Jepta 38

Bõõr eo Elap Wõnen [The Pearl of Great Price]

Bõõr eo Elap Wõnen [Pearl of Great Price] ej juõn buk. Anij ear jibañ dri kanan ro bwe ren je Bõõr eo Elap Wõnen [Pearl of Great Price]. Ej juõn ian jeje ko rekwojarjar ad. Ewõr emen mõttan ko ilo Bõõr eo Elap Wõnen [Pearl of Great Price]. Rej Buk in Moses, Buk in Abraham, jeje ko an Joseph Smith, im Lajrak in Tomak ko.

Buk in Moses

Mõttan eo mokta ilo Bõõr eo Elap Wõnen [Pearl of Great Price] ej juõn revelesõn lelok ñõn Joseph Smith. Kar na etan Buk in Moses. Moses ekar juõn dri kanan an Anij. Ekar mour ilo ien ko etto.

Buk in Moses ej jiroñ ta eo Anij ear ba ñõn Moses ion juõn tol eutiej. Moses ear lo Anij im konono iben. Anij ear ba ewõr juõn jerbal ejenolok bwe Moses en kõmõne.

Anij ear kwalok ñõn Moses lõl in. Moses ear lo men otemjej ko renaj walok ilo lõl in. Moses ear lo aolep ro nejin Anij renaj jokwe ilo lõl in.

Moses 1:8

Anij ear etal jen Moses. Setan ear itok. Ear jiroñ Moses bwe en kabuñ ñõn e. Moses ear ba, “Ña nejin Anij.” Moses ear kajitõk iben Anij bwe en jibañ e. Inem Moses ear ba ñõn Setan bwe en etal jen e. Setan ekar lukkun illu kinke Moses ekar jab lor e. Setan ekar etal jen Moses.

Moses 1:9, 12–22

Moses ear obrak kin Jitõb Kwojarjar. Anij ear itok im konono iben Moses bar juõn alen. Anij ear ba bwe Dri Lomor, Jisõs Kraist, ej nejin Anij. Anij ear ba elõñ lõl ko. Jisõs ear kõmõni. Enaj kõmõn elõñ lok lõl ko. Ien otemjej enaj lõñ lõl ko. Ro nejin Anij renaj jokwe ie.

Moses 1:24–25, 29–33, 38

Moses ear katak kin jerbal an Anij. Anij ear jibañ armij ro bwe ren maroñ jokwe iben indreo. Ej jerbal ñõn jibañ armij bwe ren einwõt e. Buk in Moses ej bareinwõt jiroñ kin Dri Kanan Enoch im jikin kwelok in Zion.

Moses 1:39; 2–8

Buk in Abraham

Mõttan eo kein karuo ilo Bõõr eo Elap Wõnãn ej Buk in Abraham. Juõn ran ilo Julae 1835, juõn eman etan eman. Chandler ear itok ñõn Kirtland. Chandler ear kwalok jet armij in etto ro rar mij ilo Ijipt. Ñe armij rej mij ilo Ijipt enbwinier rej limi ilo nuknuk. Etan kain enbwin rõt in mummies.

Jet lemlem in pepa ko relukkun mor rej bed iben enbwin kein. Jet jeje ko rekabwilõñlõñ rej bed ilo pepa kein. Eman Chandler ekar kabukõt ro remaroñ konono jeje kein. Ekar roñjake ke Joseph Smith emaroñ ukõte jeje kein.

Joseph ear lale jeje ko ion pepa eo. Emaroñ konono jeje ko. Ear jiroñ Chandler ta eo ej ba. Jet ian Armij Ro Rekwojarjar in ro rar bõktok lemlem in pepa eo jen iben Chandler.

Joseph ear ukõte jeje ko ion pepa eo. Oliver Cowdery im William Phelps rar jei ta ko Joseph ear ukõte.

Jeje ko rar kõmõn in dri kanan eo elap Abraham. Abraham ear jokwe ilo Ijipt moktalok. Jisõs ear konono iben Abraham.

Jisõs ear jiroñ Abraham kin mour eo ad mokta jen ad itok ñõn lõl in. Jisõs ear ba ear kõmõnmõn lõl in. E ear kõmõn al, allõn, im iju ko. E ear kõmõn menin edrõk, menin mour, im armij.

Abraham 3–4

Abraham ear jeje kin gospel eo An Jisõs Kraist. Buk in Abraham ej jiban kij melele kin dri kanan ro im priesthood eo.

Abraham 1:31

Jeje ko eo an Joseph Smith

Mõttan eo kein kajilu ilo Bõõr eo Elap Wõnan ekar jeje in Joseph Smith. Ilo Joseph Smith—History, Joseph ear kwalok kin visõn eo moktata. Ear kwalok ekõjkan an bõk pileij gold ko. Joseph ear melele bareinwõt ekõjkan an enjel eo jen lõñ lelok ñone im Oliver Cowdery priesthood eo. Iben Joseph Smith—Madiu, Joseph ear kajimwe mõttan Baibõl eo.

Mõttan eo kein kemen ilo Bõõr eo Elap Wõnãn ej kin Lajrak in Tõmak ko. Juõn ran juõn eman ear itok in lo Joseph Smith. Lein ear je juõn buk. Ear kõnan bwe jet men ko kin Kabuñ in ren bed ilo buk eo an. Ear kajitõk iben Joseph Smith bwe en jiroñ e ekijkan an Kabuñ in kar ijino.

Joseph Smith ear jeje kin jinoin Kabuñ in. Ear ba ta eo armij ro ilo Kabuñ in rej tõmake. Anij ear jibañ Joseph Smith bwe en jelã ta ko ej jeje kaki. Joseph ear jeje joñoul jilu men ko ewõr tokjeir. Ear na etaeir Lajrak in Tõmak ko.

Ilo 1 Maaj 1842, Lajrak in Tõmak ko rar jeje ilo nujpepa eo an Kabuñ in. Armij Ro Rekwojarjar in ro rar konono Lajrak in Tõmak ko. Rar tõmak men ko Joseph ear jei.

Lajrak in Tõmak ko

Joseph Smith

Kimij tõmak ilo Anij, Eo ej Jemed Indreo, im ilo Nejin, Jisõs Kraist, im ilo Jitõb Kwojarjar.

Kimij tõmak bwe kajojo armij enaj kaje kin bwir ko air make, im jab kin jab bokake eo an Adam.

Kimij tõmak bwe kin Eñtan eo an Kraist, aolep armij renaj bõk lomor, kin bokake kien ko im katak ko ilo Gospel eo.

Kimij tõmak bwe bedbed ko im kaeñ ko moktata ilo Gospel in rej: kein kajuõn, Tõmak ilo Iroij Jisõs Kraist; kein karuo, Ukwelok; kein kajilu, Baptais im tulok bwe en karreoik kij jen jerawiwi ko ad; kein kemen, Likit pã ko ion bar ñõn bõk men in letok eo an Jitõb Kwojarjar.

Kimij tõmak bwe juõn armij ej aikuij kir jen Anij, kin kanan, im kin likit pã ko ion jen ro ewõr maroñ ibeir, non kwalok Gospel eo im komõni jerbal in kaiñ ko ie.

Kimij tõmak ilo ejja lajrak in karok eo an kar Kabuñ in Mokta, er rein: dri jilik ro, dri kanan ro, pastor ro, dri kaki ro, evanjel ro, im ko jet.

Kimij tõmak ilo men in letok an lo ko, kanan ko, revelesõn ko, visõn ko, kemour, jelã kin kajiñ ko, im ko jet.

Kimij tõmak bwe Baibõl ej nan ko an Anij elañe ejimwe ukõte; kimij bareinwõt tõmak bwe Buk in Mormon ej bar nan ko an Anij.

Kimij tõmak ilo aolep men ko Anij ear kwaloki mokta, im bareinwõt aolep men ko ej kwaloki kio, im kimij tõmak bwe enaj bar kwalok elõñ men ko relap im lap tokjeir ñõn Ailiñ in Kiñ eo an Anij.

Kimij tõmak bwe naj bar kakobaiki ro bwijin Israel im ilo jeblak tok eo an Bwij Ko Joñoul; im bwe Zion (Jerusalem eo ekãl) enaj jutak ilo Amedka; im bwe Kraist enaj Kiñ ion lõl in; im, bwe lõl in enaj bar karreoik im enaj bõk aibuijbuij eo an paradise.

Kimij kwalok bwe ewõr am jimwe in kabuñ ñõn Anij Ekajur Bõtata ekar ñõn karok im kõnan ko am make, im bareinwõt aolep armij ewõr air jimwe in kabuñ ilo jabdrewõt wewein, jikin, ak jabdrewõt ta eo remaroñ kabuñ ñõn e.

Kimij tõmak ilo tel an kiñ ro, president ro, dri tel ro, im komja ro, ilo bokake, kautiej, im lori kien ko.

Kimij tõmak ilo jetjet, mol, joij, ainemõn meanwõr, ettã buru, im kõmõn emõn ñõn aolep armij, ilo mol, kim maroñ ba bwe kimij anek wõt katak ko an Paul—Kimij tõmak ilo aolep men, kimij kõjatdrikdrik ilo aolep men, kim ar drebloki elõñ men ko, im kimij kõjatdrikdrik bwe kim naj maroñ driblok aolep men. Elañe ewõr men ko rejimwe rekamõnõnõ, remõn ilo ba kaki, ak men ko remõn, men kein kimij bukõti.