Bwebwenato ko an Jeje ko Rekwojarjar

Jepta 40: Visõn ro ilo Tempel eo ilo Kirtland: Eprõl 1836

“Jepta 40: Visõn ro ilo Tempel eo ilo Kirtland: Eprõl 1836,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 155–57

“Jepta 40,” Bwebwenato Ko Jen Katak im Kalimur Ko [DOCTRINE AND COVENANTS STORIES], 155–57

Jepta 40

Visõn ro ilo Tempel eo ilo Kirtland

(Eprõl 1836)

Apostles blessing sacrament — Juõn elikin realep in Jabõt, Armij Ro Rekwojarjar in rar komõne juõn kwelok ilo tempel eo ilo Kirtland. Dri Jilik ro rar kõjerammõn kwojkwoj eo. Joseph Smith in dri kõkabilõklõk ro an rar leto-letak kwojkwoj eo ñõn Armij Ro Rekwojarjar in.

Jesus appearing to Joseph and Oliver — Inem Joseph Smith im Oliver Cowdery rar letal ñõn juõn jikin im mokelokiair ilo tempel eo. Rekar bukwelolo im rar jar. Elikin air jar, juõn men eaibuijuij ear walok. Rar lo Iroij Jisõs Kraist. Mejen ear romak, einwõt kijeek. Kolan boran rar mouj einwõt sno. Turin mejen ear maramlok jen al.

Jesus accepting the temple — Jisõs ear jiroñ Joseph im Oliver elõn men ko rekabwilõnlõn. Ear ba ej air Dri Lomor. Ear mij kin ir. Emwij an jerkakbiji. Jisõs ear ba armij ro renaj ekkal tempel renaj mõnõnõ. Jisõs ear ba elap an mõnõnõ kin tempel eo. Ear mweo imõn ekwojarjar. Jisõs ear ba enaj in itok ñõn tempel eo elõn alen. Enaj konono iben Armij Ro Rekwojarjar in. Ak elañe Armij Ro Rekwojarjar in rejab kejbarok bwe tempel eo en kwojarjar, ejamin itok.

Moses appearing to Joseph and Oliver — Inem Joseph im Oliver rar lo juõn enjel ilo Tempel eo ilo Kirtland. Mokta rar lo Moses. Moses ekar juõn dri kanan eo ear mour ien ko etto. Ear tel ro nejin Israel im kadiwojlok ir jen Ijipt. Bwenbwenato im Moses ej bed ilo Kalimur eo Mokta in Bõõr eo elap Wõnen [Pearl of Great Price]. Moses ear lelok juõn kajur in priesthood eo ejenolok ñõn Joseph im Oliver. Inem remaroñ jibañ ro nejin Israel itok iben dron tok jen aolepen mõttan ko ilo lõl in.

Elias appearing to Joseph and Oliver — Tokelik, Joseph im Oliver rar lo Elias. Elias ear bõktok kajur in priesthood eo an Abraham ñõn Kabuñ in An Jisõs Kraist. Abraham ear mour ien ko etto. Anij ear kõjerammõn Abraham. E ear lelok juõn kajur in priesthood eo ejenolok. Bamle eo an Abraham ien otemjej ewõr air priesthood. Uwan ro Kabuñ rejimwe rar erom mõttan bamle eo an Abraham.

Elijah appearing to Joseph and Oliver — Inem Joseph im Oliver rar lo Elijah. Elijah ear juõñ dri kanan ilo ran ko etto. Elijah ear ba armij ro raikuij katak kin dritto ro air. Armij ro raikuij jerbal kin dritto ro air ilo tempel. Elijah ekar lelok kajur eo an priesthood ñõn Joseph im Oliver. Kajur eo an priesthood ej jibañ bamle ko rej mour jimwe. Remaroñ liabe iben dron. Inem remaroñ mour iben dron ñõn indreo.