Detalye manipud iti Ni Cristo ken ti Nabaknang nga Agtutubo nga Agturay, ni Heinrich Hofmann

Hulio 21–27, No “Adu ti Maited Adu Met ti Kasapulan”

Doktrina ken Katulagan 81–83

Idi Marso 1832, tinudingan ti Apo ni Jesse Gause nga agbalin a mamagbaga ni Joseph Smith iti Panguluen ti Nangato a Kinasaserdote (nga itan maaw-awagan iti Umuna a Panguluen). TiDoktrina ken Katulagan 81 ket maysa a paltiing ken ni Brother Gause maipapan iti baro a calling-na. Ngem saan a nagserbi ni Jesse Gause a sipupudno, isu a naawagan ni Frederick G. Williams tapno mangsukat kenkuana. Ti nagan ni Brother Williams ti nangsukat iti nagan ni Brother Gause iti paltiing.

Mabalin a kasla maysa nga awan kaes-eskanna dayta, ngem iparangarangna ti maysa a napateg a kinapudno: kaaduan a maiturong dagiti paltiing iti Doktrina ken Katulagan iti maitudo a tattao, ngem kanayon a mabalintayo ti agsapul kadagiti wagas a pangyaplikarantayo kadagitoy iti bagbagitayo (kitaen iti 1 Nephi 19:23). No basaentayo ti balakad ti Apo ken ni Frederick G. Williams a “patibkerem dagiti nalupoy a tumeng,” mapanunottayo dagiti tao a mabalintayo a patibkeren (Doktrina ken Katulagan 81:5). No basaentayo ti awis ti Apo kadagiti miembro ti United Firm a “pagkakappengenyo ti bagbagiyo iti daytoy a katulagan,” mapanunottayo ti bukodtayo a katulagan. Ket mabasatayo ti karina, “Aramidek no agtungpalkayo iti sawek,” a kasla makisasao kadatayo (Doktrina ken Katulagan 82:10, 15). Maaramidtayo daytoy gapu ta, kas impakdaar ti Apo, “Ania man ti sawek iti maysa sawek iti amin” (bersikulo 5).

Kitaen iti “Newel K. Whitney and the United Firm,” “Jesse Gause: Counselor to the Prophet,” iti Revelations in Context, 142–47, 155–57.

Dagiti Kapanunotan iti Panagsursuro iti Pagtaengan ken iti Simbaan

Doktrina ken Katulagan 81:4–5; 82:18–19

“Aramidemto ti kasayaatan kadagiti padam a nabiag.”

Iti sumagmamano a binatog iti Doktrina ken Katulagan 81–83, awisennatayo ti Apo a mangtulong kadagiti tao nga agkasapulan iti aglawlawtayo. Ibilangyo ti panangmarka kadagiti binatog no masarakanyo ida. Adda ti maysa kadagiti kangrunaan a makailadawan a pagarigan iti Doktrina ken Katulagan 81:4–5. Dagitoy dagiti sumagmamano a saludsod a makatulong kenka a mangutob kadagitoy a bersikulo:

• Ania dagiti sumagmamano a wagas pakapagbalinan ti maysa a tao a “nakapsut”? Ania ti kayat a sawen ti “saranayem” ida? Kaano a nakatulong kaniak no nakapsutak ti panagserbi iti dadduma a kas ken ni Cristo?

• Ania ti makaigapu kadagiti ima ti maysa a tao a maipasimudaag a “maidasay”? Kasano a mabalinko nga “itag-ay”dagita nga ima?

• Ania ti mabalin a kaipapanan ti “nalupoy a tumeng”? Kasano a napapigsada?

Kasano nga aramiden ti Mangisalakan dagitoy a banag para kadakayo?

Nalabit a ti panagadal iti daytoy a bersikulo ti mangipalagip kadakayo ti maysa a tao a mabalinyo a “saranayen,” “itag-ay,” wenno “patibkeren.” Anianto ti aramidenyo tapno makapagserbikayo iti dayta a tao?

Ania pay ti masursuroyo maipapan iti panangserbi iti dadduma iti Doktrina ken Katulagan 82:18-19? Mabalinyo pay a buyaen ti video a “Teachings of Thomas S. Monson: Rescuing Those in Need” (Gospel Library). Kasano nga impagwadan dagiti miembro iti ward ni Bishop Monson no ania ti isuro dagitoy a bersikulo?

Teachings of Thomas S. Monson: Rescuing Those in Need

Bishop Thomas Monson and his ward welcome a poor German family into their community, providing them with housing, warmth, and food for Christmas.

Kitaen met iti Jacob 2:17–19; Mosiah 18:8–9; “Works of God” (video), ChurchofJesusChrist.org.

Works of God

Two families share how they have seen the works of God made manifest in their lives as ward members reach out in love and understanding.

Carl Heinrich Bloch (1834–1890), Ni Cristo a Mangag-agas iti Masakit iti Betesda, 1883, oil on canvas, 100 ¾ x 125 ½ inches. Brigham Young University Museum of Art, nagatang kadagiti pondo nga impaay da Jack R. ken Mary Lois Wheatley, 2001.

Doktrina ken Katulagan 82:3

Adu ti inted kaniak ti Mangisakalan ken adu met idawatna a kasapulan kaniak.

Ti panangbasa iti daytoy a bersikulo ket mabalin a mangguyugoy kadakayo a mangrebyu iti no ania ti inted kadakayo ti Dios—dagiti agpada a pisikal ken naespirituan a bendision. Laglagipenyo daytoy bayat ti panangbasayo iti nabati pay a paset ti benneg 82. Ania ti mariknayo nga idawat a kasapulan ti Dios kadakayo?

Kitaen met iti “Because I Have Been Given Much,” Hymns, no. 219

Doktrina ken Katulagan 82:8–10

Dagiti bilin ti pammaneknek ti ayat ti Dios para kadatayo.

No nasdaawkayo wenno ti maysa a tao nga am-ammoyo no apay a mangted ti Apo iti nakaad-adu a bilin, ti Doktrina ken Katulagan 82:8–10 ti makatulong. Ania dagiti nalawag a pannakaawat ken pannakaammo kadagitoy a bersikulo ti makatulong kadakayo a mangilawlawag iti maysa a tao no apay a pilienyo a suroten dagiti bilin ti Apo? Ania ti mabalinyo nga idilig kadagiti bilin a mabalin a makatulong? Masarakanyo dagiti nayon a pannakaammo ken pannakaawat iti Doktrina ken Katulagan 1:37–38; 130:20–21 ken ti video “Blessed and Happy Are Those Who Keep the Commandments of God” (Gospel Library). Ania dagiti padas a nangisuro kadakayo a mangibilang kadagiti bilin kas bendision?

Blessed and Happy Are Those Who Keep the Commandments of God

Read Elder Keetch's full conference talk here: https://www.lds.org/general-conference/2015/10/blessed-and-happy-are-those-who-keep-the-commandments-of-god?lang=eng&_r=1

Panunotenyo ti sumagmamano kadagiti bilin nga inted ti Dios kadakayo. Ania ti insuro dagitoy a bilin kadakayo maipanggep Kenkuana ken iti pagayatanna? (kitaen iti bersikulo 8). Kasano a naapektuan ti biagyo iti panangtungpalyo kadagitoy a bilin?

Ania ti masursuroyo maipapan iti Apo manipud iti bersikulo 10? Ania ti panagkunayo a kayat a sawen ti Apo nga “ikari”? (kitaen met iti bersikulo 15).

Kasano nga impatungpal ti Apo dagiti karina iti biagyo? Ania ti mabalinyo nga isao iti maysa a tao a saan a makarikna a maguyugoy a mangtungpal kadagiti bilin gapu ta saanda a naawat dagiti bendision a ninamnamada? Adda kadi nakitayo nga ania man a makatulong a nalawag a pannakaammo ken pannakaawat iti mensahe ni Elder D. Todd Christofferson nga “Our Relationship with God”? (Liahona, Mayo 2022, 78–80).

Kitaen met iti Topics and Questions, “Commandments,” Gospel Library.

Doktrina ken Katulagan 82:10

Bendisionannatayo ti Apo kadagiti bukodna a datdatlag a wagas.

Insarita ni Sister Virginia H. Pearce, sigud a miembro ti Young Women General Presidency, maipapan iti maysa a babai a nagdanag maipapan kadagiti annakna a nagar-aramid iti saan a nalinteg a pili. Iti dandani butengna, pinadasna ti amin a banag a mapanunotna nga agkiddaw kadagiti bendision ti Apo nga agpaay kadakuada. Malaksid iti napasnek a panagkararagna, nangituding iti panggep a tun-oyen a mangnayon pay iti panawenna a dumar-ay iti templo ken nariknana a sigurado a dayawen ti Apo daytoy napateg a sakripisio babaen ti panamagbalbaliwna iti puspuso dagiti annakna. Impadamag ti babai:

“Kalpasan ti sangapulo a tawen a panangtedko iti ad-adu pay a panawen nga idadar-ay iti templo ken kanayon a panagkararag, ladingitek nga ibaga a saan a nagbalbaliw dagiti pili dagiti annakko. …

“Ngem nagbalbaliwak. Naidumdumaak a babai. … Addaanak iti nalukneng a puso. Napnuanak iti panangngaasi. Pudno nga ad-adu ti maaramidak ken awananak iti panagbuteng, panagdanag, pannakabasol, pammabasol, ken panagamak. Insukokon dagiti limitisasion ti orasko ket kabaelak ti aguray iti Apo. Ken masansan a mapadasak dagiti parangarang ti pannakabalin ti Apo. Ipatulodna dagiti nadungngo nga asi, babassit a mensahe a mangbigbig iti panagayatna kaniak ken kadagiti annakko. Nagbalbaliwen dagiti namnamaek. Imbes a panangnamnama iti panagbalbaliw dagiti annakko, namnamaek dagitoy masansan a nadungngo nga asi ken napnuanak iti panagyaman para kadakuada. …

“Binaliwak dagiti kararagko. Ad-adda nga impeksak ti ayatko ken ad-adda a nagyamanak. … Agtrabaho ti Apo iti nakaskasdaaw a wagas, ken sipupudno a napnuanak iti talna a daegenna ti amin a pannakaawat” (iti “Prayer: A Small and Simple Thing,” At the Pulpit [2017], 288–89).

Doktrina ken Katulagan 83

“Masaranayto dagiti balo ken ulila.”

Idi Abril 1832, kas imbilin ti Apo, nagdaliasat ni Joseph Smith iti dumani 800 a milia a sumarungkar kadagiti Santo a naguummong iti Missouri (kitaen itiDoktrina ken Katulagan 78:9). Bayat ti kaaddana sadiay, sinarungkaranna ti maysa a komunidad a nairaman dagiti sumagmamano a balo nga agmaymaysa nga agpatpatanor kadagiti annakda. Maibilang kadakuada da Phebe Peck ken Anna Rogers, a personal nga am-ammo ti Propeta. Iti Missouri idi 1830, nangted dagiti paglintegan ti estado kadagiti balo a babbai iti limitado a karbengan iti sanikua dagiti pimmusayen nga assawada. Ania ti masursuroyo manipud iti benneg 83 maipapan no kasano ti marikna ti Apo maipapan kadagiti balo ken ulila? Adda kadi maysa nga am-ammoyo iti kastoy a situasion a mairanud iti ayat ken pammategyo? Ania dagiti sumagmamano a wagas a mabalinyo nga ibinglay ti adda kadakayo kadagiti balo, ulila, agsolsolo nga inna, ken dadduma pay nga agkasapulan?

Kitaen met iti Isaias 1:17; Santiago 1:27.

Para iti ad-adu pay a kapanunotan, kitaen dagiti isyu ti magasin a Liahona ken Para iti Pigsa dagiti Agtutubo iti daytoy a bulan.

Dagiti Kapanunotan para iti Panangisuro kadagiti Ubbing

Doktrina ken Katulagan 81:3

Makapagkararagak iti Dios a “napigsa ken naimpusuan[nak].”

• Bayat ti panangbasayo iti Doktrina ken Katulagan 81:3 a kagiddan dagiti annakyo, tulonganyo ida a mangpanunot iti nadumaduma a lugar a “tallaong” ken “nalimed” a mabalin a pagkararaganda. Mabalinyo met ti dumngeg wenno makipagkanta kadakuada iti maysa a himno maipapan iti kararag, kas iti “Sweet Hour of Prayer” (Hymns, no. 144). Agbibinninglay iti maysa a banag manipud iti himno a mangisuro iti napateg a kinapudno maipapan iti kararag. Mabalinyo pay a pagsasaritaan maipapan iti panagsao a siraraem iti Nailangitan nga Ama.

• Tapno maparegta dagiti annakyo nga agkararag iti pusoda, mabalinyo nga ikkan ida kadagiti papel a sinanpuso ken awisen ida nga agdrowing wenno agsurat iti maysa a banag a kayatda nga ikararagan iti Nailangitan nga Ama. Paneknekan nga ammo ti Nailangitan nga Ama no ania ti pampanunoten ken marikriknatayo ket mangngegna dagiti kararagtayo uray no saantayo nga isao dagitoy iti napigsa. Mabalinyo nga ibinglay kadakuada ti maysa a padas idi nagkararagkayo a naimpusuan ket nangngegnakayo ti Nailangitan nga Ama.

Doktrina ken Katulagan 81:5

Kayat ni Jesucristo a tulongak dagiti tao nga agkasapulan.

• Kaduayo dagiti annakyo, agdrowingkayo kadagiti ladawan dagiti ima ken tumeng, ken kiddawen kadagiti annakyo a mangsapul kadagitoy a paset ti bagi iti Doctrine and Covenants 81:5. Ania ti dawdawaten ti Apo nga aramidentayo iti daytoy a bersikulo? Mabalinyo nga ibinglay iti tunggal maysa ti sumagmamano a wagas a pinatibkerdakayo dagiti tao idi nariknayo a “nakapuy” wenno “nakapsutkayo.” Mabalin a mangted ti video “Pass It On” (ChurchofJesusChrist.org) kadagiti annakyo kadagiti kapanunotan maipapan iti no kasano ti panagserbida kadagiti dadduma. Mabalinyo ti aggigiddan nga agkansion iti maysa a kanta maipapan iti panagserbi, kas iti “Have I Done Any Good?” (Hymns, no. 223). Ibilangyo ti panangtulong kadagiti annakyo nga agaramid iti plano a tumulong iti uray maysa laeng a tao nga agkasapulan iti daytoy a lawas.

  Pass It On

  Children around the world have taken President Thomas S. Monson's counsel to find a way to serve others.

• Mabalinyo nga usaren dagiti ladawan wenno video a mangisarita kadagiti simple nga estoria maipapan ken ni Jesucristo nga agserserbi kadagiti dadduma (kitaen kadagiti ladawan iti daytoy a balabala; Libro ti Arte ti Ebanghelio, nos. 41, 42, 46, 47, 55; wenno iti maysa kadagiti Bible Videos in Gospel Library). Kasano a masurottayo ti pagwadan ti Mangisalakan iti panangtulong kadagiti dadduma?

  

Makatulongtayo kadagiti tao nga agkasapulan kas iti inaramid iti Mangisalakan.

Tulonganyo dagiti annakyo nga umawat iti bukodda nga inspirasion. Ti panangisuro ket saan laeng a basta panangibinglay iti kinapudno—kaipapananna ti panangtulong kadagiti dadduma a tao nga agbalin nga agwaywayas nga agad-adal. Imbes a simple a panangibaga kadagiti annakyo no kasano a makapagserbida kadagiti dadduma, kas pagarigan, allukoyenyo ida nga agkiddaw iti pangiwanwan ti Apo tapno maammuan no asino ti mabalinda a tulongan.

Doktrina ken Katulagan 82:10

Ikari ti Nailangitan nga Ama dagiti bendision no ikarigatak ti agtungpal Kenkuana.

• Mabalinyo ken dagiti annakyo ti mangsapul iti Doktrina ken Katulagan 82:8–10 kadagiti sungbat iti saludsod nga “Apay nga ikkannatayo ti Nailangitan nga Ama kadagiti bilin?” Mabalin a kayatyo a tulongan dagiti annakyo a mangpanunot kadagiti pagarigan dagiti bilinna (kitaen, kas pagarigan iti, Exodo 20:4–17; Mateo 22:37–39; Doktrina ken Katulagan 89:5–17). Mabalin a makatulong no agsapul wenno agdrowingkayo ken dagiti annakyo kadagiti ladawan a mangibagi iti sumagmamano kadagitoy. Kasano nga ipakita ti Nailangitan nga Amana ti ayatna para kadatayo?

• Nalabit a ti simple nga ay-ayam ti makatulong kadagiti annakyo a mangibilang kadagiti bilin ti Dios kas bendision, saan a dadagsen. Mabalin a mangted ti maysa a tao kadagiti instruksion a tumulong iti sabali a tao, a nabedbed ti matana, nga agaramid iti maysa a banag a kas iti panagaramid iti sandwich wenno panagdrowing iti ladawan. Mangpanunot iti maysa a banag a naragsak ken managpartuat! Kalpasanna pagsasaritaan no kasano a mayarig dagiti bilin ti Dios kadagiti instruksion iti daytoy nga ay-ayam.

Para iti ad-adu pay a kapanunotan, kitaen iti isyu ti magasin a Friend iti daytoy a bulan.

Ladawan ni Jesus a mangag-agas iti maysa a lalaki, ni Dan Burr