Mambi mobimba uta Namoni Mwana ya Moto, na Walter Rane

Sanza ya Mwambe 25–31: “Bozwa Litondi na Ye”

Malongi mpe Mayokani 93

“Ntango omati na ebuteli,” Joseph Smith ateyaki, “osengeli kobanda na nse, mpe komata etape na etape, kino okokoma likolo; mpe boye ezali bongo mpe na mabongisi to mibeko ya nsango malamu—osengeli kobanda na ebandeli, mpe kokoba kino okoyekola mabongisi nyonso ya bonetoli” (Mateya ya Bakambi ya Eklezia: Joseph Smith [2007], 268).

Ntango mosusu ebuteli wana ya bonetoli emonanaka lokola eloko oyo ekoki kosalema te mpo eleki likolo makasi, kasi tobotamaki mpo na kobuta kino likolo na lisalisi makasi ya Mobikisi. Atako bandelo oyo tokoki komona kati na biso moko, Tata na Lola mpe Mwana na Ye bamonaka eloko moko ya nkembo kati na biso, eloko moko na lolenge ya bonzambe. Kaka lokola Yesu Klisto “azalaki na ebandeli elongo na Tata,” boye “yo mpe ozalaki” (Malongi mpe Mayokani 93:21, 23). Kaka lokola Ye “akobaki na nkembo likolo na nkembo, kino azwaki litondi,” lolenge moko mpe “yo okozwa ngolu likolo ya ngolu” (milongo 13, 20). Nsango malamu ezongisama eteyi biso oyo etali lolenge ya solo ya Nzambe, mpe eteyi biso lisusu oyo etali lolenge ya solo mpe lobi na yo ekoya. Bozali babotami bana ya Nzambe na nzoto makoki na “ntango elongobani ya kozwa litondi na ye” (molongo19).

Makanisi mpo na koteya na Ndako mpe na Eklezia

Malongi mpe Mayokani 93

Lokola Yesu Klisto, nakoki konetolama mpe kozwa litondi ya “Nzambe.”

Profeta Joseph Smith ateyaki, “soki bato bazali kososola te ezalela ya Nzambe, elingi koloba ete bazali komisosola te” (Mateya: Joseph Smith, 40). Ntango oyekoli oyo etali Mobikisi na koyekolaka Malongi mpe Mayokani 93, luka lisusu nini oyekoli na ntina na yo moko. Ndakisa, nini oyekoli na ntina na Ye uta milongo 3, 12–13, 21, mpe 26 Bosolo ekokana nini ozwi na ntina na yo moko kati na milongo 20, 23, mpe 28–29? (tala lisusu 1 Yoane 3:2; 3 Nefi 27:27). Mituna oyo elandi ekoki kosalisa yo ososola mpe osalela bosolo kati na eteni oyo.

• Oyoki nini na oyo elingi koloba kozwa “ngolu likolo na ngolu” mpe kokoba “uta ngolu likolo na ngolu”? (milongo 12–13). Soki esungi, okoki kotanga “Ngolu” kati na Bokambi na Makomi (Gospel Library).

• Omoni nini kati na emoniseli oyo etali lolenge nini Nzambe asungaka yo okola mpe oyekola? Lolenge nini koyeba yango epesaka nguya na lolenge tosalelaka basusu—mpe yo moko?

• Oyekoli nini etali “lolenge nini ya kokumbamela, mpe … oyo okumbamelaka”? (molongo 19; tala lisusu Bokambi na Makomi, “Worship [Kokumbamela],” Gospel Library).

Malongi mpe Mayokani 93:1–39

Nkembo ya Nzambe ezali pole mpe bosolo.

Okoki komona maloba lokola nkembo, pole, mpe bosolo komonisama mbala na mbala kati na emoniseli oyo. Ntango otangi milongo 20–39 lolenge na yo, koma bosolo oyekoli oyo etali makanisi oyo. Kosalaka etando lokola oyo moko ekoki kosalisa:

Molongo	Maye nayekoli	Mituna mpo na komaniola
Molongo 24	Maye nayekoli	Mituna mpo na komaniola Ezali na ndimbola ebele kati na mokili. Lolenge nini nakoki koyeba bosolo? (tala lisusu Yakobo 4:13).
Molongo 28	Maye nayekoli	Mituna mpo na komaniola
Molongo 36	Maye nayekoli Nzambe azali ekelamu ya pole mpe bosolo.	Mituna mpo na komaniola
Molongo 37	Maye nayekoli	Mituna mpo na komaniola Nani ngai nayebi amonisami kozala na makoki ya kotelemela banguya ya mabe? Mpo na nini bazali na makoki ya kosala yango?
Molongo	Maye nayekoli	Mituna mpo na komaniola
Molongo	Maye nayekoli	Mituna mpo na komaniola
Molongo Tala lisusu: Malongi mpe Mayokani 50:24	Maye nayekoli	Mituna mpo na komaniola

Ozwi nini na kati na milongo miye oyo efuli yo na oluka pole mpe bosolo ya minene koleka? Mpo na nini pole mpe bosolo ezali batitele mpo na Yesu Klisto? (tala Yoane 8:12; 14:6). Lolenge nini bosolo oyo epesi nguya na bomoi na yo?

Okoki lisusu kokoma bilaka etali lobi na yo ya seko ekoya kati na milongo 20, 22, 28, 33–35. Mokangano nini ezali kati na bilaka mpe kozwaka pole?

Banza kolukaka “Kotambola na pole ya Nzambe” (Mpo na Bokasi ya Bilenge: Bokambi mpo na Kosala Maponi, 18–21) mpo na kozwa maye okoki kosala mpo na kolonga pole mpe lolenge nini Nkolo alaki mpo na kopambola yo. Bavideo “Light and Truth, Part 1” and “Part 2” [“Pole mpe Bosolo, Eteni 1” mpe “Eteni 2”] (Gospel Library) ekoki kopesa makanisi mosusu.

Tala lisusu “Teach Me to Walk in the Light [Teya Ngai Natambola na Nzelaa ya Pole],” Hymns, no. 304; Topics and Questions, “Holy Ghost [Molimo Mosantu],” Gospel Library.

Light and Truth, Part 1

Light and Truth, Part 2

“Nkembo ya Nzambe ezali … pole mpe bosolo.”

Malongi mpe Mayokani 93:40–50

“Tia ndako na yo moko na molongo.”

Motindo ya “tia ndako na yo moko na molongo” (molongo 43) ezali etali kobongisa bibombelo bilamba mpe bibombelo biloko te kasi etali koteya—mpe koyekola—“pole mpe bosolo” (molongo 42). Baza lolenge nini ozali komeka kolanda toli. Mikakatanno nini ozali kokutana na yango? Bosolo nini kati na Malongi mpe Mayokani 93 ekoki kosalisa?

Babomoni nini olongi uta na mateya oyo na Mpaka David A. Bednar?

“Na bilo na ngai ezali na etando ya langi moko ya kitoko ya elanga ya masango. Etando ya langi ezali bosangisi monene ya bikomeli ya bato—moto moko te, oyo abombami ezali kitoko to kokamwa mpenza. Na yango, soki otelemi pene ya elamba, nyonso oyo okoki komona ezali banzela minene ekokani te mpe kitoko te ya langi ya mosaka mpe wolo mpe langi ya kaki. Nzokande, ntango okobanda kozonga nsima malembe uta na elamba, bosangisi nyonso ya balangi ya bato esangani mpe esali bomoni moko ya elanga ya masango ya kitoko. Mbala mingi, babosangisi ya langi ya misala ya bato elongo mpo na kokela etando ya langi ya kitoko mpe bonzenga.

“Libota nyonso, likambo nyonso ya boyekoli ya makoni ya libota, mpe likita ya mpokwa na libota nyonso ezali koyema lobete ya lingenda ya langi na etando ya milimo na biso. Likambo moko te ekoki komonana ezali kotya elembo to bokundoli mingi. Kasi kaka lokola lobete ya wolo mpe ya kaki ya langi ekobakisama mpe ekosala mosala kitoko ya ntoki, boye sikisiki na biso na kosalaka oyo emonani makambo ya mike ekoki komema na bambano ya ntina ya molimo. “Yango wana, bolemba na kosalaka malamu te, mpo bozali kotia moboko ya mosala monene. Mpe uta biloko ya mike mike nde ebimaka oyo ya monene [Malongi mpe Mayokani 64:33]. Sikisiki ezali libongisi ya motuya ntango totiaka moboko ya mosala monene na bomoi na biso ya bato mpe ntango tokomaka na ya etingya mpe ya komipea na bandako na biso moko” (“More Diligent and Concerned at Home [Ya Etingya mpe Komipesa mingi koleka na Ndako],” Liahona, Sanza ya zomi na moko. 2009, 19–20).

Tala lisusu Henry B. Eyring, “A Home Where the Spirit of the Lord Dwells [Ndako epayi wapi Molimo ya Nkolo Efandaka],” Liahona, Sanza ya mitano 2019, 22–25.

Nkolo atindi baboti “babokola bana na [bango] kati na pole mpe bosolo.”

Mpo na makanisi mingi, tala nsango ya sanza oyo na bamagazini ya Liahona mpe Mpo na Bokasi ya Bilenge

Makanisi mpo na Koteya Bana

Malongi mpe Mayokani 93:2–21

Yesu Klisto Azali Mwinda mpe Bomoi ya Mokili.

• Bobanza kolakisaka elilingi ya Mobikisi mpe kotunaka bana na bino mpo na nini ezali motuya koyekola etali mpe kolanda Yesu Klisto. Nsima bokoki kotanga elongo Malongi mpe Mayokani 93:19 mpo na komona motuya moko ya ntina.

• Bokoki kolinga kopona bosolo ebele oyo etali Klisto kati ya eteni 93 oyo ezali bofuli epayi na bino mpe bosalisa bana na bino bamona mpe basosola yango (tala lisusu “Mokapo 33: Emoniseli oyo etali Yesu Klisto,” kati na Masolo ya Malongi mpe Mayokani, 126–27, to video oyo ekokani kati na Gospel Library). Mpo na bosolo moko na moko oponi, okoki kopesa bana na bino liloba to nkoma mpo na koyoka ntango bozali kotanga molongo elongo. Ndakisa, Yesu Klisto:

  • Asalaki misala ya Tata (molongo 5).

  • Azali Pole ya Mokili (molongo 9).

  • Azali Mokeli ya mokili (molongo 10).

  • Azwaki nguya nyonso na lola mpe na mabele (molongo 17).

  • Azalaki elongo na Nzambe na ebandeli (molongo 21).

  Chapter 33: A Revelation about Jesus Christ: May 1833

Mambi moko na moko uta Pole ya Mokili, na Howard Lyon

Malongi mpe Mayokani 93:23, 29, 38

Nafandaki elongo na Tata na Lola yambo naya na mabele.

• Mobikisi abetaki nsete mbala misato kati na eteni 93 ete tofandaki na Nzambe “na ebandeli” (milongo 23, 29, 38). Mpo na kosalisa bana na bino bamona yango, bokoki kobengisa bango batanga Malongi mpe Mayokani 93:23, 29, 38 mpe boluka bosolo oyo etali bango moko oyo ezongelami kati na milongo oyo. Mpo na nini Tata na Lola alingaka biso toyeba bosolo oyo? bokoki lisusu kotuna bana na bino nini bayebi oyo etali bomoi na biso elongo na Tata na Lola yambo tobotama. Mpo na kosalisa bango bayekola mingi koleka, botanga elongo na bango moko to biteni mingi ya makomi oyo elandi: Yelemia 1:5; Malongi mpe Mayokani 138:53–56; Mose 3:5; Abalayama 3:22–26.

• Bokoki lisusu koyemba elongo “I Am a Child of God [Nazali Mwana Nzambe]” to “I Lived in Heaven [Nafandaki na Lola]” (Children’s Songbook, 2–3, 4) mpe bosolola bosolo toyekolaka uta na nzembo oyo etali ntina na biso ya koya na mabele.

Malongi mpe Mayokani 93:24–39

Nazwaka pole mpe bosolo ntango natosaka Nzambe.

• Mpo na kosalisa bana na bino basalela bosolo etali botosi kati na Malongi mpe Mayokani 93, bobanza kokomaka milongo ya makomi moke uta na eteni oyo na biteni ya lokasa. Likolo ya biteni ekesena ya lokasa, bokoma bosolo oyo ya milongo moko na moko oyo etei. Bana na bino bakoki kosala elongo mpo na kotanga milongo mpe kokokanisa bosolo na milongo ya makomi. Bandakisa ekoki kotiama:

  • Molongo 24: Bosolo ezali koyeba makambo oyo ezali solo ya kala, ya sikawa, mpe oyo ekoya lobi.

  • Molongo 28: Nakoki kozwa pole mpe bosolo ntango nazali kobatela mitindo.

  • Molongo 37: Ntango nazali na pole mpe bosolo, nazali na makoki ya kotelemela mabe.

  • Molongo 39: Nabungisaka pole mpe bosolo ntango nazangaka botosi.

  Bokoki kolinga kokabola bandakisa ya bosolo oyo boyei koyeba ntango bobatelaki mitindo ya Nkolo.

Bosalela kolandisama na mibu ya bana na bino. Boyebi babosenga mpe makoki ya bana na bino; bozala na bonsomi ya kosalela makanisi ya molulu mpo na kokokisa babosenga na bango. Ndakisa, kati na molulu oyo, soki bozali koteya bilenge bana, ekoki kozala malamu mingi koleka koyekama na bosolo moko ya pete uta na eteni 93.

Mpo na makanisi mosusu, tala nimero ya sanza oyo ya magazini ya Friend .

Pole mpe Bosolo, na Simon Dewey