“Jepta 53: Anij im Enjel ro: Pepwõde–Eprõl 1843,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 194–97
“Jepta 53,” Bwebwenato Ko Jen Katak im Kalimur Ko [DOCTRINE AND COVENANTS STORIES], 194–97
Jepta 53
Anij im Enjel ro
(Pepwõde–Eprõl 1843)
Juõn ran juõn eman ear itok ñõn iben Joseph Smith. Eman eo ear ba ear lo juõn enjel. Ear ba ñõn Joseph Smith ekõjkan nuknuk eo an enjel eo. Joseph Smith ear ba leo ear bwir. Ear ba enjel ejab ekõnak nuknuk rot eo armij rej ekõnak.
Eman eo ear lukkun illu. Ear ba enaj itok kõjek jen lañ im tile Dri Kanan eo im mweo imõn. Ak eman eo ejelok kajur in Anij iben. Ejelok kõjek ear itok jen lañ.
Jisõs ear lelok ñõn Joseph Smith juõn revelesõn kin enjel ro. Jisõs ear ba enjel ro rej armij ro rekar mour ion lõl in. Rar mij im kar jerkakbiji. Ewõr enbwinier kanniek im di ko. Kiõ rej jokwe iben Anij.
Jisõs ear ba Setan ej kajeoñ in mõne armij. Jet ien ej kõmõn bwe armij ren lõmnak ej juõn enjel. Ej kajeoñ bwe armij ren kõmõni men ko renana. Ak armij ro rejimwe remaroñ jelã elañe Setan ej kajeoñ in mõne ir.
Tokelik, Joseph Smith ear jiroñ armij ro kin jet bar men ko kin lañ. Armij ro rejimwe ion lõl in renaj jokwe ilo lañ iben Jisõs Kraist. Ilo lañ renaj jelã aolep men ko rar ekatak ion lõl in.
Joseph Smith ear ba aolep kien ko an Anij rar kõmõn ilo lañ mokta jen ad itok ñõn lõl in. Ewõr jerammõn ko rej ekkejel lok iben kajojo kien. Jej aikuij bokake kien ko bwe jen maroñ jerammõn.
Joseph Smith ear jiroñlok Armij Ro Rekwojarjar in kin Jisõs Kraist im Jemedwij Ilañ. Jisõs ej einwõt juõn eman. Ekar jokwe ion lõl. Ekar mij im ekar jerkakbiji. Ewõr enbwinin kanniek im di.
Jemedwij Ilañ ewõr kanniekin im diin. Ej jokwe ilo juõn jikin eaibuijuij, im maram.
D&C 130:7, 22; Abraham 3:4
Joseph Smith ear bareinwõt ba bwe Jitõb Kwojarjar ej juõn jitõb. Jitõb Kwojarjar ejelok enbwinin kanniek im di.