“Jepta 21: Dri Kanan eo Ej Ilok Ñõn Missouri: Mãe–Juun 1831,” Bwebwenato Ko Jen Katak im Kalimur Ko [DOCTRINE AND COVENANTS STORIES] (2002), 81–83
“Jepta 21,” Bwebwenato Ko Jen Katak im Kalimur Ko [DOCTRINE AND COVENANTS STORIES], 81–83
Jepta 21
Dri Kanan eo Ej Ilok Ñõn Missouri
(Mãe–Juun 1831)
Elõñ ian Armij Ro Rekwojarjar in rar jokwe im bed wõt ilo New York. Joseph Smith im Sidney Rigdon rej bed ilo Kirtland, Ohio. Joseph ear jiroñ Armij Ro Rekwojarjar in ilo New York bwe ren itok ñõn Ohio. Rar bokake Dri Kanan eo. Rar ilok ñõn Ohio.
Jisõs ear jiroñ Joseph bwe Armij Ro Rekwojarjar in ilo Kirtland rej aikuij ajeje ijoko jikier iben Armij Ro Rekwojarjar in ilo New York. Leman Copley elap an lap jikin. Ear kalimur ñõn ajeje. Armij Ro Rekwojarjar in jen New York rar emakitlok ñõn jikin ko.
Leman Copley ear jab kejbarok kalimur eo an. Ear jab kõnan bwe Armij Ro Rekwojarjar in jen New York ren bõk ijo jikin. Reaikuij in emakit. Ejelok jikin air jokwe.
Newell Knight ear dri tel eo air. Ear jelã ta eo en kõmõne. Ear ilok iben Dri Kanan eo Joseph. Ear kajitõk iben Joseph ta eo Armij Ro Rekwojarjar in renaj kõmõne.
Iroij ear jiroñ Joseph bwe Armij Ro Rekwojarjar in jen New York rej aikuij emakit ñõn Missouri kiõ wõt.
Mokta jen air emakit, Armij Ro Rekwojarjar in rar kwelok ilo Kirtland. Aeitokan kwelok eo ej jilu ran. Iroij ear lelok jet revelesõn ko elap tokjeir ñõn Joseph Smith.
Iroij ear jiroñ Joseph bwe en kabit pris ro reutiej moktata an Kabuñ in. Pris ro reutiej ewõr ibeir Priesthood eo an Melkisedek. Rej dri tel ro ilo Kabuñ in. Elõñ dri tel ro ilo Kabuñ in rar ekabit ñõn pris ro reutiej.
Iroij ear ba jet ian eman rein rej aikuij ilok in mijen ilo Missouri. Rej aikuij kwalok gospel ilo ial eo air. Ke kwelok eo ear jemlok, mijinede ro rar ilok ñõn Missouri.
Iroij ear jiroñ Joseph bwe kwelok eo tokelik enaj bed ilo Jackson County, Missouri. Iroij ear jiroñ Joseph im ro jeran bwe ren ilok ñõn Missouri. Zion enaj ekkal ilo Jackson County. Jisõs enaj kwalok ñõn ir ia eo renaj kalek jikin kwelok Zion ie.