Jalam-uuch re Nawil li Ralal li Winq, xb’aan laj Walter Rane

25–31 agosto: “Teek’ul xkomon lix tz’aqalil ru”

Tzolʼlebʼ ut Sumwank 93

“Naq nakattaqe’ sa’ jun li eeb’,” chan laj Jose Smith, “taq’a taatikib’, ut timil timil tatwulaq taqe’q; jo’kan ajwi’ li na’leb’ re li evangelio—tento taatikib’ rik’in li xb’een, toj reetal taatzol chixjunileb’ li na’leb’ re li taqenaqil loq’al” (Enseñanzas de los Presidentes de la Iglesia: José Smith [2007], 282).

Wanq naq li eeb’ re li taqenaqil loq’al jwal nimaq xteram, a’b’an xooyo’la re taqe’k sa’ xb’een rik’in xtenq’ li Kolonel. Us ta naqil lix q’unal qametz’ew, li qaChoxahil Yuwa’ ut li Ralal neke’ril li qaloq’al, chanchan xloq’al li Dios. Jo’ chanru naq li Jesukristo “kiwan sa’ xtiklajik rik’in li Yuwa’b’ej,” “laa’ex ajwi’ kexwan” (Tzol’leb’ ut Sumwank 93:21, 23). Jo’ chanru naq “kinume’ chalen chaq sa’ li jun usilal toj sa’ li jun chik,” laa’ex ajwi’ “teek’ul li usilal jo’ reeqaj li usilal” (eb’ li raqal 13, 20). Li evangelio li k’ojob’anb’il wi’chik naxk’ut ani ut chan ru li Dios, ut naxk’ut ajwi’ anihat laa’at ut chan ru naru tatwulaq. Laa’at jun ralal xk’ajol li Dios rik’in xnimal aaseeb’al re naq “sa’ tz’aqal xq’ehil, taak’ul xkomon lix tz’aqalil ru” (raqal 19).

Li na’leb’ re tzolok sa’ li ochoch ut sa’ li iglees

Tzolʼlebʼ ut Sumwank 93

Jo’ ajwi’ li Jesukristo, naru nink’ul inloq’alil ut tink’ul lix “tz’aqalil ru” li Dios.

Li profeet aj Jose Smith kixye, “Wi li winq ink’a’ naxtaw ru ani li Dios, ink’a’ naxtaw ru ani a’an xjunes rib’” (Enseñanzas: José Smith, 42). Naq nakattzolok chirix li Kolonel sa’ Tzol’leb’ ut Sumwank 93, sik’ k’a’ru naru taatzol chawix laa’at. Qayehaq, k’a’ru nakatzol chirix a’an sa’eb’ li raqal 3, 12–13, 21, ut 26? K’a’ru li yaal nakataw chawix sa’eb’ li raqal 20, 23, ut 28–29? (chi’ilmanq ajwi’ 1 Jwan 3:2; 3 Nefi 27:27). Eb’ li patz’om a’in naru nakate’xtenq’a chixtawb’al ru ut xyu’aminkileb’ li yaal sa’ li raqal a’in:

• K’a’ru naraj naxye xk’ulb’al “li usilal jo’ reeqaj li usilal” ut nume’k “chalen chaq sa’ li jun usilal toj sa’ li jun chik”? (eb’ li raqal 12–13). Wi natenq’an, naru nakawil “Usilal” sa’ li K’utul Raqal reheb’ li Loq’laj Hu (Biblioteca del Evangelio).

• K’a’ru nakataw sa’ li k’utb’esinb’il na’leb’ a’an chirix chan ru naq li Dios nakatxtenq’a chi k’iik ut chi tzolok? Chan ru naq xnawb’al a’in naxjal chan ru naq nakawileb’ laa was aawiitz’in—ut aajunes aawib’ ajwi’?

• K’a’ru nakatzol chirix chan ru “taanaw chan ru loq’onink, ut … taanaw k’a’ru taaloq’oni”? (raqal 19; chi’ilmanq ajwi’ li K’utul Raqal reheb’ li Loq’laj Hu, “Loq’onink,” Biblioteca del Evangelio).

Tzol’leb’ ut Sumwank 93:1–39

Lix loq’al li Dios a’an li saqen ut li yaal.

Maare taak’e reetal naq naab’al sut neke’qil li aatin loq’al, saqen, ut yaal sa’ li k’utb’esinb’il na’leb’ a’in. Naq taatzoleb’ li raqal 20–39 , tz’iib’aheb’ li yaal nakatzol chirixeb’ li aatin a’an. Xyiib’ankil jun kaaxukuut rik’ineb’ li na’leb’ a’in naru natenq’an:

Raqal	Li k’a’ru nintzol	Eb’ li patz’om re k’oxlank
Raqal 24	Li k’a’ru nintzol	Eb’ li patz’om re k’oxlank Wan naab’al li b’alaq’ sa’ li ruchich’och’. Chan ru naru tinnaw b’ar wan li yaal? (chi’ilmanq ajwi’ Jakob 4:13).
Raqal 28	Li k’a’ru nintzol	Eb’ li patz’om re k’oxlank
Raqal 36	Li k’a’ru nintzol Li Dios a’an li saqen ut li yaal.	Eb’ li patz’om re k’oxlank
Raqal 37	Li k’a’ru nintzol	Eb’ li patz’om re k’oxlank Ma ninnaw ru junaq li chanchan naq naru naxkuyeb’ chixjunileb’ li k’a’ru ink’a’ us? Chan ru naq neke’ru chixb’aanunkil a’an?
Raqal	Li k’a’ru nintzol	Eb’ li patz’om re k’oxlank
Raqal	Li k’a’ru nintzol	Eb’ li patz’om re k’oxlank
Raqal Chi’ilmanq ajwi’: Tzol’leb’ ut Sumwank 50:24	Li k’a’ru nintzol	Eb’ li patz’om re k’oxlank

K’a’ru nakataw sa’eb’ li raqal a’in li nakatxmusiq’a chixsik’b’al xkomon li saqen ut li yaal? K’a’ut naq li saqen ut yaal a’aneb’ chaab’il k’ab’a’ej choq’ re li Jesukristo? (chi’ilmanq Jwan 8:12; 14:6). Chan ru naq eb’ li yaal a’an neke’rosob’tesi laa yu’am?

Naru ajwi’ nakatz’iib’aheb’ li yeechi’ihom chirix laa junelikil eechanihom li wankeb’ sa’ li raqal 20, 22, 28, 33–35. Chan ru naq neke’xk’am rib’ li yeechi’ihom a’an ut xtawb’al li saqen?

Naru nakasik’ “Chatb’eeq sa’ xsaqen li Dios” (Choq’ re Xkawilaleb’ li Saaj: Jun tenq’ re xsik’b’al ru laa b’e, 18–21) re xnawb’al k’a’ru naru nakab’aanu re xk’ulb’al li saqen ut chan ru naq li Qaawa’ naxyeechi’i aawosob’tesinkil. Eb’ li video “Luz y verdad, Parte 1” ut “Parte 2” (Biblioteca del Evangelio) naru neke’xk’e aana’leb’.

Chi’ilmanq ajwi’ “Tzolin chi bʼeek saʼ saqen,” Eb’ li B’ich, 197; Temas y preguntas, “Espíritu Santo,” Biblioteca del Evangelio.

Light and Truth, Part 1

(D&C 88:6-13) This video examines God's attributes of light and truth as explained in section 88 of the Doctrine and Covenants.

Light and Truth, Part 2

(D&C 93:28,36-40) This video examines God's attributes of light and truth as explained in section 88 of the Doctrine and Covenants.

“Lix loq’al li Dios a’an … saqen ut li yaal.”

Tzol’leb’ ut Sumwank 93:40–50

“Taak’e xtuqub’ankil ru laa wochoch laa’at.”

Li taqlahom re “xtuqub’ankil ru laa wochoch laa’at” (raqal 43) moko naraj ta naxye xtuqub’ankil xna’aj li sek’ malaj xna’aj li t’ikr, naraj b’an naxye xk’utb’al—ut xtzolb’al—“li saqen ut li yaal” (raqal 42). K’oxla chan ru naq yookat chixyalb’al xtaaqenkil li na’leb’ a’in. K’a’ru li ch’a’ajkilal nakanumsi? K’a’ruheb’ li yaal sa’ Tzol’leb’ ut Sumwank 93 naru neke’tenq’an?

K’a’ru aana’leb’ nakataw sa’ lix k’utum li Elder David A. Bednar?

“Sa’ lin oficiin wan jun xchaq’al ru xjalam-uuch li trigo. Li b’on chiru li jalam-uuch chanchan naq yal juch’inb’ileb’—maak’a’ raj neke’xk’ut wi ta jachinb’ileb’ ta raj ru. Naq tatnach’oq chiru li jalam-uuch, taawil naq chanchan yal juch’inb’il rik’in li b’on q’an, lemtz’, ut café li chanchan naq yal maak’a’ aj-e. A’b’anan, naq tatnajto’q chi timil timil chiru li jalam-uuch, chixjunileb’ li juch’ul a’an neke’xch’utub’ rib’, ut sa’ komonil neke’xk’utb’esi jun xchaq’al ru ru taq’a b’ar wi’ wan li trigo. A’aneb’ k’iila juch’ul chanchan naq yal maak’a’eb’ aj-e li neke’xjunaji rib’ re xk’utb’esinkil jun xchaq’al ru jalam-uuch.

“Chixjunjunqal li tijok jo’ junkab’al, chixjunjunqal li hoonal re xtzolb’aleb’ li loq’laj hu jo’ junkab’al, ut chixjunjunqal li q’ojyin re junkab’al yoo chixb’onb’al lix jalam-uuch li qaam. Li junjunq k’anjel xjunes rib’ maare ink’a’ nak’utun chi q’axal chaab’il malaj taajultikamanq. A’b’an jo’ naq li junjunq chi b’onol neke’xjunaji rib’, nak’utman k’a’ruhaq q’axal chaab’il, xb’aanunkil rajlal li kok’ k’anjel taaruuq chixk’eeb’al chi k’utmank li musiq’anb’il b’aanuhom q’axal chaab’il. “Jo’kan ut, mexlub’ sa’ xb’aanunkil li us, xb’aan naq yookex chixk’eeb’al xk’ojob’ankil jun xnimal ru k’anjel. Ut rik’in k’a’ru ka’ch’in na’el chaq li k’a’ru xnimal li ru” [Tzol’leb’ ut Sumwank 64:33]. Li yalok q’e a’an jun chaab’il na’leb’ re xk’ojob’ankil xxe’ jun nimla k’anjel sa’ li qayu’am chiqajunjunqal ut re naq taqayal qaq’e ut tootenq’anq sa’ li qochoch” (“Más diligentes y atentos en el hogar,” Liahona, noviembre 2009, 19–20).

Chi’ilmanq ajwi’ Henry B. Eyring, “Jun ochoch b’ar wi’ nawan lix Musiq’ li Qaawa’,” Jolomil ch’utub’aj-ib’ re abril 2019

Li Qaawaʼ naxtaqlahebʼ li naʼbʼej yuwaʼbʼej “chixkʼiiresinkilebʼ lix kokʼal saʼ li saqen ut li yaal.”

Re xtawb’al xkomon chik li na’leb’, chi’ilmanq li hu Liahona ut li hu Para la Fortaleza de la Juventud re li po a’in.

Li na’leb’ re xtzolb’aleb’ li kok’al

Tzol’leb’ ut Sumwank 93:2–21

Li Jesukristo a’an lix saqen ut lix yu’am li ruchich’och’.

• Naru taak’ut jun xjalam-uuch li Kolonel ut taapatz’ reheb’ laa kok’al k’a’ut naq aajel ru tzolok chirix li Jesukristo ut xtaaqenkil. Chirix a’an naru teeril Tzol’leb’ ut Sumwank 93:19 sa’ komonil re xtawb’al junaq xyaalal.

• Wi nakawaj, sik’eb’ ru junjunq li yaal chirix li Kristo sa’ li tasal 93 li nakate’xmusiq’a ut tenq’aheb’ laa kok’al chixk’eeb’al reetaleb’ ut chixtawb’aleb’ ru (chi’ilmanq ajwi’ “Ch’ol 33: Jun k’utb’esinb’il na’leb’ chirix li Jesukristo,” sa’ Eb’ li Esilal sa’ li Tzol’leb’ ut Sumwank, 126–127, malaj li video sa’ li Biblioteca del Evangelio). Rik’in li junjunq chi yaal taasik’ ru, naru nakak’e reheb’ laa kok’al jun li aatin malaj ch’ol aatin li tento te’rab’i naq yooqex chirilb’aleb’ li raqal. Qayehaq, li Jesukristo:

  • Kixb’aanu lix k’anjel li Yuwa’b’ej (raqal 5).

  • A’an xsaqen li ruchich’och’ (raqal 9).

  • A’an laj yo’ob’tesihom re li ruchich’och’ (raqal 10).

  • Kixk’ul chixjunil li wankilal jo’ sa’ choxa jo’ ajwi’ sa’ ruchich’och’ (raqal 17).

  • Kiwan sa’ xtiklajik rik’in li Dios (raqal 21).

  Chapter 33: A Revelation about Jesus Christ: May 1833

Jalam-uuch re Xsaqenkil li ruchich‘och‘, xb‘aan laj Howard Lyon

Tzol’leb’ ut Sumwank 93:23, 29, 38

Kinwan chaq rik’in lin Choxahil Yuwa’ rub’elaj naq kinchal sa’ ruchich’och’.

• Li Kolonel kixye oxib’ sut sa’ li tasal 93 naq koowan chaq rik’in li Dios “sa’ xtiklajik” (eb’ li raqal 23, 29, 38). Re xtenq’ankileb’ laa kok’al chixtawb’aleb’ a’an, naru nakapatz’ reheb’ naq te’ril Tzol’leb’ ut Sumwank 93:23, 29, 38 ut te’xsik’ jun li yaal chirixeb’ a’an li neke’ka’sutiman sa’eb’ li raqal a’an. K’a’ut naq li qaChoxahil Yuwa’ naraj naq taqanaw li yaal a’an? Naru ajwi’ nakapatz’ reheb’ laa kok’al k’a’ru neke’xnaw chirix li qayu’am rik’in li qaChoxahil Yuwa’ rub’elaj naq nokoyo’la. Re xtenq’ankileb’ chixtawb’al xkomon xna’leb’eb’, ilomaq sa’ komonil jun malaj wiib’ oxib’ reheb’ li raqal a’in: Jeremias 1:5; Tzol’leb’ ut Sumwank 138:53–56; Moises 3:5; Abraham 3:22–26.

• Naru ajwi’ nekeb’icha sa’ komonil “Laaʼin jun ralal li Dios” malaj “Saʼ li choxa chaq kinwan” (B’ichleb’aal choq’ reheb’ li Kok’al, 2–3, 139) ut tex’aatinaq chirixeb’ li yaal li neke’qatzol sa’eb’ li b’ich a’an chirix li rajom qachalik sa’ li ruchich’och’.

Tzol’leb’ ut Sumwank 93:24–39

Nink’ul li saqen ut li yaal naq nin’ab’in chiru li Dios.

• Re xtenq’ankileb’ laa kok’al chixk’anjelankileb’ li yaal chirix li ab’ink wankeb’ sa’ Tzol’leb’ ut Sumwank 93, naru taatz’iib’aheb’ junjunq li raqal re li tasal a’in chiruheb’ kok’ hu. Chiru jun siireb’ chik kok’ hu, tz’iib’aheb’ li yaal neke’xk’ut li junjunq chi raqal a’in. Eb’ laa kok’al naru k’anjelak sa’ komonil re rilb’aleb’ li raqal ut te’xjunajiheb’ li yaal rik’ineb’ li raqal. Arin wankeb’ junjunq li eetalil:

  • Raqal 24: Li yaal a’an xnawb’al li k’a’aq re ru li tz’aqal yaaleb’ junxil chaq, anajwan ut chalel kutan.

  • Raqal 28: Naru nink’ul li saqen ut li yaal naq ninpaab’eb’ li taqlahom.

  • Raqal 37: Naq wan li saqen ut li yaal wik’in, naru ninkuy xnumsinkil li k’a’ru ink’a’ us.

  • Raqal 39: Na’el li saqen ut li yaal wik’in naq ink’a’ nin’ab’in.

  Wi nakawaj, wotzeb’ reetalil li yaal li nakatwulak chixnawb’al ru naq nakapaab’eb’ lix taqlahom li Qaawa’.

Chatk’utuq a’ yaal lix chihab’eb’ laa kok’al. Laa’at nakanaw k’a’ru neke’raj ut lix seeb’aleb’ laa kok’al; chawoksiheb’ li kok’ k’anjel re xk’utb’al chiruheb’ li neke’raj ru. Qayehaq, sa’ li ch’ina k’anjel a’in, wi yookat chixtzolb’aleb’ li toj kok’eb’, naru nakat-aatinak chirix junaq li yaal moko ch’a’aj ta xtawb’al ru li wan sa’ li tasal 93.

Re xtawb’al xkomon chik li na’leb’, chi’ilmanq li hu Amigos re li po a’in.

Li saqen ut li yaal, xb’aan laj Simon Dewey