“Mingongo ya Bozongisi: Zion’s Camp (Nganda ya Siona),” Yaka, Landa Ngai—Mpo na Ndako mpe Eklezia: Malongi mpe Mayokani 2025 (2025)

“Zion’s Camp (Nganda ya Siona),” Yaka, Landa Ngai—Mpo na Ndako mpe Eklezia: 2025

Mingongo ya Bozongisi

Nganda ya Siona

Mpo Nganda ya Siona ezongisamaki mokolo moko te na mabele ya Mboka Jackson, bato mingi bayokaki ete bokasi na bango ezali likweyi. Nzokande, bato mingi oyo bazalaki kosala elongo ya Nganda ya Siona batalaki nsima na mayele na bango mpe bamonaki lolenge nini Nkolo akokisaki ntina miminene na bomoi na bango mpe na bokonzi na Ye. Oyo ezali mwa matatoli.

Joseph Smith

Mibu 40 nsima ya Nganda ya Siona, Joseph Young, oyo azalaka moko na nganda, alobaki ete Joseph Smith alobaki boye;

“Bandeko, basusu kati na bino basilikeli ngai, mpamba te bobundaki te na Missouri; kasi tika nalobela bino, Nzambe alingaki te bobunda. Akokaki kobongisa bokonzi na ye elongo na bato zomi na mibale mpo na kofungola ekuke ya nsango malamu mpo na bikolo ya mabele, mpe na bato ntuku nsambo na nse na bango mpo na kolanda bitambe na bango, longola se soki azwaki bango uta na liboke ya bato oyo babonzaki bomoi na bango, mpe oyo basalaki libonza moko monene lokola esalaki Abalayama.

“Sikawa, Nkolo azwi Bazomi na Mibale na ye mpe Bantuku Nsambo na ye, mpe ekozala na masanga makoki masusu ya Bantuku Nsambo oyo bakobiangama, oyo bakosala libonza, mpe baye basali te mabonza mpe makambo na bango sikawa, bakosala yango na nsima.”

Brigham Young

“Ntango tokomaki na Missouri Nkolo alobelaki mosali na ye Joseph mpe alobaki, ‘Nandimi likabo na bino,’ mpe tozali na litomba ya kozonga lisusu. Na kozonga na ngai baninga mingi batunaki ngai litomba nini ezalaki na kobengaka bato mosika na mosala na bango mpo na kokende ti na Missouri mpe nsima kozonga, na kozanga kokokisa eloko moko. ‘Na nani yango ezali litomba?’ etunaki bango. ‘Soki Nkolo atindaki yango esalema, ntina nini ezalaki na makanisi na ye na kosalaka bongo?’ … Nalobelaki bandeko wana ete nafutamaki malamu—nafutamaki na litomba monene—iyo ete emekeli na ngai etondisamaki nde kotonda na boyebi oyo nazwaki na kosalaka mobembo elongo na Profeta.”

Wilford Woodruff

“Nazalaki na Nganda ya Siona elongo na Profeta ya Nzambe. Namonaki misala na Nzambe elongo na ye. Namonaki nguya ya Nzambe elongo na Ye. Namonaki ete azalaki Profeta. Oyo emonisamaki na ye na nguya ya Nzambe likolo ya etinda wana ezalaki na motuya monene mpo na ngai mpe mpo na banso oyo bayambaki malakisi na ye.”

“Ntango bandimi ya Nganda ya Siona babiangamaki mingi na biso tomonanaka mokolo moko te bilongi; tozalaki bapaya biso na biso mpe mingi bamonaki mokolo moko te profeta. Topanzanaki mosika, lokola nkona efulami na etando, na kati ya ekolo. Tozalaki bilenge mibali, mpe tobiangamaki na mikolo wana ya ebandeli mpo na kokende kuna mpe kosikola Siona, mpe oyo tosengelaki kosala tosengelaki kosala na bondimi. Tosanganaki elongo uta Bikolo kilikili na Kirtland mpe tokendeki kuna mpo na kosikola Siona, na kokokisaka motindo ya Nkolo epayi na biso. Nzambe andimaki misala na biso lokola Asalaki mpo na misala ya Abalayama. Tosalaki boyokani monene, atako bapengwi mpe bazangi bondimi mbala mingi batunaki motuna ‘nini basalaki?’ Tozwaki mayele oyo tokoki mokolo moko te kozwa [na] nzela mosusu. Tozalaki na litomba ya komona elongi ya profeta, mpe tozalaki na litomba ya kosala mobembo moko ya bakilometele nkoto na ndambo elongo na ye, mpe komona misala ya molimo ya Nzambe elongo na ye, mpe bimoniseli ya Yesu Klisto epayi na ye mpe bokokisi ya bimoniseli wana. Mpe asangisaki mwa bampaka nkama mibale uta na ekolo mobimba na mokolo wana ya ebandeli mpe atindaki biso kopanzana na mokili mpo na koteya nsango malamu ya Yesu Klisto. Soki nakendeki te kuna na Nganda ya Siona nakokaki te kozala awa lelo na Salt Lake City kosalaka na Lisanga Likoki ya Zomi na Mibale. … Na kokendaka kuna tondimamaki na elanga ya vinyo mpo na koteya nsango malamu, mpe Nkolo andimaki mosala na biso. Mpe na misala mpe minyokoli na biso nyonso, na bomoi na biso mbala mingi na likama, tosengelaka kosala mpe kozala na bondimi.”

“Mayele oyo [biso] tozwaki na kosalaka mobembo na Nganda ya Siona ezalaki mingi koleka wolo.”