“Oktoba 20–26: ‘O Anij, Kwo Pād Ia?’: Katak im Bujen Ko 121–123,” Itok, Ļoor Eō—N̄an M̧weeo im Kabun̄ in: Katak im Bujen Ko 2025 (2025)
“Katak im Bujen Ko 121–123,” Itok, Ļoor Eō—N̄an M̧weeo im Kabun̄ in: 2025
Liberty Jail, jān Welden Andersen
Katak im Bujen Ko 20–26: “O Anij, Kwo Pād Ia?”
Katak im Bujen Ko 121–123
Teek eo itulaļ in jikin kalbuuj eo ilo Liberty, Missouri, kar ņaetan “the dungeon (jikin kalbuuj emarok).” Dippin ekar mijeļ, dekā būļo̧o̧r eo ekar m̧ōļo̧ im ettoon, ekar jeja m̧ōn̄ā im raar kōt, im wūntō ko ruo kar pineji kōn aen kar letok jidik meram. Ijo in Josep Smith im bar jejjo em̧m̧aan raar pād ie emān allōn̄ ko rekapioeoeo ilo iien m̧ōļo̧ eo ilo 1838–39. Ilo iien in, Josep ekar emakijkij an bōk nuuj ko kōn en̄taan ko an Armej ro Rekwojarjar. Aenōm̧m̧an im kōjatdikdik kōn Far West kar an jejjo wōt iien ilo jejjo allōn̄, im kiiō Armej ro Rekwojarjar ekar ejjeļo̧k m̧weer, kar kōm̧akūt er n̄an āne jam̧den n̄an kappukot bar juon jikin n̄an aer jino jān jinoin—ilo tōrein ippān Rikanaan eo aer ilo kalbuuj.
Ijoke, mekarta ilo kalbuuj in ekain̄tanaan, “jeļāļo̧kjeņ jān lan̄” raar “lutōklaļtak” (Katak im Bujen Ko 121:33). Kajjitōk eo an Josep “O Anij, kwo pād ia?” kar uaake ilo meļo̧k im kajoor: “Jab mijak … , bwe Anij enaaj pād ippam̧ indeeo im indeeo” (Katak im Bujen Ko 121:1; 122:9).
Lale Saints, 1:323–96; “Within the Walls of Liberty Jail,” ilo Revelations in Context, 256–63.
Ļōmņak ko n̄an Ekkatak ilo M̧weeo im ilo Kabun̄ in
Katak im Bujen Ko 121:1–10, 23–33; 122
Ippān Anij, apan̄ emaron̄ “n̄an [aō] em̧m̧anļo̧k.”
N̄e kōj ak armej ro jej iakwe er rej en̄taan, ekkā ad ļōmņak n̄e Anij ejeļā kōn kōj. Ilo am̧ riiti, Katak im Bujen Ko 121:1–6, lōmņak kōn iien ko ekar wōr am̧ kajjitōk ak en̄jake ko me rej āinwōt en̄jake ko an Josep Smith. Ta eo kwoj loe ilo uwaak eo an Irooj me emaron̄ jipan̄ eok n̄e ewōr ippam̧ kain kajjitōk ak en̄jake rōt kein? N̄an waanjon̄ak, ilo eoon 7–10, 26–33, kile kōjeraam̧m̧an ko me E ej kallim̧ur kaki. Ta eo kwoj ļōmņak ej meļeļein n̄an “kijejetoiki … em̧m̧an”? Elmen an Rilo̧mo̧o̧r eo jipan̄ eok kōm̧m̧ane menin?
Ilo am̧ riiti jekjōn 122, ļōmņak elmen an Irooj kōņaan bwe kwon kalimjōk apan̄ ko am̧. Kwomaron̄ ļōmņake en̄jake ko me raar itok jān apan̄ ko am̧ im ekōjkan aer maron̄ “n̄an em̧m̧anļo̧k eo [am̧]” (eoon 7).
Bar lale Quentin L. Cook, “Aenōm̧m̧an eo an Juon Make ilo Iien ko Reppen,” Liaona, Nob. 2021, 89–92; “Where Can I Turn for Peace?,” Hymns, no. 129.
M̧oolin kajoor im nebar rej pedped ioon “pedped ko an wānōk.”
Kajoor eo an laļ eaar kipel Armej ro Rekwojarjar n̄an diwōjļo̧k jān Missouri im Josep Smith n̄an kalbuuj. Bōtaab ke Josep ekar pād ijo, Irooj ekar katakini kōn juon kajoor eoktak: kajoor eo An, “kajoor ko an lan̄.” Riit kōn kajoor in ilo Katak im Bujen Ko 121:34–46 emaron̄ jipan̄ eok katak wāween bōk kajoor in—im wāween kōjerbale n̄an kōjeraam̧m̧an ro jet. Bōlen kwomaron̄ je ta eo kwoj ekkatak ilo juon tebōļ ewōr laajrak kein Kajoor ko an Lan̄ im Kajoor an Laļ. Elmen an kajoor kein ruo oktak jān doon? Ta kōmeļeļe in kajoor eo an Irooj ej katakin eok kōn E?
Kwomaron̄ bar lale naan in jelōt ilo eoon 41. Ta jekjek ko jet kwōj kōņaan juon eo enaaj im̧we ro jet n̄an em̧m̧an—bōlen ilo juon jemjerā an baam̧le, ilo jikuuļ, ilo jerbal, ak ilo ijjitōn̄ ko an Kabun̄? Ta eo kwoj ekkatak jān eoon 41–46 elmen an Anij im̧we ro Nejin? Kwomaron̄ kōmeļeļeik ilo tukadu ta eo kwoj ekkatak ilo am̧ kam̧ōjļo̧k juon jantōj āinwōt in: “N̄an im̧we ilo em̧m̧an, inaaj .”
Bar lale Jeffrey R. Holland, “Jab Āinwōt an Laļ Lewōj,” Liaona, Māe 2021, 35–38; David A. Bednar, “Kajoor ko an Lan̄,” Liaona, Māe 2012, 48–51; “The Powers of Heaven” (pijaan alooj), Gospel Library.
"The Powers of Heaven"
(D&C 121:34-46) The components and processes involved in providing electricity to a home are compared to the principles the Lord outlined in section 121 for those who would exercise His priesthood in power.
Kāālōt juon naan im lukkuun ekkatak kake. N̄an ekkatak eļapļo̧k kōn kōjeraam̧m̧an kein rem̧m̧an kar kōmeļeļeiki ilo eoon 45–46 , kwomaron̄ kāālōt juon naan me ejiktok ippam̧ im lukkuun ekkatak kake. N̄an waanjon̄ak, ta meļeļein naan eo kainōknōk im, elmen an erreo maron̄ kainōknōk ļōmņak ko am̧? Ak bōlen kwomaron̄ pukot juon pijaan pilin̄ in dān im ekkatak kōn elmen an pilin̄ ejaak ilo ujooj. Ekōjkan an meniin āinwōt wāween eo me Irooj ej katakin katak eo An? Jeeri ta ko kwaar loi ippān baam̧le eo am̧ ak ro m̧ōttam, ekoba ro m̧ōttam ilo m̧ōn jar eo.
Jisōs Kraist ekar wanlaļļo̧k ium̧win aolep men ko bwe E en lelōn̄tak eō.
Ta meļeļein ilo am̧ ļōmņak n̄an ba ke Jisōs Kraist “wanlaļļo̧k ium̧win … aolep [men]”? Erkein bar jet eoon me remaron̄ jipan̄ eok meļeļe naan in: Aiseia 53:3–4; Hibru 2:17–18; 1 Nipai 11:16–33; Alma 7:11–13. Pedped ioon ta eo kwaar ekkatak, ļōmņak in kōmeļeļeik Katak im Bujen Ko 122:8 ilo naan ko am̧ make. Ewi wāween am̧ kwaļo̧k am̧ kam̧m̧oolol n̄an Jisōs Kraist kōn An kar wanlaļļo̧k ium̧win aolep men?
Ekōjkan an ennaan in jān Būreejtōn Dallin H. Oaks jelōt meļeļe eo am̧? Jemaron̄ ba bwe an wanlaļtak ilaļ in aolep, ejejjet An pād n̄an kotak kōj im letok n̄an kōj kajoor eo jej aikuji n̄an niknik ilo en̄taan ko ad” (“Strengthened by the Atonement of Jesus Christ,” Liahona, Nov. 2015, 64).
Kōmeļeļe ko jān Not My Will But Thine, jān Walter Rane
“Jen kōm̧m̧ani aolep men kein ilo m̧ōņōņō ko im rej pād ilo ad kajoor.”
Ilo Katak im Bujen Ko 123:7–8, Josep Smith ej kōnono kōn tōmak ko reriab me rej tōl n̄an en̄taan, ekoba aer kar kakure Armej ro Rekwojarjar. Ilo M̧aaj 1839, emaron̄ kar jab lōn̄ Armej ro Rekwojarjar rekar kōm̧m̧ane. Ak ilo leta eo an ekar je ilo jikin kalbuuj Liberty, Josep ekar ba n̄an er bwe: remaron̄ [aiini] aolep m̧ool ko” im “jutak pen ilo ad kajoor, kōn jeļā ekanooj dim, n̄an lo lo̧mo̧o̧r an Anij” (Katak im Bujen Ko 123:1, 17). Ilo am̧ ļōmņake jorrāān ko ilo laļin rainin, ļōmņak kōn wāween ko n̄an ņa mejeļaer me “rej pād ilo [am̧] kajoor” (eoon 12, 17). Im jab kōjekdo̧o̧n “men ko reddik” (eoon 15). Etke eaorōk n̄an kōm̧m̧ane men kein “ilo m̧ōņōņō”? (eoon 17).
Elōn̄ bwebwenato ko me rej kwaļo̧k bwe Josep ekar kajjitōk kaki ilo leta in ekar lem̧aanļo̧k n̄an kien eo im kar jeje āinwōt 11-m̧ōttan men ko ilo juon nuujpeba ilo Nauvoo Times and Seasons (lale “A History, of the Persecution, of the Church of Jesus Christ, of Latter Day Saints in Missouri, December 1839–October 1840,” [josephsmithpapers.org]).
N̄an ļōmņak ko reļļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik ro māākjiin.
Ļōmņak ko n̄an Katakin Ajri ro
Katak im Bujen Ko 121:1–9; 122:7–9
Ippān Anij, apan̄ ko aō remaron̄ n̄an em̧m̧an eo aō.
-
N̄an jipan̄ ajri ro nejum̧ ļōmņak jekjek eo an Josep Smith im ro m̧ōttan ilo Jikin Kalbuuj Liberty, kwomaron̄ riit ippān doon “Jebta 46: Josep Smith ilo Jikin Kalbuuj Liberty” (ilo Bwebwenato Ko Jen Katak im Bujen Ko, 172–74) ak “Ainikien ko an Jepļaaktok eo: Jikin Kalbuuj Liberty” ak alooj e jidik in pija eo “Joseph Smith: Prophet of the Restoration” (Gospel Library, ijjino ilo 41:30). Innām, ilo ami riit ippān doon Katak im Bujen Ko 121:1–9, kwomaron̄ kōnono kōn wāween an Rilo̧mo̧o̧r kar jipan̄ Josep en̄jake aenōm̧m̧an. Ekōjkan ad lo aenōm̧m̧an ilo Rilo̧mo̧o̧r, mekarta iien ko reppen?
1:51Chapter 46: Joseph Smith in Liberty Jail: November 1838–April 1839
62:4Joseph Smith: The Prophet of the Restoration
A motion picture about the life and legacy of Joseph Smith, the founding prophet of The Church of Jesus Christ of Latter-day Saints.
-
N̄an jipan̄ ajri ro nejum̧ kile bwe apan̄ ko ad “rej n̄an em̧m̧an eo [ad]” (Katak im Bujen Ko 122:7), kōnono n̄an er kōn wāween an m̧ajōļ ko ad kajoorļo̧k n̄e jej kotak men ko reddo. Kajjitōk ippāer n̄an kotak juon men eo eddo. Kōmeļeļeiki bwe dipļo̧ki men ko reppen emaron̄ jipan̄ jetōb ko ad kajoorļo̧k—eļan̄n̄e jej oktaļo̧k n̄an Irooj kōn jipan̄. Kwaļo̧k jet waanjon̄ak ko jān mour eo am̧.
Erreeo ej boktok “kajoor ko an lan̄.”
-
Bōlen juon waanjon̄ak emaron̄ jipan̄ ajri ro nejum̧ meļeļe kōn “kajoor ko an lan̄.” N̄an waanjon̄ak, kwomaron̄ keidi kajoor eo an Anij n̄an kajoor in jarom. Ta eo emaron̄ bōbrae kein jarom ko jān aer bōk kajoor? Ta ko rej kaddikļo̧k kajoor ko an ilo jetōb? Ta ko rej kōļapļo̧ki? (Pukot naan ko ak eoon ko ilo Katak im Bujen Ko 121:34–46; bar lale Bok in Bōk Meļeļe Eļap, 3.5, 3.6, Gospel Library.)
Jisōs Kraist ejeļā ta ko ij m̧adm̧ōdi.
-
Ālkin riiti Katak im Bujen Ko 122:7–9 ippān ajri ro nejum̧, kwomaron̄ kwaļo̧k juon en̄jake me kwaar en̄jake an Rilo̧mo̧o̧r kar pād ippam̧ ilo juon iien epen. Kwomaron̄ al ippān doon juon al āinwōt “Jesus Once Was a Little Child” (Children’s Songbook, 55) im kam̧ool bwe Jisōs Kraist emaron̄ jipan̄ kōj kōnke Ejeļā ad en̄jake.
Jekdo̧o̧n men ko reddik remaron̄ kōm̧m̧an juon oktak eļap ilo jerbal eo an Anij.
-
N̄an jipan̄ ajri ro nejum̧ meļeļe Katak im Bujen Ko 123:15–17, kwomaron̄ kwaļo̧k n̄an er juon pija in juon tima kileplep im juon jebwe jidikdik, ak kwaļo̧k n̄an er kōmeļeļe eo an Elder David A. Bednar ilo ““Pedped in Katak ko an Gospel eo Aō”” (Liaona, Māe 2021, 125–26). Innām kwomaron̄ kōnono kōn wāween ko reddik jemaron̄ jipan̄ baam̧le im ro m̧ōttad ilo m̧ōņōņō.
“The Principles of My Gospel”
Elder Bednar teaches that correct gospel principles help us make wise choices and stay on the covenant path.
Āinwōt juon jebwe edik ilo juon wa ļap, kijejeto ko ad reddik remaron̄ kōm̧m̧an oktak ko reļļap.
N̄an ļōmņak ko reļļapļo̧k, lale ennaan eo an allōn̄ in ilo eo Jera māākjin.
Joseph Smith in Liberty Jail, jān Greg Olsen