“Jepta 24: Ro Jinen im Jemen Rej Aikuij Katakin Ajiri ro Nejier: Nobõmba 1831,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 93–95
“Jepta 24,” Bwebwenato Ko Jen Katak im Kalimur Ko [DOCTRINE AND COVENANTS STORIES], 93–95
Jepta 24
Ro Jinen im Jemen Rej Aikuij Katakin Ajiri ro Nejier
(Nobõmba 1831)
Jet Armij Ro Rekwojarjar in ilo Ohio rar ilok ñõn iben Joseph Smith. Jisõs ear lelok ñõn Joseph juõn revelesõn ñõn ir. Jisõs ear jiroñ Armij Ro Rekwojarjar in ekijkan air naj jet jinen im jemen ro remõn.
D&C 68: Kemlele eo mokta
Jisõs ear ba ajiri ro rej aikuij baptais elane druwalitõk yiõ drettair. Jisõs ear kakiene ro jinen im jemen ñõn katakin ajiri ro kin gospel eo mokta jen air baptais.
Ajiri ro rej aikuij jelã kin Jisõs. Rej aikuij tõmak ilo e.
Ajiri ro rej aikuij jelã ukwelok.
Ajiri ro rej aikuij jelã kin baptais. Rej aikuij katak bwe ren jet uwan ro remõn ilo Kabuñ in.
Ajiri ro rej aikuij jelã ekijkan air jar. Rej aikuij jelã ekijkan air roñjake Jitõb Kwojarjar.
Ajiri ro rej aikuij jelã kien ko an Anij. Rej aikuij bokake kien ko.
Jineir im jemeir rej aikuij katakin ajiri ro nejier men kein. Naj na ruõn jineir im jemeir kin bwir ko an ajiri ro nejier elañe rejab katakin ir gospel eo.