4–10 ni Okosita: “Mo Dou Tudei ena Vanua Tabu”

Vunau kei na Veiyalayalati 85–87

Na Siganisucu e dau dua na gauna me vakasamataki vagumatua kina na vei itukutuku me vaka na “veivinakati rawa ko ira e vuravura” (raica na Luke 2:14). Ia, enai ka 25 ni Tiseba, 1832, a vakaogai tu kina na vakasama nei Josefa Simici ena veivakarerei ni ivalu. Na yasana o Ceva kei Carolina e Amerika a se qai bolea ga na matanitu ka sa vakavakarau tiko me laki valu. Ka a vakatakila mai na Turaga ni oqo e kena itekivu walega: “Na yaco na veivaluvaluti,” a kaya o Koya, “ena veimatanitu kecega” (Vunau kei na veiyalayalati 87:2). E a kena irairai ni na yaco totolo sara na parofisai oqo.

Ia a qai sega ni vakakina. Ni oti ga e vica na macawa, a yaco na veivakameautaki vei rau na Ceva kei Carolina kei na matanitu o Amerika, ka levei kina na ivalu. Ia na ivakatakila e sega ni dau vakavatukanataki ena gauna se ena sala eda namaka. Voleka ni 30 na yabaki e muri, ni oti vakadede toka nona vakamatei o Josefa Simici, a veisaqasaqa tale na Ceva kei Carolina ka muria mai na ivalu vakamatanitu. Nikua, na ivalu e vuravura raraba sa vakavuna tikoga na “[noda] lolosi na kai vuravura” (Vunau kei na Veiyalayalati 87:6). Na yaga ni ivakatakila oqo e sega so ena kena tukuni taumada na gauna ena yaco kina na veika rerevaki ia e vakalevu cake ena kena vakavulici na ka me caka ni sa yaco mai. E tautauvata ga na ivakasala ena 1831, 1861, kei na 2025: “Mo dou tudei ena vanua tabu ka kakua ni yavalati rawa” (tikina e 8).

Vakasama eso ni Vuli ena iTikotiko vakakina ena Lotu

Vunau kei na Veiyalayalati 85:1–2

E vinakata na Turaga me’u dau “vola tiko e dua na itukutuku.”

Raica na veika e vinakata na Turaga me okati ena “itukutuku” e vakamacalataki tu ena Vunau kei na Veiyalayalati 85:1–2. Na cava o nanuma e vinakata kina o Koya me ra maroroya na Nona Yalododonu e dua na itukutuku makawa? Na cava e rawa ni o vola me baleta na nomu “ivakarau ni bula, vakabauta, kei na cakacaka” ka na rawa ni dua na veivakalougatataki kivei iko kei ira na itabatamata ni veisiga ni mataka? Ena vukei iko vakacava na nomu maroroya tiko e dua na kemu itukutuku makawa mo lako mai kina vei Karisito?

Raica talega na “iVolaniveisiga: ‘Ka Levu Cake mai na Koula,’” Nodra iVakavuvuli na Peresitedi ni Lotu: Wilford Woodruff (2011), 125–33; “Turning Hearts” (vidio), ChurchofJesusChrist.org.

Turning Hearts

A Great-Grandfather's journal helps a young man gain direction in his life and appreciation for his ancestors.

Vunau kei na Veiyalayalati 85:6

E dau vosa mai na Yalotabu ena dua na “domo lailai malumu.”

Vakasamataka vakatitobu na veivosa a vakayagataka o Josefa Simici me vakamacalataka na Yalotabu ena Vunau kei na Veiyalayalati 85:6. Ena vakasama cava e “lailai” ka “malumu” kina na domo ni Yalotabu? Vakasamataka mada na ikuri ni ivakamacala eso oqo a soli mai vei Josefa Simici: Vunau kei na Veiyalayalati 6:22–24; 8:2–3; 9:7–9; 11:12–13; 128:1. E dau vosa vakacava vei iko na Yalotabu?

Raica talega na Luke 24:32; Mosaia 5:2; Alama 32:28; Ilamani 5:30; Vunau kei na Veiyalayalati 6:22–23; 11:12–13.

Vakayagataka na lesoni vakaraitaki. Era nanuma vinaka cake na tamata e dua na lesoni vakosipeli ni ra raica se vakaitavi ena dua na lesoni vakaraitaki e semati ki na veika era sa vulica tiko. Me ivakaraitaki, ni ko vakavulica tiko na domo malua, lailai ni Yalotabu, sa rawa mo vakatagitaka e dua na katokatoni ni sereivakatagi malumu, tabu, ka rawa ni ra veivosakitaka na vuli tiko na sala e dau veivakacegui kina na sereivakatagi kei na kena dredre cake me rogoci kevaka eso tiko na rorogo veivagolei tani. Oqo e rawa ni veimuataki ki na dua na veivosaki me baleta na veika dau veivakasesei ena noda bula ka tarovi keda mai na noda rogoca na domo malua, lailai.

Na ivolanikalou e vakamacalataka na domo ni Yalotabu me domo malua, lailai.

Vunau kei na Veiyalayalati 86

Era sa vakasoqoni vei Karisito na buladodonu ena veisiga e muri.

Na Vunau kei na Veiyalayalati 86 e tiko kina e dua na ivakadewa ni vosa vakatautauvata ni sila vinaka kei na sila ca, e kune ena Maciu 13:24–30, 37–43. Ni o vulica na ibalebale ni italanoa vakaibalebale oqo, navuca mo vakalewena e dua na teveli vakaoqo:

iVakatakarakara	Kena ibalebale	Taro me vakasamataki vakatitobu
iVakatakarakara Daukakaburaki ni sorenikau	Kena ibalebale O ira na Parofita kei na iApositolo	Taro me vakasamataki vakatitobu Na mataqali “sorenikau” cava era tea na parofita kei na iapositolo?
iVakatakarakara Na meca	Kena ibalebale Setani	Taro me vakasamataki vakatitobu E tovolea vakacava na vu ni ca me tarova na cakacaka ni Turaga?
iVakatakarakara	Kena ibalebale	Taro me vakasamataki vakatitobu
iVakatakarakara	Kena ibalebale	Taro me vakasamataki vakatitobu

Oqo e vica na ikuri ni taro me vakasamataki:

• Ni vakadewataka oti na vosa vakatautauvata, a tukuna na Turaga me baleta na matabete, veivakalesuimai, kei na nodra vakabulai na Nona tamata (raica na tikina e 8–11). Na isema cava o raica ena kedra maliwa na ulutaga eso oqo kei na italanoa vakaibalebale ni sila vinaka kei na sila ca?

• Na cava na nomu itavi ni o dua na “rarama vei ira na Matanitu Tani” ka mo “vakabulai ira na … tamata [ni Turaga]”? (tikina e 11).

Vunau kei na Veiyalayalati 87

E kunei na vakacegu ena “vanua tabu.”

Na parofisai ena wase 87 e veivakaroti me baleta na veika rerevaki vakayago e semati ki na ivalu ena iotioti ni gauna. Ia na ivakasala ena ivakatakila oqo e baleta talega na veika rerevaki vakayalo. Vakasamataka vakatitobu na veitaro me vaka oqo:

• Na parofisai oya e dua na ivakatakila mai vua na Kalou vua e dua na parofita, e vakavuqa me baleta na veisiga ni mataka. Na cava eso na ivakaraitaki ni parofisai era a solia na parofita makawa kei na gauna oqo? (raica na Joni 3:14; Mosaia 3:5; Ilamani 14:2–6). Era a vakayacori vakacava? (raica na Luke 23:33; Maciu 15:30–31; 3 Nifai 1:15–21).

• Na cava soti na veivakalougatataki ni kena ciqomi na nodra parofisai na parofita ni Kalou?

Ni vakasamataki tiko oqori, wilika na wase 87. (Me baleta eso na itukutuku makawa, sa rawa talega mo wilika na ivakamacala taumada ki na ituvatuva oqo.) Na cava o vulica me baleta na parofisai mai na ivakatakila oqo kei na sala a vakayacori kina? Na cava o na kaya vua e dua e vakatitiqataka e dua na parofisai baleta ni sega ni vakayacori ena gauna vata ga oya?

Na ivakasala cava e solia na Turaga ena tikina e 8? Na cava eso na nomu “vanua tabu” o dau kunea kina na vakacegu kei na veimaroroi? Na cava e cakava e dua na vanua me tabu? Me ikuri ni veivanua vakayago, e rairai tu talega na gauna tabu, ivakarau tabu, se vakanananu tabu ka rawa ni vakarautaka na vakacegu. Me ivakaraitaki, e rawa vakacava me dua na vanua tabu vei iko na nodra vosa na parofita ni Kalou? Na cava na kena ibalebale mo “tudei” ka “kakua ni yavalati rawa” mai na veivanua oqori?

Raica talega na “Loloma Talei Tu,” iVolanisere ni Gonelalai, 76; Yalododonu, 1:163–64; “Peace and War,” ena Revelations in Context, 158–64.

Me baleta na vakasama tale eso, raica na ilavelave ni vula oqo ni mekasini na Liaona kei na Me iSakisaki ni iTabagone .

Vakasama eso ni Nodra Vakatavulici na Gonelalai

Vunau kei na Veiyalayalati 85:6

E dau vosa mai na Yalotabu ena dua na “domo lailai malumu.”

• Na cava era na kaya na luvemu ke dua e tarogi ira se ra kila vakacava na gauna e vosa kina vei ira na Yalo Tabu? Sureti ira me ra wilika e dua na sala a vakamacalataka kina o Josefa Simici na domo ni Yalotabu ena Vunau kei na Veiyalayalati 85: 6. Sa rawa ni ra qai vakatovotovotaka na vakarorogo ka vosa ena domo lailai. O na rawa talega ni wasea na veigauna eso a vosa kina vei iko na Yalotabu ena dua na domo lailai, malumu.

• Me vukei ira na luvemu me ra kila na malanivosa “domo lailai malumu,” e rawa ni o vakatagitaka vakamalua e dua na sere ni gone, me vaka na “Jisu Karisito” (iVolanisere ni Gonelalai, 56). Kerea e dua vei ira na gone me vakilakila na sere cava oya ni ra cakava na vo ni gone eso na rorogo veivagolei tani. Mo qai tokaruataka tale na sere ka sega na veivagolei tani. Na veivagolei tani cava eso eda rawa ni biuta tani mai na noda bula me da vakila vakalevu cake kina na Yalotabu?

Vunau kei na Veiyalayalati 86

Au rawa ni veivuke ena nodra vakasoqoni na tamata ni Kalou.

• Me vukei ira na luvemu me ra kila na italanoa vakaibalebale e vakamacalataki tiko ena wase 86, sa rawa mo vakarautaka e vica na iyaloyalo lalai se droini ni witi ka vunitaki ira wavoki ena rumu. Vakamacalataka vei ira na luvemu na italanoa vakaibalebale ni sila vinaka kei na sila ca (raica na Maciu 13:24–30), ka wilika vata na vosa ni Turaga ena Vunau kei na Veiyalayalati 86:1–7. Me ra qai vakasoqona vata na luvemu na iyaloyalo vuni ni witi ka vola kina na yacana e dua era rawa ni “vakasoqona” vei Jisu Karisito. Na cava na ibalebale ni nodra vakasoqoni vata na tamata vei Jisu Karisito? Na cava na sala eso eda rawa ni vakayacora kina?

Vunau kei na Veiyalayalati 86:11

Au rawa ni vaka e dua na rarama kivei ira na tani.

• Oqo eso na taro e rawa ni o tarogi ira kina na luvemu ni o veivosakitaka na Vunau kei na Veiyalayalati 86:11: E vakalougatataki keda vakacava na rarama? Ena vakabeka evei ke sega vei keda na rarama? E rawa vakacava me da dua na rarama kivei ira na tani? Vukei ira na luvemu me ra vakasamataka na sala eso eda rawa ni “tudei tiko ena … loloma [i Jisu] ka wasea vei ira na tani.

Vunau kei na Veiyalayalati 87:6, 8

Au rawa ni “tudei ena vanua tabu.”

• Wilika vata na Vunau kei na Veiyalayalati 87:6 me vulici na veika e kaya na Turaga ni na yaco ena gauna mai muri. Mo qai veivosakitaka kei ira na luvemu eso na bolebole o ni sotava. Ena tikina e 8, na cava e kaya na Turaga eda rawa ni cakava ena gauna dredre eso?

• Vukei ira na luvemu me ra cakava e dua na lisi ni veivanua tabu, vakasama tabu, kei na ivalavala savasava e rawa ni vukei ira me ra sotava na veika rerevaki vakayalo. Me baleta na vakasama eso, raica na vidio “Standing in Holy Places” kei na “Stand Ye in Holy Places—Bloom Where You’re Planted” (Gospel Library).

  Standing in Holy Places

  A young woman reflects on the blessings of walking the covenant path as she makes her journey to the temple.

  Stand Ye in Holy Places - Bloom Where You’re Planted

  Three hundred youth in Las Vegas come together to share their testimony of Jesus Christ.

Na valetabu e dua na vanua tabu.

Me baleta na vakasama tale eso, raica na ilavelave ni mekasini na iTokani ni vula oqo.

Sa vakasoqoni ira vata na Nona tamata na Turaga me vaka na witi.