C.C.A. Christensen (1831–1912), Saints Driven from Jackson County Missouri [Babimisami uta na Mboka Jackson Misssouri], c.1878, tempera likolo ya bamizilma, 77 ¼ × 287, 02 cm. Brigham Young University Museum of Art [Muse ya Ntoki ya Universite ya Brigham Young] , likabo ya bankokololo ya C.C.A. Christensen, 1970.

Sanza ya libwa 8–14: “Zala Kimia mpe Yeba Ete Nazali Nzambe”

Malongi mpe Mayokani 98–101

Mpo na Basantu ya 1830, Independence na Missouri, ezalaki mpenza mabele ya elaka. Ezalaki “esika ya katikati ” ya Siona (Malongi mpe Mayokani 57:3)—engumba ya Nzambe na mabele—mpe bosangani ya Basantu kuna ezalaki bobandi ya kosepelisa mpo na Boyei ya Mibale. Kasi bazalani na bango na esika wana bamonaki yango makambo na ndenge mosusu. Bazwaki likambo yango na bonsenga ete Nzambe apesaki mabele wana na Basantu, mpe bazalaki kosepela te ya bambuma ya politiki, ya nkita, mpe ya bomoi ya bato mingi oyo bamesanaki na yango te oyo bayaki kofanda na lobango mpenza. Eumelaki te, kozanga komiyoka malamu ekomaki minyoko mpe mobulu. Na 1833, bilo ya konyata mikanda ya Eklezia ebebisamaki, mpe Basantu balongolamaki na makasi na bandako na bango.

Joseph SmitSh azalaki mosika koleka kilometele 1500 na Kirtland, mpe nsango oyo esalaki baposo mpo na kokoma epayi na ye. Kasi Nkolo ayebaki oyo ezalaki kosalema, mpe amonisaki epayi ya Profeta mabongi ya kozwa kimia mpe bolendisi oyo esengelaki kolendisa Basantu—mabongisi oyo ekoki lisusu kosalisa biso ntango tokutani na monyokoli, ntango bamposa na biso ya bosembo ekokisami te, to ntango tozali na bosenga ya kokundolisama ete mitungisi na biso ya mokolo na mokolo nsuka, na lolenge moko to mosusu, “ekosala elongo mpo na bolamu na [biso] ” (Malongi mpe Mayokani 98:3).

Tala Basantu, 1:171–93; “Waiting for the Word of the Lord [Kozela Liloba ya Nkolo],” kati na Revelations in Context,, 196–201.

Makanisi mpo na koteya na Ndako mpe na Eklezia

Malongi mpe Mayokani 98:1–3, 11–14, 22; 101:1–16, 22–31, 36

Mimekano na ngai ekoki kosala elongo mpo na bolamu na ngai.

Mwa mikakatano na biso na bomoi ewutaka na maponi na biso moko. Misusu ewutaka na maponi ya basusu. Mpe ntango mosusu makambo esalemaka kaka oyo ezali eteni ya bokufi. Na kozangaka kotala ntina na yango, mpasi ekoki kosalisa bantina ya bonzambe ekokisama ntango tobaluki epayi ya Nzambe.

Oyo ezalaki solo mpo na Basantu na Missouri na 1833, mpe ezali solo mpo na biso lelo. Ntango otangi oyo Nkolo ayebisaki Basantu kati na Malongi mpe Mayokani 98 mpe 101, manyola lolenge nini nsango na Ye etali mimekano to mikakatano ya ndenge na ndenge oyo okoki kozala na yango. Tala mwa mituna mpe biloko oyo ekosalisa yo.

Soki momekano ezali mbano ya:

• Maponi ya moto yemei: Toli nini—mpe bilaka nini—ozwi kati na Malongi mpe Mayokani 98:11–12; 101:1–9? Oyekoli nini uta na milongo oyo etali Tata na Lola mpe Yesu Klisto? Oyoki nini oyo Nzambe alingi yo osala?

• Maponi ya basusu: Bolendisi nini ozwi kati na Malongi mpe Mayokani 98:1–3, 22; 101:10–16, 22? Lolenge nini Nkolo alingi biso toyanola na kobebisama, kotungisama, to mobulu? (Tala Lisalisi mpo na Bomoi, “Abuse [Bosali Mabe],” Gospel Library; Topics and Questions, “Abuse [Mabe],” Gospel Library.) Milongo oyo eteyi nini oyo etali lolenge nini kotia elikya na yo na Nkolo?

• Mikakatano ya bokufi: Makanisi nini ozwi euti na Malongi mpe Mayokani 98:1–3; 101:22–31, 36? Oyekoli nini uta na mimekano na yo? Ozali kosala nini mpo na kobengisa lisalisi ya Nzambe? Lolenge nini Asalisaka yo?

Mpo na koyekola mingi oyo etali lolenge nini Nzambe akoki kosala “makambo nyonso oyo onyokwamaki na yango … bosala elongo mpo na bolamu na yo” (Malongi mpe Mayokani 98:3), banza koyekolaka nsango ya Mpaka Anthony D. Perkins “Remember Thy Suffering Saints, O Our God [Omikundola Basantu na Yo ya Mpasi, O Nzambe na Biso]” (Liahona, Sanza ya zomi na moko. 2021, 103–5). Okoki koluka eteni moko na nsango na ye oyo ekosalisa yo ososola lolenge nini Mobikisi abengisi yo otala mikakatano na yo. Na ndenge nini mimekano na yo esanganaki mpo na bolamu na yo to ekokisaki bantina ya Nzambe?

Tala lisusu Baloma 8:28; 2 Nefi 2:2; Malongi mpe Mayokani 90:24; D. Todd Christofferson, “Come to Zion [Yaka na Siona],” Liahona, Sanza ya zomi na moko 2008, 37–40; “Trial of Adversity,” “Feeling the Lord’s Love and Goodness in Trials [Komona Bolingo mpe Bolamu ya Nkolo na Mimekano],” “The Refiner’s Fire [Moto ya Kongengisa]” (videos), ChurchofJesusChrist.org.

Trial of Adversity

Feeling the Lord's Love and Goodness in Trials

The Refiner's Fire

Malongi mpe Mayokani 98:23–48

Nkolo alingi ngai naluka kimia na lolenge na Ye.

Mokambi Russell M. Nelson ateyaki: “Balandi ya Yesu Klisto basengeli kozala ndakisa mpo ete mokili mobimba elanda. Nabondeli bino bosala nyonso oyo bokoki mpo na kosilisa matata ya moto na moto oyo ezali sikawa kopela na mitema na bino mpe na bomoi na bino” (“The Power of Spiritual Momentum [Nguya ya Botindiki ya Molimo],” Liahona, Sanza ya mitano 2022, 97).

Atako makambo nyonso na Malongi mpe Mayokani 98:23–48 ekosalema te na boyokani na yo moko na basusu, mitindo nini omoni oyo ekoki kotambwisa yo mpo na kosilisa matata ya moto ye moko na bomoi na yo? Okoki kozwa bosolo mosusu na nzembo moko oyo elobeli kimia to bolimbisi, na ndakisa “[Truth Reflects upon Our Senses [Solo Emonisaka Mayoki na Biso]” (Hymns, no. 273).

Mambi uta Christ and the Rich Young Ruler [Klisto mpe Elenge Mozwi Mosali Mibeko], na Heinrich Hofmann

Malongi mpe Mayokani 99–100

Nkolo abatelaka bato oyo basalelaka Ye.

Emoniseli oyo kati na biteni 99 mpe 100 epesamaki na bato oyo bazali na mikumba ya motuya kati na Eklezia kasi etalaki lisusu na ntina na mabota na bango. Nini omoni kati na bimoniseli yango oyo ekokaki kosalisa bango? Nsango nini Nkolo azali na yango mpo na yo na bimoniseli oyo?

Tala lisusu “John Murdock’s Missions to Missouri [ Bamisio ya John Murdock na Missouri]” kati na “‘I Quit Other Business’: Early Missionaries [Natikaki Mosala Mosusu’: Bamisionele ya Liboso]” mpe “A Mission to Canada [Misio na Canada],” kati na Revelations in Context, 87–89, 202–7.

Malongi mpe Mayokani 101:43–65

Kolanda toli ya Nkolo esalisaka kobatela ngai na kimia.

Lisese oyo ezwami na Malongi mpe Mayokani 101:43–62 elimboli mpo na nini Nkolo apesaki nzela babengana Basantu libanda ya Siona. Ntango ozali kotanga milongo oyo, omoni bokokani katikati na yo moko mpe basali na lisese yango? Lolenge nini okoki kolakisa Nzambe ete ozali na “bolingi ya kokambama na nzela moko malamu mpe elongobani mpo na lobiko na [yo]”? (tala milongo 63–65).

Salela masolo to masese. Ntango mosusu ezali pete koyekola uta na mpe kokangisa masolo mpe masese na makomi ntango tomitie na esika ya bato oyo yango elimboli. Soki ozali koteya Malongi mpe Mayokani 101:43–62, okoki kobengisa bayekoli basala lisese yango ntango moto moko azali kotanga yango na mongongo makasi. Bososoli nini ozwaka na kotiaka misala na maloba?

Mpo na makanisi mingi koleka, tala nsango ya sanza oyo na magazini ya Liahona mpe Mpo na Bokasi ya Bilenge .

Makanisi mpo na Koteya Bana

Malongi mpe Mayokani 98:1–3

Yesu Klisto akoki kobalusa mimekano na ngai na mapamboli.

• Bokoki kobanda lisolo na kotuna bana na nao oyo etali mwa mikakatano oyo bana ya mibu na bango bakutanaka na yango. Nsima bokoki kotanga elongo Malongi mpe Mayokani 98:1-3 mpe bosolola oyo etali lolenge nini Yesu Klisto akoki kobalusa mimekano na mapamboli. bokoki kokabola na bana na bino bandakisa ya lolenge nini Ye abongoli mimekano na bino na mapamboli.

Malongi mpe Mayokani 98:39–40

Mobikisi asalisaka ngai nalimbisa.

Likebisi: Ntango bozali koteya bana na bino motuya ya kolimbisa, bosala makasi ete basosola mpe ete soki moto azokisi bango, basengeli ntango nyonso koyebisa mokolo oyo batyelaka motema.

• Mikapo 34 mpe 35 kati na Masolo ya Malongi mpe Mayokani (128–34) ekokaki kosalisa bino boteya oyo etali lolenge nini Basantu basalelamaki na Missouri na 1833. Bino na bana na bino bokoki kolobela oyo etali lolenge Basantu bakokaki koyoka. Nsima bokoki kotanga elongo Malongi mpe Mayokani 98:23, 39–40 mpo na koyeba nini Nkolo alingaki bango basala. Bino mpe bana na bino bokokaki kosolola oyo etali bantango bosengelaki kolimbisa moto moko mpe lolenge nini Mobikisi asalisaki bino.

• Bokoki mpe kolakisa bana na bino bililingi ya elongi ya esengo mpe elongi ya mawa. Lobela makambo oyo moto azangi boboto, mpe lobela ndenge ya koyanola. Bosalisa bana na bino bapona soki eyano mokomoko ekopesa bango esengo to mawa na komonisaka elongi oyo ekokani na yango. Mpo na nini Yesu alingi ete tolimbisa bato, ata baoyo bazali malamu te epayi na biso?

Chapter 34: God Warns the People of Zion: July–August 1833

Chapter 35: The Saints Leave Jackson County, Missouri: September–December 1833

Malongi mpe Mayokani 101:16, 23–32

Yesu Klisto akoki kopesa ngai kimia.

• Nsima ya kotanga Malongi mpe Mayokani 101:16, bosalisa bana na bino bayeba mayoki ya kimia oyo eyaka ntango tozali kokoba mpe kokanisa oyo etali Yesu—ndakisa ntango tozali kosambela to kolia elambo. Bokoki lisusu koyemba elongo nzembo oyo etali limemya, lokola “Reverently, Quietly [Na Limemya nyonso, Na Kimia nyonso]” to “To Think about Jesus [Kokanisa oyo etali Yesu]” (Children’s Songbook, 26, 71). Lolenge nini ekoki biso koyoka kimia na Ye na ndako na biso?

• Bana na bino bakoki kosepela na koyeba ndenge bomoi ekozala ntango Yesu Klisto akoya lisusu. Botanga Malongi mpe Mayokani 101:23-32 elongo, mpe bolobela makambo oyo bakokuta na milongo oyo ekomemela biso esengo ntango Ye akoya. Mpo na nini ezali malamu koyeba makambo yango ntango tozali na mikakatano?

Yesu Klisto akomema kimia mpe esengo ntango Ye akoya lisusu

Mpo na makanisi mingi koleka, tala nsango ya sanza oyo na magazini ya Moninga .

Missouri Burning [Missouri Ezali Kozika], na Glen S. Hopkinson