Pagkamangan, ni Shaelynn Abel

Hulio 7–13: “Naindaklanto ti Gunggonada ken Agnanayonto ti Dayagda”

Doktrina ken Katulagan 76

“Anianto ti mapasamak kaniak kalpasan ti ipapatayko?” Dumani agdamag ti tunggal maysa iti daytoy a saludsod iti sumagmamano a kita wenno sabali pay. Iti adu a siglo, adu a kannawidan a Kristiano, nga agpampannuray kadagiti pannursuro ti Biblia ti nangisuro maipapan iti langit ken impierno, ti paraiso para kadagiti nalinteg ken panagrigrigat para kadagiti nadangkes. Ngem talaga kadi a kasta ti kinainget ti pannakabingay ti intero a pamilia ti tao? Idi Pebrero 1832, napanunot da Joseph Smith ken Sidney Rigdon no ad-adu pay ti masapul nga ammuen maipanggep iti dayta a pagsasaritaan (kitaen iti Doktrina ken Katulagan 76, paulo ti benneg).

Agpayso nga adda. Bayat ti panangutob da Joseph ken Sidney kadagitoy a banag, ti Apo “sinagid[na] dagiti mata ti panagawat[da] ket nalukatanda” (bersikulo 19). Nakaawatda iti maysa a paltiing a makailabeg unay, nakawadwada, nakarimrimat nga inawagan dagiti Santo daytoy iti “ti Parmata.” Linuktanna dagiti tawa ti langit ken inikkanna dagiti annak ti Dios iti maysa a managsukisok a pampanunot a makaimatang iti kinaagnanayon. Impalgak ti parmata a dakdakkel ken nalawlawa ti langit ken ad-adu ti masakupanna ngem iti sigud a panangipapan ti kaaduan a tattao. Naas-asi ken nalinlinteg ti Dios ngem iti matukodtayo. Ket addaan dagiti annak ti Dios iti agnanayon a pagtungpalan a nadaydayag ngem iti maarapaaptayo.

Kitaen iti Saints, 1:147–50; “The Vision,” iti Revelations in Context, 148–54.

Dagiti Kapanunotan iti Panagsursuro iti Pagtaengan ken iti Simbaan

Doktrina ken Katulagan 76

Umay ti pannakaisalakan babaen ken ni Jesucristo, ti Anak ti Dios.

Ti benneg 76 ipalgakna dagiti napapateg a kinapudno maipapan iti agnanayon a pagtungpalantayo, ngem saan a naan-anay nga isao a daytoy a paltiing ket maipapan kadagiti tallo a pagarian ti dayag wenno uray pay maipapan laeng iti plano ti pannakaisalakan. Naum-umisu, ti benneg 76 ket maipapan ken ni Jesucristo, a mamagbalin a posible ti plano ti Dios para iti pannakaisalakan ken agnanayon a dayagtayo. Bayat ti panagbasayo, mabalinyo ti mangsapul kadagiti balikas wenno ragup ti balikas a mangiladawan iti relasion ni Jesucristo ken dagiti tao nga agtawid kadagiti nadumaduma a pagarian dayag. Nalabit a daytoy a tsart, kas iti sumaganad, ket makatulong kadakayo a mangirekord no ania ti masarakanyo.

Pagarian ti dayag	Relasion ken ni Jesucristo	Dagiti agnanayon a bendision
Pagarian ti dayag Celestial (dagiti bersikulo 50–70, 92–96)	Relasion ken ni Jesucristo Immawat iti pammaneknek ni Jesus Nagaramid ken nagtungpal kadagiti katulagan Kenkuana	Dagiti agnanayon a bendision Nadalusan manipud iti basol Maparmek iti pammati
Pagarian ti dayag Terrestrial (dagiti bersikulo 71–79, 109–12)	Relasion ken ni Jesucristo	Dagiti agnanayon a bendision
Pagarian ti dayag Telestial (dagiti bersikulo 81–90, 98–106, 109–12)	Relasion ken ni Jesucristo	Dagiti agnanayon a bendision

Ania ti mariknayo a pakaparegtaanyo nga aramiden a mangpapigsa iti relasionyo iti Mangisalakan?

Idi nabasa ni Wilford Woodruff daytoy a parmata, kinunana, “Nariknak nga ad-adda nga ay-ayatek ti Apo ngem idi iti biagko” (kitaen iti “Voices of the Restoration: Testimonies of ‘the Vision’”). Ania ti masursuroyo maipapan ken Jesucristo manipud kadagiti bersikulo 1–5, 20–24, 39–43, 107–8 a pakaigapuan ti ad-adda a panagayatyo Kenkuana?

Kitaen met iti 1 Pedro 3:18–19; 4:6; Dallin H. Oaks, “What Has Our Savior Done for Us?,” Liahona, Mayo 2021, 75–77; “I Stand All Amazed,” Hymns, no. 193.

Agpokus iti Nailangitan nga Ama, ken ni Jesucristo, ken iti Doktrinada. Iti amin a masursurotayo kadagiti nasantuan a kasuratan, dagiti kapatgan a kinapudno ti tumulong kadatayo a mangpatibker iti pammati iti Nailangitan nga Ama ken ni Jesucristo, agbabawi, agaramid ken agtungpal kadagiti katulagan Kadakuada, ken umawat iti Espiritu Santo. Nupay mabalin a makaay-ayo nga idilig wenno amirisen dagiti kababalin wenno galad dagiti tao nga umawatto iti nadumaduma a pagarian ti dayag, napatpateg ti agpokus iti Nailangitan nga Ama ken ti Mangisalakan. Amin a banag nga aramidenda a mangisagana kadatayo para iti dayta a dayag ket mangiturongto kadatayo a Kadakuada.

Iti daytoy a siled, nakita ni Joseph Smith ti parmata a nairekord itan iti Doktrina ken Katulagan 76.

Doktrina ken Katulagan 2:1-76:5–10, 114–18

Maawatak ti pagayatan ti Dios” babaen ti bileg ti Espiritu Santo.”

Saan a nalaka nga inawat ti amin a miembro ti Simbaan ti paltiing iti benneg 76, gapu ta insuro daytoy a maisalakan ken umawatto ti dumani amin iti maysa a tukad ti dayag. Kas pagarigan, kinuna ti Brigham Young: “Kasta dagiti kannawidanko, nga idi damo nga umay kaniak ti Parmata, direkta daytoy a maisalungasing ken maisuppiat iti immuna nga adalko. Kinunak, Aguray bassit. Diak inawat daytoy; ngem diak maawatan daytoy.” Inlawlawagna a nasken nga “agpanunot ken agkararag, agbasa ken agpanunot, agingga a naammuak ken naan-anay a naawatak daytoy para iti bagik” (iti “The Vision,” Revelations in Context, 150). Ania ti masursuroyo manipud iti padasna a makatulong kadakayo idi ipalgak ti Dios dagiti banag a maigiddiat iti agdama a pannakaawatyo? Ania ti masursuroyo maipapan iti Dios iti Doktrina ken Katulagan 76:5–10, 114–18? Ania ti isuro dagitoy a bersikulo maipapan iti no kasano a maawatanyo “ti naimbag a panggep ti pagayatan ti [Dios]”? (bersikulo 7).

Doktrina ken Katulagan 76:39–44, 50–70

Ti pannakaitan-ok ti kangatuan a kita ti pannakaisalakan.

TiDoktrina ken Katulagan 76:39–44 ti mangiladawan iti pannakaisalakan iti sapasap. Dagiti bersikulo 50–70 ti mangiladawan iti pannakaitan-ok, maysa a masinunuo a kita ti pannakaisalakan. Kasano ti panangilawlawagyo iti pagdumaan ti pannakaitan-ok ken pannakaisalakan. Ania ti akem ti Mangisalakan kadagitoy a dua? Ania ti masarakanyo kadagitoy a bersikulo a mangparegta kadakayo nga agkalikagum iti pannakaitan-ok?

Kitaen met iti Juan 3:16–17; Doktrina ken Katulagan 132:20–25.

Doktrina ken Katulagan 76:50–70, 92–95

Kayat ti Nailangitan nga Amak nga umawatak iti agnanayon a biag iti celestial a pagarian.

Napanunotyo kadin—wenno madanagankayo—no makapagbalinkayo a kita ti tao nga umawatto iti celestial a dayag, kas nailadawan iti Doktrina ken Katulagan 76:50–70, 92–95? Idinto a napateg nga ammuen no ania ti namnamaen ti Dios kadatayo, ibilangyo met ti panangsapul kadagitoy a bersikulo no ania ti inaramid ti Dios para kadatayo—ken ar-aramidenna—tapno matulongannatayo nga agbalin a kas Kenkuana. Apay a mariknayo a napateg Kenkuana dagiti panangkagumaanyo?

Kasano nga apektuan daytoy a parmata ti dayag ti celestial ti wagas a kayatyo a panagbiag iti inaldaw?

Kitaen met iti Moises 1:39; J. Devn Cornish, “Am I Good Enough? Will I Make It?,” Liahona, Nov. 2016, 32–34.

Para iti ad-adu pay a kapanunotan, kitaen dagiti isyu ti magasin a Liahona ken Para iti Pigsa dagiti Agtutubo iti daytoy a bulan.

Dagiti Kapanunotan para iti Panangisuro kadagiti Ubbing

Doktrina ken Katulagan 76:24

Annaknatayo amin ti Dios.

• Tapno matulonganyo dagiti annakyo a makaawat iti nadiosan a potensialda, mabalinyo nga ipakita kadakuada dagiti ladawan dagiti ubbing ken dagiti nagannakda. Kalpasanna mabalinyo a basaen ti Doktrina ken Katulagan 76:24 ket ibinglayyo iti tunggal maysa no apay a naragsakkayo a mangammo a datayo amin ket “annak a lallaki ken babbai ti Dios.”

• Mabalinyo pay nga aggigiddan a kantaen ti “I Am a Child of God” ((Children’s Songbook, 2–3) ket awisenyo dagiti annakyo a mangitudo iti bagbagida no kantaenda ti “I (Siak).” Kalpasanna kansionen manen ti kanta, a sukatan ti “Siak” iti “sika” bayat ti panangitudoyo iti maysa a tao.

Doktrina ken Katulagan 76:5, 41–42, 69

Ni Jesucristo ti Mangisalakanko.

• Ibilangyo ti panangyakem a kaduayo dagiti annakyo iti maysa nga eksena a nagsaludsodan ti maysa a tao iti, “Ania ti inaramid ni Jesucristo para kaniak?” Mabalinyo ken dagiti annakyo ti mangsapul kadagiti posible a sungbat kadagiti bersikulo 5, 41–42, wenno 69 iti benneg 76. Mabalinyo pay a kantaen ti “He Sent His Son,” Children’s Songbook, 34–35 Kasano a maipakitatayo ti panagyamantayo iti inaramid ti Mangisalakan para kadatayo?

Detalye manipud iti Palubosan dagiti Ubbing, ni J. Kirk Richards

Doktrina ken Katulagan 76:62

Kayat ti Nailangitan nga Ama nga agsubliak a makipagnaed Kenkuana iti agnanayon.

• Mabalinyo ken dagiti annakyo ti agbasa wenno agbuya iti paset wenno amin ti “Kapitulo 26: Dagiti Tallo a Pagarian ti Langit” (iti Dagiti Estoria iti Doktrina ken Katulagan, 97–103, wenno ti katupagna a video iti Gospel Library) ken ibinglay iti tunggal maysa no ania ti magustuanyo maipapan iti parmata nga adda ken ni Joseph Smith. Paibinglayyo kadagiti annakyo dagiti kapanunotan ken riknada maipapan iti no kasano koma ti kayarigan ti makipagnaed iti Nailangitan nga Ama iti celestial a pagarian.

  Chapter 26: The Three Kingdoms of Heaven: 16•February 1832

• Mabalinyo pay a basaen ti Doktrina ken Katulagan 76:62 ket awisenyo dagiti annakyo a mangidrowing iti bagbagida a kaduada ti Nailangitan nga Ama ken ni Jesucristo iti celestial a pagarian (kitaen iti panid ti aktibidad) iti daytoy a lawas.

Doktrina ken Katulagan 76:12, 15–19, 114–16

Ti panagadal kadagiti nasantuan a kasuratan ket makatulong kadatayo a “maawatan dagiti banag ti Dios.”

• Mabalinyo nga awisen dagiti annakyo a mangbasa kadagiti bersikulo 15–19 tapno ammuen no ania ti ar-aramiden da Joseph Smith ken Sidney Rigdon idi nakitada ti parmata iti Doktrina ken Katulagan 76. Ibagayo kadagiti annakyo maipapan iti panawen idi naawatyo ti pammaregta bayat ti panangbasayo kadagiti nasantuan a kasuratan, ket saludsodenyo kadagiti annakyo no addaanda met kadagiti kasta met la a padas.

Para iti ad-adu pay a kapanunotan, kitaen iti isyu ti magasin a Friend iti daytoy a bulan.

Dayag kadagiti Tukad, ni Annie Henrie Nader