Jepta 51: Droulul eo an Kõrã ro Rej Jibañ [Relief Society]: Maaj 1842

“Jepta 51: Droulul eo an Kõrã ro Rej Jibañ [Relief Society]: Maaj 1842,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 186–89

“Jepta 51,” Bwebwenato Ko Jen Katak im Kalimur Ko [DOCTRINE AND COVENANTS STORIES], 186–89

Jepta 51

Droulul eo an Kõrã ro Rej Jibañ [Relief Society]

(Maaj 1842)

Saints building temple in Nauvoo — Armij Ro Rekwojarjar eo rar kalek tempel eo ilo Nauvoo. Nuknuk ko an eman ro rar jorren. Kõrã ro rar jibañ ir. Juõnx ian kõrã ro ear ba enaj kõmõn nuknuk ñõn eman ro. Ak ejelok an jããn ñõn wia nuknuk.

women gathering — Sarah M. Kimball ear ba enaj lelok jet nuknuk ñõn kõrã ro. Sister Kimball ear kajitikin kõrã ro jet ñõn jibañ. Kõrã ro rar kõmõn air kwelok ilo imweo imõn Sister Kimball. Rar bebe bwe en wõr droulul an kõrã ilo Kabuñ in.

Eliza R. Snow greeting Joseph — Kõrã ro rar kajitõk iben Eliza R. Snow bwe en je jet kien ñõn droulul eo an kõrã. Ear bõklok kien ko ñõn Joseph Smith. Joseph Smith ear ba kien ko relukkun emõn. Ak ear ba Iroij ewõr bebe ko remõnlok iben ñõn kõrã ro.

Relief Society being organized — Joseph Smith ear kajitikin kõrã ro bwe ren itok ñõn juõn kwelok ilo Maaj 17, 1842. Ear ba ro ewõr air priesthood im rej dri tel renaj jibañ droulul eo. Ear wõr 18 kõrã ilo kwelok eo. Emma Smith rar kalete bwe en dri tel an kõrã ro. Rar naetan Droulul eo ej Droulul an Kõrã Ro Rej Jibañ.

Joseph speaking to Relief Society — Joseph Smith ear jiroñ kõrã ro bwe ren jibañ ro renañinmij im jeramõl. Rej aikuij lelok ñõn armij jabdrewõt jibañ elañe rej aikuij. Bisop eo enaj jibañ kõrã ro bwe ren jelã ta eo rej kõmõne.

women meeting together — Kõrã ro rar kwelok bwe ren katak men ko rej aikuij jelã. Rar lukkun mõnõnõ ñõn jibañ ro uwan kabuñ in.

women making clothes — Kõrã ro rar kõmõn men ko ñõn tempel eo. Rar kõmõn nuknuk ñõn eman ro rar kaleke tempel eo.

women taking food to those in need — Kõrã ro rar bõklok mõñã ñõn armij ro rej aikuij. Rar lale ro rej nañinmij. Rar kõmõn elõñ men ko ñõn jibañ Armij Ro Rekwojarjar in.

women serving in Relief Society — Kõrã ro ilo Kabuñ in remaroñ bed ilo Droulul eo an Kõrã Ro Rej Jibañ. Rej jibañ armij. Rej katak kin gospel eo. Rej katak kin armij ro ijoko jet. Rej katak kin buk ko remõn, al, im bija. Rej katak ekõjkan air maroñ kõmõn bwe imõko imweir ren emõnlok.