Bwebwenato ko an Jeje ko Rekwojarjar

Jepta 6: Joseph im Oliver Rej Lelok Priesthood eo: Mãe 1829

“Jepta 6: Joseph im Oliver Rej Lelok Priesthood eo: Mãe 1829,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 26–30

“Jepta 6,” Bwebwenato Ko Jen Katak im Kalimur Ko [DOCTRINE AND COVENANTS STORIES], 26–30

Jepta 6

Joseph im Oliver Rej Lelok Priesthood eo

(Mãe 1829)

Joseph instructing Oliver — Joseph Smith im Oliver Cowdery rej ukõte Buk in Mormon. Rej konono kin baptais. Rekõnan jelã elaplok kin baptais.

Joseph and Oliver praying — Joseph im Oliver rar bebe ñõn kajitõk kin baptais iben Anij. Rar tomãk Anij enaj jibañ ir katak kin mol eo. Ilo 15 Mãe 1829, rar etal ñõn bukin wijki ko im jar.

John the Baptist appearing to Joseph and Oliver — Juõn enjel ear itok ñõn Joseph im Oliver. Juõn maram ear kemram belakin enjel eo. Enjel eo ekar Jon Baptais. Ear baptais Jisõs ilo ien ko mokta.

John the Baptist conferring the Aaronic Priesthood — Jon Baptais ear itok im lelok ñõn Joseph im Oliver priesthood eo. Priesthood eo ej kajur an Anij. E ear lelok ñõn Joseph im Oliver Priesthood eo an Aaron. Pris ko in ilo Priesthood eo an Aaron ewõr kajur ie ñõn baptaisi armij.

Joseph baptizing Oliver — Jon Baptais ear jiroñ Joseph im Oliver bwe ren baptaisi dron. Joseph ear baptaisi Oliver. Inem Oliver ear baptaisi Joseph. Rar jakolok iumin dren ilo air baptais.

John the Baptist baptizing Jesus — Ien ko mokta Jon Baptais ear baptaisi Jisõs ejja ilo wewein in wõt. Jisõs ear jakolok iumin dren ke ear baptais.

Joseph and Oliver — Joseph im Oliver rar obrak kin Jitõb Kwojarjar elikin air baptais. Jitõb Kwojarjar ear jiroñ ir ke Kabuñ in emol An Jisõs Kraist ejab etto im enaj bar bed ion lõl in.

Joseph and Oliver with others — Joseph im Oliver rar jiroñ ro jeraer remõn ke emwij air baptais. Rar jiroñ ir kin Priesthood eo. Ak Joseph im Oliver rar jab jiroñ bar jet armij. Rar jelã ke armij ro renana rejab maroñ tõmak ir. Armij ro renana renaj kõmõn jorren ñõn ir.

Peter, James, and John conferring Melchizedek Priesthood — Jet ran ko tokelik, jilu bar enjel rar itok. Kar Piter, Jemes, im Jon. Kar Dri Jilik ro An Jisõs etto. Piter, Jemes, im Jon rar lelok ñõn Joseph Smith im Oliver Cowdery Priesthood eo an Melkisedek eo.

priesthood blessings — Priesthood eo an Anij ear bar bed ion lõl. Kiõ man ro rejimwe enaj bed kajur in Priesthood in ibeir. Eman ro Priesthood eo an Melkisedek in ebed ibeir remaroñ dri tel an Kabuñ. Remaroñ kojerammõn armij. Remaroñ lelok ñõn armij menin letok eo an Jitõb Kwojarjar.