C. C. A. Christensen (1831–1912), Tolauapiga a Siona, c. 1878, tempera on muslin, 78 × 114 inisi. Falemataaga o Faatufugaga a le Iunivesite o Polika Iaga, meaalofa a le fanau a fanau a C.C.A. Christensen, 1970.

15–21 Setema: ‟A Mavae Puapuaga e Tele … Ona Oo Mai Lea o le Faamanuiaga”

Mataupu Faavae ma Feagaiga 102–105

Sa nutimomoia loto o le Au Paia i Katelani i le faalogo atu o tutuliese o latou uso ma tuafafine i le Itumalo o Siakisone, Misuri, mai o latou fale. Atonu la ai sa avea ma faamalosiauga ina ua folafola atu e le Alii e faapea, “o le laveaiina o Siona” o le a “oo mai e ala i le mana” (Mataupu Faavae ma Feagaiga 103:15). Faatasi ai ma lena folafolaga i o latou loto, e silia ma le 200 alii, ma le pe tusa ma le 25 tamaitai ma tamaiti, sa auai i le mea na latou ta’ua o le Tolauapiga a Isaraelu, lea na ta’ua mulimuli ane o le Tolauapiga a Siona. O lana misiona sa i ai, ia savavali atu i Misuri e laveai Siona.

I sui auai o le tolauapiga, o le laveaiina o Siona sa faauigaina o le toeaumaiga o le Au Paia i o latou laueleele. Peitai, toeitiiti lava taunuu le tolauapiga i le Itumalo o Siakisone, sa ta‘u mai e le Alii ia Iosefa Samita e faataape le Tolauapiga a Siona. Sa fenumiai ma lē fiafia ni isi o tagata o le tolauapiga; sa foliga mai ua le manuia le malaga ma sa lei faataunuuina folafolaga a le Alii. Ae peitai, o isi sa ese so latou manatu i ai. E ui ina sa le’i toe maua e le Au Paia na faate’aina o latou fanua ma fale, ae o le aafiaga na aumaia ai se tulaga o le “laveaiga” ia Siona, ma sa “oo mai [lava] e ala i le mana.” O sui faamaoni o le Tolauapiga a Siona, o le toatele o i latou na avea mulimuli ane o ni taitai o le Ekalesia, sa molimauina o le aafiaga na faalolotoina ai o latou faatuatua i le mana o le Atua, i le valaauga faalelagi o Iosefa Samita, ma i Siona—e le na’o Siona le nofoaga ae o Siona le nuu o le Atua. Nai lo o le fesiligia o le taua o lenei galuega e foliga mai sa le faamanuiaina, sa latou aoaoina o le galuega moni lava o le mulimuli i le Faaola, e tusa lava pe tatou te le malamalama i mea uma. O le iuga la, o le ala lenei o le a laveaiina ai Siona.

Tagai i le Au Paia, 1:194–206; “The Acceptable Offering of Zion’s Camp,” i le Revelations in Context, 213–18.

Manatu mo le Aoaoina i le Aiga ma i le Lotu

Mataupu Faavae ma Feagaiga 102:12–23

O le a le faamoemoega o fono o tagata o le ekalesia?

O levaega 102 o loo i ai minute o le fonotaga i Katelani, Ohaio, lea na faatulagaina ai le au fautua maualuga muamua lava a le Ekalesia. O fuaiupu 12–23, ua faamatala ai aiaiga e mulimuli ai fautua maualuga pe a faia fono o tagata o le ekalesia mo i latou o e ua solia ni agasala matuia.

Ua aoao mai Peresitene M. Russell Ballarad: “O nisi taimi e fesili ai tagata o le Ekalesia pe aisea e faia ai fono o tagata o le Ekalesia. O le faamoemoega e tafatolu: ia laveai le agaga o le tagata solitulafono, ia puipuia le e ta’umamaina, ma ia malupuipuia le mama a’ia’i, amiotonu, ma le igoa lelei o le Ekalesia” (“A Chance to Start Over: Church Disciplinary Councils and the Restoration of Blessings,” Ensign, Set. 1990,15).

Tagai foi i Autu ma Fesili, ‟Fono o Tagata o le Ekalesia,” Gospel Library.

Mataupu Faavae ma Feagaiga 103:1–12, 36; 105:1–19

E mafai ona faatuina Siona i luga o mataupu faavae o le amiotonu.

Aisea na le toe i ai i le Au Paia lo latou laueleele o le folafolaga i Misuri? Atonu sa tele ni mafuaaga—e le itiiti ifo ma le tasi, na fetalai ai le Alii, ‟o solitulafono a lo’u nuu.” Ana leai lena mea, semanu “po ua laveaiina” Siona (Mataupu Faavae ma Feagaiga 105:2). A o e faitau i le Mataupu Faavae ma Feagaiga 103:1–12, 36; 105:1–19, e mafai ona e maitaua ai nisi o mea na taotaomia ai le faatuina o Siona i Misuri ma isi na semanu e mafai ona fesoasoani ai. O le a se mea na e aoaoina e mafai ona fesoasoani ia te oe e faatu ai Siona i lou loto, aiga ma le nuu?

Mataupu Faavae ma Feagaiga 103:12–13, 36; 105:1–6, 9–19

E oo mai faamanuiaga pe a mavae le tofotofoga o le faatuatua.

I le tele o itu, o le auai i le Tolauapiga a Siona sa o se tofotofoga o le faatuatua. Sa umi le malaga, sa vevela le tau, ma sa le lava meaai ma vaiinu i nisi o taimi. Ma ina ua uma mea uma sa latou onosaia, sa lei manuia lava le Tolauapiga a Siona i le toe faafoi atu o le Au Paia i lo latou laueleele. Manatu faapea sa e maua le avanoa e tusi atu ai se tusi i se tasi o le Tolauapiga a Siona lea na luluina lona faatuatua i le Alii i lona aafiaga. O le a sau tala e ono fai atu e faalototele ai lea tagata? O a upumoni e te maua i le Mataupu Faavae ma Feagaiga 103:5–7, 12–13, 36; 105:1–6, 9–19 e mafai ona fesoasoani?

Ona mafai lea ona e mafaufau e uiga i se faataitaiga faaonaponei o se tofotofoga e pei o le Tolauapiga a Siona—e pei o se faifeautalai e galue malosi, ae e leai se tasi ua auai i le Ekalesia ona o ana taumafaiga. E faavae i mea sa e suesueina, e faapefea ona e fesoasoani i lena faifeautalai ia iloa o loo manuia pea lana misiona?

Na faapefea ona faamanuiaina oe e le Alii i le “mavae [o] puapuaga e tele”? (Mataupu Faavae ma Feagaiga 103:12).

Tagai foi i le 1 Nifae 11:16–17; Alema 7:11–12; Mataupu Faavae ma Feagaiga 6:33–36; 84:88; 101:35–36; David A. Bednar, “I Le Itu a le Alii: O Lesona mai le Tolauapiga a Siona,” Ensign, Iulai 2017, 26–35, po o le Liahona, Iulai 2017, 14–23; Autu ma Fesili, ‟Tumau e oo i le Iuga,” Gospel Library; ‟Le Faavae Malosi,” Viiga, nu. 45.

Saunia e ala i le suesueina o le anotusi o le talafaasolopito o faaaliga. O le malamalama i le faatulagaga o faaaliga i le Mataupu Faavae ma Feagaiga e mafai ona fesoasoani ia te oe e malamalama ai ma faaaoga mataupu faavae o loo latou aoaoina mai. Ua tuuina mai e leSau, Mulimuli Mai ia te A’u ni sootaga i le tele o nei punaoa. Mo le Mataupu Faavae ma Feagaiga 102–5, tagai i le Au Paia, 1:194–206; ‟O Le Taulaga Taliaina o le Tolauapiga a Siona,” i le Revelations in Context, 213–18; ma ‟O Leo o le Toefuataiga: Tolauapiga a Siona.”

Sa tolauapi le Tolauapiga a Isaraelu i auvai o le Vaitafe o le Little Fishing.

O le a le faamoemoega o tofotofoga?

Mafaufau i le fautuaga a Elder Orson F. Whitney e uiga i le faamoemoega o tofotofoga: ‟E leai se tiga tatou te mafatia ai, leai se tofotofoga tatou te oo i ai e ma’umau. E aoga mo lo tatou a’otauina, i le atina’ega o na uiga auaumama e pei o le onosai, faatuatua, lototoa ma le lotomaulalo. O mea uma tatou te mafatia ai, ma mea uma tatou te onosaia, ae maise lava pe a tatou onosaia ma le faapalepale, e atiina a’e ai o tatou tagata, faamamā ai o tatou loto, faalautele ai o tatou agaga, ma faia ai i tatou ia sili atu ona agamalu ma agaalofa, ma sili atu ona agavaa e ta’ua o fanau a le Atua … ma e ala mai i faanoanoaga ma mafatiaga, o le galulue punouai ma puapuaga, tatou te maua ai le aoaoina lea ua tatou o mai ai iinei ina ia maua, ma o le a faapea ona avea atili ai i tatou e pei o lo tatou Tama ma Tina oi le lagi” (i le Spencer W. Kimball Faith Precedes the Miracle [1972], 98).

Mataupu Faavae ma Feagaiga 104:11–18, 78–83

Ua faia e le Alii ia te a’u se ‟tausimea i luga o faamanuiaga faalelalolagi.”

E faaopoopo atu i tofotofoga i Misuri, i le 1834 sa fetaiai ai le Ekalesia ma faigata tautupe, e aofia ai le tetele o aitalafu ma tupe faaalu. I le vaega 104 na tuuina mai ai e le Alii se fautuaga i tulaga tautupe o le Ekalesia. E mafai faapefea ona e faatataua mataupu faavae o loo i fuaiupu 11–18 ma le 78–83 i au lava faaiuga tautupe?

Tagai foi i le ‟Treasure in Heaven: The John Tanner Story” ma le ‟The Labor of His Hands” (vitiō), Gospel Library.

Treasure in Heaven: The John Tanner Story

John Tanner freely gave all he had, giving us an example of generosity and consecration in serving the Lord.

Le Galue o Ona Lima

E volenitia e tagata o le Ekalesia i le lalolagi taimi ma tupe e auauna ai i isi—tagata o le Ekalesia ma tagata e le auai i le Ekalesia—pei ona auauna atu Keriso.

Mo nisi manatu, tagai i lomiga o lenei masina o mekasini o le Liahona ma le Mo le Malosi o le Autalavou .

Tagata, Nofoaga, Mea e Tutupu

• Mataupu Faavae ma Feagaiga Punaoa o Talafaasolopito: Lyman Wight

• Tolauapiga a Siona (Tolauapiga a Isaraelu)

• Aoaiga Faale-Ekalesia

Kiliki e vaai i isi mea

Manatu mo le Aoaoina o Tamaiti

Mataupu Faavae ma Feagaiga 103:9

E mafai ona ou avea ma “se malamalama i le lalolagi” e ala i le mulimuli ia Iesu.

• E mafai ona e valaaulia lau fanau e uu ni ata o se matauila, se moligao, po o se isi punavai o le malamalama a o e faitauina le Mataupu Faavae ma Feagaiga 103:9. E mafai faapefea ona avea i tatou e pei o se malamalama i isi pe a tatou mulimuli ia Iesu Keriso? Tagai foi i le “E Manao Iesu ia Ou fai ma Sulu” (Tusi Pese a Tamaiti, 38).

E mafai ona avea a’u e pei o se malamalama i isi pe a ou mulimuli ia Iesu Keriso.

Mataupu Faavae ma Feagaiga 104:13–18

E finagalo le Alii ia ou faasoa atu mea ua ou maua i tagata e le tagolima.

• Atonu e te manao e tuu atu i lau fanau ni nai minute e fai ai se lisi o faamanuiaga ua tuuina mai e le Atua ia i latou (e pei o meaai, lavalava, taleni, faatuatua, ma se aiga). Fautuaina i latou e lisi ni mea se tele latou te mafaia. Ona faitau faatasi lea o le Mataupu Faavae ma Feagaiga 104:13–18, ma saili mo tali i fesili e pei o nei: O ai moni lava e onaina mea uma? O le a le mea ua finagalo o Ia tatou te faia i nei mea? E mafai e oe ma lau fanau ona faasoa mai ni aafiaga na avatu ai e se tasi ia te oe se mea na e manaomia (tagai foi i le ‟The Coat” [vitiō], Gospel Library).

  The Coat

  The Coat is a children’s story that depicts a young boy giving selflessly to another child in need.

Mataupu Faavae ma Feagaiga 104:42

O le a faamanuiaina a’u e le Alii a o o’u tausia Ana poloaiga.

• Na taua soo i le vaega e 104 o loo folafola mai ai e le Alii “faatelega lava o faamanuiaga” ia i latou e tausia ma le faatuatua Ana poloaiga. Ina ia fesoasoani i tamaiti ia malamalama i le uiga o le ‟faatelega”, e mafai ona e tusia se lio ma fai atu i lau fanau e fesoasoani ia te oe e faateleina le aofai o li’o—tusi ni li’o se lua, sosoo ai ma le fa, sosoo ai ma le valu, sefuluono, ma faaauau ai lava faapena. Soo se taimi lava e te faaopoopo ai ni li’o, fesoasoani i lau fanau e mafaufau i se faamanuiaga ua tuuina atu e le Tama Faalelagi ia i latou.

Mataupu Faavae ma Feagaiga 105:38–40

E mafai ona avea a’u o se faatupu filemu.

• Ina ia fesoasoani i lau fanau e aoao le tala i le Tolauapiga a Siona, e mafai ona e faasoa atu le “Mataupu 36: Tolauapiga a Siona” (i le Tala o le Mataupu Faavae ma Feagaiga, 135–39, po o le vitio talafeagai i le Gospel Library). Taofi mai lea taimi i lea taimi e talanoa e uiga i lesona e mafai ona tatou aoao mai le Tolauapiga a Siona—mo se faataitaiga, e finagalo le Alii ia tatou filemu ma galulue faatasi nai lo o le fefinauai ma le tauaimisa (tagai foi i le Russell M. Nelson “Ua Manaomia i Latou e Faatupuina le Filemu,” Liahona, Me 2023, 98–101).

  Chapter 36: Zion’s Camp: February–June 1834

• E mafai foi ona faitau le Mataupu Faavae ma Feagaiga 105:38–40 ma fai atu i tamaiti e tutu i luga pe a latou faalogo i le upu “filemu.” Faamalamalama atu na finagalo le Alii i le Au Paia ina ia faatupuina le filemu ma tagata sa agaleaga ia i latou. Fesoasoani i lau fanau e mafaufau i mea e mafai ona latou faia e avea ai ma faatupu filemu, ma valaaulia i latou e faatino nisi o nei tulaga.

Mo nisi manatu, tagai i le lomiga o lenei masina o le mekasini o le Uo .

Tolauapiga a Siona (Tolauapiga a Siona i le Fishing River [Vaitafe o Fagotaga]),, saunia e Judith A. Mehr