“Jepta 18: Kien ko an Kabuñ in: 4 Pepwõde 1831,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 67–69
“Jepta 18,” Bwebwenato Ko Jen Katak im Kalimur Ko [DOCTRINE AND COVENANTS STORIES], 67–69
Jepta 18
Kien ko an Kabuñ in
(4 Pepwõde 1831)
Ilo Kirtland Iroij ear lelok juõn revelesõn elap tokjen ñõn Joseph Smith. Eo na etan kien ko an Kabuñ.
D&C 42: Kemlele eo mokta
Iroij ear ba aolep Armij Ro Rekwojarjar in rej aikuij katakin gospel eo ñõn aolep armij. Aolep man ro rej etal in mijen dri tel ro an priesthood eo aikuij kar kõmalim ir. Rej aikuij kar bõk mãlim jen dri tel ro an Kabuñ in bareinwõt.
D&C 42: Kemlele eo mokta, D&C 42:7, 11
Ruo mijinede rej aikuij jerbal iben dron. Rej aikuij katakin jen Baibõl im Buk in Mormon. Rej aikuij jar bwe Jitõb Kwojarjar en bed ibeir. Jitõb Kwojarjar enaj jirõñ ir ta eo ren katakin.
Mijinede ro rej aikuij baptaisi armij ro rej tõmak gospel eo.
Iroij ear ba ro uwan Kabuñ eo rej aikuij bokake Kien ko Joñoul. Rej jab aikuij uror. Rej jab aikuij ba men ko renana nae ro jet. Rej jab aikuij kõmõni men ko renana.
Armij Ro Rekwojarjar rej aikuij lelok ta ko ewõr ibeir ñõn ro jet. Lelok ñõn ro jet ej einwõt lelok ñõn Jisõs.
Jisõs ear lelok ñõn Armij Ro Rekwojarjar bar jet kien. Ejelok Armij Ro Rekwojarjar en lõmnak bwe emõnlok jen armij ro jet. Armij Ro Rekwojarjar rej aikuij erreo. Rej aikuij lukkun kate ir jerbal.
Armij Ro Rekwojarjar rej aikuij kejbarok uwan ro im rej nañinmij. Eman ro ewõr priesthood ibeir rej aikuij kõjerammõn uwan ro rej nañinmij. Uwan ro re nañinmij im rej tõmak remaroñ mour. Rej jab maroñ mij elañe ejab ien ñõn air mij.
Armij Ro Rekwojarjar im rejimwe rejab mijak in mij. Mij ejab menin bwilõñ ñõn armij ro rejimwe.
Jisõs enaj lelok elõñ revelesõn ñõn uwan ro Kabuñ rejimwe. E enaj katakin ir elõñ men ko. Renaj jelã ekijkan lukkun mõnõnõ. Iroij ear jiroñ Armij Ro Rekwojarjar ñõn bokake kien Kabuñ eo.