“Jepta 55: Elõñlok Jorren Ñõn Armij Ro Rekwojarjar in: 1843–1844,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 199–200
“Jepta 55,” Bwebwenato Ko Jen Katak im Kalimur Ko [DOCTRINE AND COVENANTS STORIES], 199–200
Jepta 55
Elõñlok Jorren Ñõn Armij Ro Rekwojarjar in
(1843–1844)
Elõñ wõt armij iturin Nauvoo rejab ro uwan Kabuñ in. Elõñ iair rejab kõnan Armij Ro Rekwojarjar in. Rejab kõnan bwe Armij Ro Rekwojarjar in ren dri tel ilo jikin eo. Rej kõmõn jorren ñõn ro uwan Kabuñ in.
Armij ro rej ikiteltel iben dron. Rej kwoti menin mour ko an Armij Ro Rekwojarjar in. Rej tile imõn menin mour ko im imõko. Rej kajeoñ in ubakelok im kõmakit Armij Ro Rekwojarjar in jen Nauvoo. Bilijmen ro im dri tarinae ro rejab maroñ kabõjrak ikiteltel in jarlebju eo. Kabna eo ear jab jibañ Armij Ro Rekwojarjar in.
Joseph Smith ear ba ñõn Armij Ro Rekwojarjar in ro ilo Nauvoo bwe enaj walok jorren ñõn ir. Men ko Joseph Smith ear ba rej mol. Joseph ear jelã ke Armij Ro Rekwojarjar in renaj emakit jen Nauvoo. Renaj etal ñõn juõn jikin ijo ejelok en enaj kabnõnõik ir.
Joseph Smith ear kõmõn an kwelok iben Dri Jilik ro im bar jet eman. Ear ba ñõn ir bwe ren bukõt juõn jikin ñõn an Armij Ro Rekwojarjar in etal im jokwe ie.
Joseph Smith ear lale map ko eo ailiñ Map ko ej kwalõk juõn jikin ijo me elõn tol ko reutiej im komlõl ko redrebakbak. Dri India ro rej jokwe ijo. Joseph ear jelã bwe ijin enaj emõn ñõn Armij Ro Rekwojarjar in. Jarlebju ro rejab maroñ kakkure ir. Joseph ear kõjatdrikdrik bwe Armij Ro Rekwojarjar in remaroñ etal ñõn ijo.
Armij ro jet ilo Nauvoo rej Armij Ro Rekwojarjar in. Ak rejab tõmak ilo gospel eo tokelik. Rej drike Joseph Smith. Rej kõnan mõne. Rej bar jino juõn nujpepa. Rej jeje men ko renana kin Joseph Smith im Armij Ro Rekwojarjar in.
Dri tel ro ilo Nauvoo rar lukkun illu kin nujpepa eo. Jet iair rar etal ñõn imõn nujpepa eo. Rar tile imõn nujpepa eo. Rar kakkure kein jeje nuj eo. Nujpepa eo ejab maroñ in bar jerbal.