ in. Im lein ej Dri Kanan Joseph Smith.
Jisõs ear ba armij remaroñ bõk revelesõn ñõn ir make. Ak Dri Kanan eo wõt emaroñ elolo revelesõn ñõn Kabuñ in. Oliver ear tõmak Joseph. Ear jelã ke revelesõn eo an Hiram Page ear bwir.
Inem Jisõs ear jiroñ Oliver Cowdery bwe en konono ñõn Hiram Page. Oliver ear jiroñlok Hiram ke revelesõn eo an ejab jen Anij. Revelesõn ko rej jen Setan.
Oliver ear ba Setan ear mõne Hiram Page. Hiram ear roñjake Oliver. Ear ukwelok.
Juõn wõt eman ej bõk revelesõn ñõn Kabuñ in. Eman eo ej President eo an Kabuñ in. E ej dri tel eo ñõn Kabuñ in. Ej dri kanan an Anij. Ro uwan Kabuñ in rej aikuij bokake dri kanan eo.