C.C.A. Christensen (1831–1912), Zion’s Camp, c. 1878, tempera on muslin, 78 x 114 inches. Mize ya Ntoki ya Iniversite ya Brigham Young, Likabo ya bankoko ya C.C.A Christensen, 1970.

Sanza ya Libwa 15–21: “Nsima ya Mikakatano Mingi … Eyaka Mapamboli”

Malongi mpe Mayokani 102–105

Basantu na Kirtland bayokaki nkele ya koyoka ete bandeko na bango ya mibali mpe ya basi na Jackson County na Missouri, babenganaki bango na bandako na bango. Esengelaki kolendisa, na ntango wana, ntango Nkolo asakolaki ete “libiki ya Siona” elingaki “koya na nguya” (Malongi mpe Mayokani 103:15). Na elaka wana na mitema, koleka mibali 200, basi mpe bana 25 bamikomisaki na oyo babengaki Nganda ya Yisalaele, oyo nsima eyebanaki lokola Nganda ya Siona. Etinda na bango ezalaki ya kotambola ti na Missouri mpe kosikola Siona.

Na bandimi ya nganda wana, kosikola Siona elingaki koloba kozongisa Basantu na mabele na bango. Kasi kaka liboso ete bakoma na Jackson County, Nkolo alobaki na Joseph Smith akanga mpe apanza Nganda ya Siona. Bandimi mosusu ya nganda babulunganisamaki mpe bayokaki nkanda; emonanaki ete etinda ebungisamaki mpe bilaka ya Nkolo ekokisamaki te. Nzokande, Basusu bamonaki yango lolenge mosusu. Ntango Basantu oyo bapanzanaki bazwaki mabele mpe bandako na bango te, boyebi ememaki ndelo moko ya “lisikoli” na Siona mpe “eyaki na nguya.” Bandimi ya sembo ya Nganda ya Siona, mingi na baoyo nsima bakomaki bakambi ya Eklezia, batatolaki ete likambo wana ekomisaki bondimi na bango na nguya ya Nzambe mozindo, na libiangi ya bonzambe ya Joseph Smith, mpe Siona—kaka Siona ya mboka te kasi Siona ya bato ya Nzambe. Na esika ya kotia ntembe na motuya ya lotomo oyo emonanaki lokola ya elonga te, bayekolaki ete lotomo ya solo ezali kolanda Mobikisi, ata ntango tozali kososola nyonso te. Oyo ezali lolenge Siona, na nsuka, ekosikolama.

Tala Basantu, 1:194–206; “The Acceptable Offering of Zion’s Camp [Boyambi Likabo ya Ngadnda ya Siona],” na Revelations in Context, 213–18.

Makanisi mpo na koteya na Ndako mpe Eklezia

Malongi mpe Mayokani 102:12–23

Ntina ya masanga ya etumbu ezali nini?

Eteni 102 ezali na baminiti ya likita na Kirtland na Ohio, wapi lisanga linene ya yambo ebongisamaki. kati na milongo 12–23, Nkolo alimboli nzela masanga manene elandaka ntango basalaka masanga ya kimondimi mpo na baye babukaki mibeko ya makasi.

Mokambi M. Russell Ballard ateyaki: “Bandimi ntango mosusu batunaka ntina nini masanga ya [etumbu] esalemaka kati na Eklezia. Ntina ezali misato: mpo na kobikisa molimo ya mobuki mibeko, mpo na kobatela moto asali mabe te, mpe mpo na kobatela bopeto, bosembo, mpe nkombo malamu ya Eklezia” (“A Chance to Start Over: Church Disciplinary Councils and the Restoration of Blessings [Litomba ya Kobanda: Masanga ya Bomoto ya Eklezia mpe Bozongisi ya Mapamboli],” Ensign,, Sanza ya Libwa 1990, 15).

Tala lisusu Topics and Questions, “Mem‎bership Councils [Masanga ya Kimondimi],” Gospel Library.

Malongi mpe Mayokani 103`:1–12; 105:1–19

Siona ekoki kotongama kaka na mabongi ya bosembo.

Ntina nini Basantu babungisaki mabele na bango ya elaka na Missouri? Ekoki kozala na bantina ebele—kasi moko, oyo Nkolo alobaki, ezalaki “masumu ya batu.” Soki te mpo na yango, Siona “esengelaki kosikolama” (Malongi mpe Mayokani 105:2). Ntango otangi Malongi mpe Mayokani 103:1–12, 36; 105:1–19okoki komona mwa makambo oyo epekisaki botongi ya Siona na Missouri mpe makambo masusu oyo ekokaki kosalisa. Nini oyekoli oyo ekoki kosalisa yo otonga Siona na motema, ndako mpe lingomba na yo ya bato?

Malongi mpe Mayokani 103:12–13, 36; 105:1–6, 9–19

Mapamboli eyaka nsima ya mitungisi ya bondimi.

Na banzela mingi, kosala elongo na Nganda ya Siona ezalaki momekano ya bondimi. Mobembo ezalaki molai, molunge ezalaki makasi, mpe bilei mpe mai ezalaki ntango mosusu moke mpenza. Mpe nsima ya boyiki mpiko na bango nyonso, Nganda ya Siona elongisamaki kaka naino te mpo ete Basantu bazonga na mabele na bango. Kanisa soki ozalaki na libaku ya kokomela mondimi moko na Nganda ya Siona mokanda oyo bondimi na ye na Nkolo ezali kotatabana na boyebi na ye. Nini okoki koloba mpo na kolendisa moto oyo? Babosolo nini ozwi kati na Malongi mpe Mayokani 103:5–7, 12–13, 36; 105:1–6, 9–19 oyo ekoki kosalisa?

Nsima okoki kokanisa oyo etali ndakisa moko ya mikolo ya lelo ya mokakatano lokola Nganda ya Siona—lokola misionele oyo asalaka makasi, kasi moto moko te ayaka na Eklezia mpo na babokasi na ye. Kolandisama na maye oyekolaki, lolenge nini okoki kosalisa misionele wana amona ete misio na ye ezalaki kaka malamu?

Lolenge nini Nkolo apambolaki yo “nsima ya mitungisi mingi”? (Malongi mpe Mayokani 103:12).

Tala lisusu 1 Nefi 11:16–17; Alma 7:11–12; Malongi mpe Mayokani 6:33–36; 84:88; 101:35–36; David A. Bednar, “On the Lord’s Side: Lessons from Zion’s Camp [Na Ngambo ya Nkolo: Mateya uta na nganda ya Siona],” Ensign, Sanza ya Nsambo 2017, 26–35, to Liahona, Sanza ya Nsambo 2017, 14–23; Topics and Questions, “Endure to the End [Yika Mpiko kino na Nsuka],” Gospel Library; “How Firm a Foundation [Moboko ya Sikisiki Mpenza],” Hymns, no. 85.

Milengela na boyekoli lisolo elimbolami ya bimoniseli. Kososolaka ndimbola ya bimoniseli kati na Malongi mpe Mayokani ekoki kosalisa yo ososola mpe osalela mabongisi oyo ezali koteya. Yaka, Landa Ngai epesaka mikangano na mingi ya mikanda oyo. Mpo na Malongi mpe Mayokani 102–5, tala Basantu, 1:194–206; “The Acceptable Offering of Zion’s Camp [Boyambo ya Likabo Nganda ya Siona],” na Revelations in Context, 213–18; mpe “Voices of the Restoration: Zion’s Camp [Mingongo ya Bozongisi: Nganda ya Siona].”

Nganda ya Yisalaele etongamaki penepene ya mabongo ya Ebale ya Little Fishing

Ntina ya mikakatano ezalaka nini?

Banza toli ya Mpaka Orson F. Whitney etali ntina ya mikakatano: “mpasi moko te oyo tozali konyokwama, momekano moko te oyo tozali na yango ezali mpamba. Esalaka na bobokoli na biso, na botombwami ya bantina lokola bompikiliki, bondimi, bokasi mpe bomikitisi. Oyo nyonso tozali konyokwama mpe oyo tozali koyikela mpiko, mingimingi ntango tozali koyikela yango mpiko na bompikiliki, etongaka bizalela na biso, epetolaka mitema na biso, ekubisaka milimo na biso, mpe ekomisaka biso boboto mpe bolingo, mingi babongi nie mpo na kobengama bana ya Nzambe … mpe ezali nde na nzela ya mawa mpe mpasi, mosala ya mpasi mpe mikakatano, nde tozwaka bobokoli oyo toyeli kozwa awa mpe oyo ekomisaka biso mingi lokola Tata mpe Mama na lola” (na Spencer W. Kimball, Faith Precedes the Miracle [Bondimi Eyaka Liboso ya Likamwisi] [1972], 98).

Malongi mpe Mayokani 104:11–18, 76–83

Nkolo asalaki ngai “kalaki ya mapamboli ya mabele.”

Likolo ya mimekano na Missouri, na 1834 Eklezia ekutanaki na kpokoso ya mosolo, lokola baniongo ya minene mpe kobimisa mbongo mingi . Na eteni 104 Nkolo apesi toli na makambo ya mosolo ya Eklezia. Boniboni okoki kosalela mabongisi na milongo 11–18 mpe 78–83 na mikano na yo moko ya mosolo?

Tala lisusu “Treasure in Heaven: The John Tanner Story [Bomengo kati na Lola: Lisolo ya John Tanner]” mpe “The Labor of His Hands [Mosala ya Maboko na Ye]” (videos), Gospel Library.

Treasure in Heaven: The John Tanner Story

The Labor of His Hands

Mpo na makanisi mingi koleka, tala nsango ya sanza oyo na bamagazini ya Liahona mpe Mpo na Bokasi ya Bilenge .

Makanisi mpo na Koteya Bana

Malongi mpe Mayokani 103:9

Nakoki kozala “pole na mokili” na kolandaka Yesu.

• Bokoki kobengisa bana na bino basimba bililingi ya pole ya ampule, ya buji, to ewuteli mosusu ya pole ntango bozali kotanga Malongi mpe Mayokani 103:9. Lolenge nini tokoki kozala lokola mwinda epayi ya basusu ntango tozali kolanda Yesu Klisto? Tala lisusu “Jesus Wants Me for a Sunbeam [Yesu Alingi Ngai mpo na likonzi ya moi]” (Children’s Songbook, 60–61).

Nakoki kozala lokola mwinda epayi ya basusu ntango nazali kolanda Yesu Klisto.

Malongi mpe Mayokani 104:13–18

Nkolo alingi ngai nakabola oyo nazali na yango na bato oyo bazali na bosenga.

• Bokoki kolinga kopesa bana na bino mwa baminiti mpo na kokoma mapamboli Nzambe apesaki bango (lokola bilei, elamba, batalanta, bondimi mpe libota). Bolendisa bango bakoma molongo mingi oyo bakoki kokoma. Nsima bokoki kotanga elongo Malongi mpe Mayokani 104:13–18, kolukaka biyano na mituna lokola oyo: Nani azali mukolo bosolo ya makambo nyonso? Nini Ye alingaka biso tosala na makambo oyo? Bino mpe bana na bino bokoki kokabola baboyebi ya moto oyo apesaki bino eloko moko bozalaki na yango bosenga (tala lisusu “The Coat [Kazaka]” [video], Gospel Library).

  The Coat

Malongi mpe Mayokani 104:42

Nkolo akopambola ngai ntango nazali kobomba mitindo.

• Mbala mingi na kati na eteni 104 Nkolo alaki “mapamboli ndenge na ndenge” na bato oyo batosaka na bondimi mitindo na Ye. Mpo na kosalisa bana basosola soki “ndenge na ndenge” elakisi nini, bokoki koyema zolongano mpe kotuna bana basalisa bino babakisa motango ya bazolongano—koyemaka mibale, nsima minei, nsima zomi na motoba mpe bongo na bongo. Mbala nyonso bokobakisa bazolongano, bosalisa bana na bino bakanisa lipamboli Tata na Lola apesaki bango.

Malongi mpe Mayokani 105:38–40

Nakoki kozala mosali kimya

• Mpo na kosalisa bana na bino bayekola lisolo ya Nganda ya Siona, bokoki kokabola “Mokapo 36: Nganda ya Siona” (kati na Masolo ya Malongi mpe Mayokani, 135–39, to video oyo ekokani kati na Gospel Library). Pemisaka mbala na mbala mpo na kosolola oyo etali mateya oyo tokoki koyekola uta na Nganda ya Siona—ndakisa, oyo Nkolo alingi biso tozala na kimya mpe tosala elongo na esika ya koswana mpe kobunda (tala lisusu Russell M. Nelson, “Peacemakers Needed [Bonsenga ya Papesi Kimia],” Liahona, Sanza ya Mitano 2023, 98–101).

  Chapter 36: Zion’s Camp: February–June 1834

• Bokoki lisusu kotanga Malongi mpe Mayokani 105:38–40 mpe kotuna bana batelema ntango nyonso bakoyoka liloba “kimia.” Bolimbola ete Nkolo alingaki Basantu basala elongo na bato oyo bazalaki na boboto te. Bosalisa bana na bino bakanisa makambo oyo bakoki kosala mpo na kozala basali ya kimya, mpe bengisa bango basala lisano moko ya makambo songolo.

Mpo na makanisi mingi, tala nsango ya sanza oyo na magazini ya Moninga .

Nganda ya Siona (Nganda ya Siona na Ebale ya Fishing), na Judith A. Mehr