“Jepta 27: Jerbal eo an Dri Kanan Joseph Smith: Maaj 1832,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 104–7
“Jepta 27,” Bwebwenato Ko Jen Katak im Kalimur Ko [DOCTRINE AND COVENANTS STORIES], 104–7
Jepta 27
Jerbal eo an Dri Kanan Joseph Smith
(Maaj 1832)
Jisõs ear jiroñ Joseph bwe en konono jen Baibõl. Armij rar ukõt jet nan ko ilo Baibõl. Jisõs ear jiroñ Joseph nan ko rejimwe bwe ren bed ilo Baibõl. Sidney Rigdon ear jibañ Joseph jei nan ko Jisõs ekõnan bwe ren bed ilo Baibõl.
Joseph Smith ear jab melele jet mõttan ilo Baibõl. Ear kajitõk iben Anij jet kajitõk. Iroij Jisõs Kraist ear uak kajitõk ko. Joseph ear jei uak ko ñõn an Armij Ro Rekwojarjar riiti.
Jisõs ear mõnõnõ kin jerbal eo an Joseph. Joseph ear juõn dri kanan elap. Ak Setan ear jab mõnõnõ. Setan ekõnan kabojrak jerbal eo an Joseph. Setan ekõnan bwe armij ren illu iben Joseph.
Juõn boñ, juõn kumi in armij ro renana rar illu im ilok ñõn imõn Joseph. Rar rube im kõbellok kejem eo. Rar dreloñ iloan. Joseph ear jibwe juõn ian niñniñ rein. Niñniñ eo ear lukkun nañinmij.
Dri nana ro rar jibwe Joseph. Niñniñ eo ear bed make ian. Tokelik niñniñ eo ear mij. Eman ro rar kanõke nabõjlok Joseph ilo juõn boñen emolo. Eman ro rar kõlotlok Joseph.
Jet eman rar kõnan kakkure Joseph. Jet eman rar kõnan mõne. Rar kajeoñ in lutoke baijin eo na ilo kabin buruõn. Rar kakkure juõn ian ñi ko ñiin. Baijin eo ear tile e.
Eman ro rar kekele nuknuk ko an im likit bwil ion. Rar kalibubuki e kin kolan bao. Kolan bao ko rar eddeb na ion bwil eo.
Inem kumi in armij ro renana rar jeblak. Rar lõmnak bwe Joseph enaj kar mij. Joseph ear kajeoñ in jutak. Ear jab maroñ. Ear kakõje iumin jidrik ien. Inem ear tõbalbal lok ñõn mweo.
Armij ro jeran Joseph rar kareoiki bwil eo jen enbwinin. Elukkun bin an bwil eo jako. Enbwinin ear bwil im kinejnej. Ear metak.
Joseph Smith ear jab kõtlok bwe armij ro renana ren kabõjrak jerbal eo an. Ran eo tok juõn ear ran in Sunday. Joseph ear etal im jar. Jet eman ilo kumi in armij ro renana rar itok im jar. Rar ilbõk ke rej lo Joseph. Joseph ear dri konono eo ilo ien jar eo. Setan ear jab maroñ kabõjrak jerbal eo an Dri Kanan eo.