“Ainikien ko an Jepļaaktok eo: Jikin Kalbuuj Liberty,” Itok, Ļoor Eō—N̄an M̧weeo im Kabun̄ in: Katak im Bujen Ko 2025 (2025)
“Jikin Kalbuuj Liberty,” Itok, Ļoor Eō—N̄an M̧weeo im Kabun̄ in: Katak im Bujen Ko 2025
Ainikien ko an Jepļaaktok eo
Jikin Kalbuuj Liberty
Ilo iien eo ekar pād ilo Liberty, Missouri, Josep Smith ekar bōk leta ko rej kōjeļļāiki kōn jekjek ko rekauwōtata n̄an Armej ro Rekwojarjar ilo Raan Ko Āliktata ro kar kadiwōjļo̧k er jān jikin eo kōn kappe eo an kabna eo. Juon leta ekaburom̧ōjm̧ōj jān kōrā eo pāleen etan Emma. Naan ko an, im leta eo an Josep n̄an ukotļo̧k, ekar waļo̧k jim̧or en̄taan ko an im tōmak ko aer ilo iien in epen ilo bwebwenatoon Kabun̄ in.
Josep Smith im ro jet rekar kalbuuji er ilo m̧ōn kalbuuj in ilo iien m̧ōļo eo ilo 1838–39.
Leta eo jān Emma Smith n̄an Josep Smith, M̧aaj 7, 18391
Iakwe Ļeo pālele
Ij kajjieon̄ jeje n̄an kwe kōnke ewōr aō iien em̧m̧an n̄an jilkinwaj leta in ippān juon m̧ōtta, ak iban kajjieon̄ kōmeļeļe aolepān en̄jake ko aō, kōn men ko me rej kōjepelļo̧k kōjro, dipin (kalbuuj), ribaar (in wint ko), ļak ko (ilo kōjem̧ ko an m̧ōn kalbuuj eo), barāinwōt reba ko, toļ jidik ko, kom̧laļ ko, meļan ko rekilep me rej kōjepel kōjro, im kalikjōkļo̧k eo enana me ekar likut eok ilo kalbuuj im ej dāpij wōt eok, kōn elōn̄ kōļmenļo̧kjen ko, ej likut en̄jake ko aō ļapļo̧k jen maron̄ kōmeļeļeiki.
Ekar jab kōn ejjeļo̧k bōd, im tūriam̧o an juon, ij lukkuun tōmak bwe in kar jab maron̄ niknik ilo jekjek in en̄taan kein bwe em̧ōj aō deplo̧kki … ; ak ij mour wōt im ij m̧ōņōņō kōn en̄taan eļap eļan̄n̄e ej ankilaan Aelōn̄ in Anij bwe in kijenmej n̄an eok.
Em̧m̧an an aolep mour ilo tōre in, ijeļo̧kin wōt Fredrick enanin̄mej jidik.
Nin̄nin̄ Alexander eo ij kiiō jibūrlepe ilo peiū ej juon iaan ajri ro em̧m̧antata kwaar lo ilo mour eo am̧. E elukkun kajoor bwe jon̄an kōn jipan̄ eo an juon jea e enaaj ettōr to ettōr tak ilowaan ruum̧ eo. …
Ejjeļo̧k juon ak Anij wōt ejeļā ļōmņak ko im en̄jake ko an buruō ke ikar etal jān m̧weeo im̧ōd, im eiten aolep men ko m̧weier jekar bōki ijelo̧kin ajri ro nejid ro, im kar emm̧akūt ļo̧k jen Missouri, etal jān kwe ilo am̧ make ilo kalbuuj. Ļōmņak in likūt kwe im m̧weo im̧ōd eļapļo̧k an pen jān jabdewōt armej ej jelm̧ae en̄jake. …
… Ij kōjatdikdik bwe elōn̄ļo̧k raan ko rem̧m̧an rej itok wōt n̄an kōj. … [N̄a] eo am̧ riiakwe.
Emma Smith
Leta eo jān Josep Smith n̄an Emma Smith, Eprōļ 4, 18392
“Kōrā eo Pāleeō—Ejitenbōro im—ejouj.
Bon̄nin Taije eo ikar jijjet laļ ke aļ ej tulaļļo̧k, ke kōmij alimōmō jān wūntō ko ilo jikin kalbuuj eo ajjimakeke, n̄an jeje n̄an kwe, bwe in maron̄ kwaļo̧k jekjek in mour eo aō n̄an kwe. Ij tōmak bwe kiiō ewōr ļalem allōn̄ im jiljino raan3 jān ke ikar pād ium̧win mije an juon riwaj in bon̄ im raan, im ilowaan dipin m̧wee, baar ko, im kōjem kauwaron̄ron̄ ko rajjimakeke, marok, im ettonoonon in jikin kalbuuj. Kōn en̄jake ko me Anij wōt ejeļā ij je leta in. Kōļmenļo̧kjeņ ko me ij būki ilo jekjek in me epen kōmeļeļeiki ilo jeje im kōnono, ak n̄an an enjeļ ro kōmeļeļeik n̄an juon eo ejjan̄in kar jelm̧ae ta eo ewōr ippād. … Jej pedped ioon kajoor eo an Jeova, im ebar ejjeļo̧k, n̄an anemkwoj eo ad, im eļan̄n̄e ejjab kōm̧m̧ane menin, eban dedeļo̧k, kwomaron̄ jeļā, ke elōn̄ armej ilo jikin in rekōņaan m̧aņ kōj, ejjab kōnke elōn̄ ruōer kōn jabdewōt men. … Aō Jitōn Bōro Emma, ejjab jem̧ļo̧k aō ļōmņak kōn eok im ajri ro nejirro. … Ikōņaan lo nin̄nin̄ Frederick, Josep, Julia, Alexander, Joana, im [kidu eo nejin baam̧le in]. … Inaaj m̧ōņōņō in etetal jintōb waj n̄an ippam̧, jab atat, im jab jiln̄ūj, bwe in lo eok im jeļā bwe aolep men ilo kalimjōki rejjab pen ak reaiboojoj. … Ij kijenmej kōn peran in en̄taan kōn aolep inepata ko aō, kōn menin ro me repād ippa; ejjeļo̧k juon iaam̧ ej ebweer. Ikōņaan bwe [kwon] jab kōtļo̧k [ajri ro nejirro] bwe ren meļo̧kļo̧k eō. Ba n̄an er ke Jemāer ej iakwe er kōn iakwe eo ewāppen, im e ej kōm̧m̧an aolep men ko emaron̄ bwe en katoļo̧k e jān rinana ro bwe en jepļaak n̄an er. … Ba n̄an er bwe Jemāer ej ba rej jet ajri ro rem̧m̧an, im ļōmņak kōn jineer.
Am̧ wōt,
Josep Smith Jr.