A Glorious Light—Kirtland Temple, jān Glen S. Hopkinson

Jeptōm̧ba 29–Oktoba 5: “Ej Im̧ōm M̧wiin, juon Jikin Ekwōjarjar eo Am̧”

Katak im Bujen Ko 109–110

Kōjem ko n̄an Kirtland Tampeļ raar jab peļļo̧k m̧ae 8:00 awa jibbon̄ in M̧aaj 27, 1836. Ijoke Armej ro Rekwojarjar rekar kōjatdikdik n̄an deļon̄e ilo iien kōjeraam̧m̧an eo me ekar jino ļain eo ke ekar jibbon̄ āinwōt jiljilimjuon awa. Raar aikuji juon eo̧n̄ļo̧k im juon m̧wen̄an n̄an kabwe aolep. Im ekar jab ro wōr remour raar kōņaan pād. Elōn̄ rikam̧ool ro raar elolo enjeļ ilowaan tampeļ eo im barāinwōt ilo bōrooj eo, ilo iien im ālkin aje eo. Lukkuun ilo m̧ool kar kalimjōke “ritariņae an lan̄” rekar itok im” al im [n̄an] lam̧ōj” ippān armej ro rekwojarjar (“Jitob An Anij Ej Einwōt Kijeek,” Al ko Al in Ajri, no. 20).

Etke ekar lukkuun in ļap ikūtōltōl—ilo jim̧or jait ko ilo rōn̄ōl eo? Ālkin bukwi iiō, ekar bar wōr juon m̧weeo im̧ōn Irooj ioon laļin. Irooj ekar kakūrm̧ool kallim̧ur eo An n̄an kōjeraam̧m̧an Rikwojarjar ro An “kōn kajoor jān ijo eutiej” (Katak im Bujen Ko 38:32). Im menin, E kar kean̄, ekar wōt “jinoin kōjeraam̧m̧an” (Katak im Bujen Ko 110:10). Tōre in jej mour ie kiiō—ilo an ļapļo̧k jerbal in tampeļ im kain̄i ko repojak n̄an milien armej ro rōmour im rōmej—ekar jinoe ilo Kirtland, ke “ran̄ōl nuknuk eo me ej kalibubuik laļ in [ekar] jino waļo̧k” (“Jitob An Anij”).

Bar lale Armej ro Rekwojarjar, 1:232–41; “A House for Our God,” ilo Revelations in Context, 169–72.

Ļōmņak ko n̄an Ekkatak ilo M̧weeo im ilo Kabun̄ in

Katak im Bujen Ko 109

Irooj ej letok n̄an eō kōjeraam̧m̧an ko reļļap kōn bujen ko an tampeļ.

Kirtland Tampeļ ekar oktak jān tampeļ ko jej jeļā kaki rainin. N̄an waanjon̄ak, ekar ejjeļo̧k lokatok im kar ejjeļo̧k jikin peptaij. Bōtaab kōjeraam̧m̧an ko kar kōmeļeļeiki ilo jekjōn 109, jar in aje eo an Kirtland Tampeļ, rebar pād ilo m̧weeo im̧ōn Irooj rainin. Etale eoon kein ilaļ n̄an pukot jet iaan kōjeraam̧m̧an kein, im kōļmenļo̧kjeņ elmen aer maron̄ jipan̄ kōkajoor jemjerā eo am̧ ippān Jemedwōj Ilan̄ im Jisōs Kraist.

Eoon 5, 12–13 (bar lale Katak im Bujen Ko 110:6–8): Ilo m̧weeo im̧ōn Irooj, E maron̄ kwaļo̧k E make n̄an n̄a, im imaron̄ en̄jake kajoor eo An.

Eoon 9, 15–19, 26, 78–79:

Eoon 21–23:

Eoon 24–33, 42–46:

Eoon 35–39:

Kōjeraam̧m̧an ko jet:

N̄e em̧ōj am̧ pād ilo m̧weeo im̧ōn Irooj, lōmņak elmen an kallim̧ur kein kar kūrm̧ool ilo mour eo am̧.

Al eo “Jitob An Anij Ej Einwōt Kijeek” (Al ko Al in Ajri, no. 20) rekar je n̄an aje eo an Kirtland Tampeļ—im jen iien eo eaar al eo al kake ilo aolep aje an aolep tampeļ. Ļōmņak in al ak ron̄jake āinwōt m̧ōttan am̧ ekkatak im jar. Ta kōjeraam̧m̧an ko an tampeļ kwoj kōm̧m̧ani rej waļo̧k ilo al in?

Katak im Bujen Ko 109

Jar ej wāween eo jej kōnono ippān Jemedwōj Ilan̄.

Jekjōn 109 ej juon jar in aje kar leļo̧k n̄an Josep Smith ilo revelesōn (lale kadkad eo an jekjōn in). Ta eo kwoj ekkatak kake kōn jar jān jekjōn in? N̄an waanjon̄ak, kwomaron̄ kōm̧m̧an kakeememej kōn ta eo Rikanaan eo ekar kam̧m̧oolol kaki im ta kōjeraam̧m̧an eo ekar kajjitōk kake. Ta ko jer ekar ba ilo jar in? Ilo am̧ ekkatak, kwomaron̄ etale wāween am̧ kōnono ippān Jemedwōj Ilan̄. Ta eo kwoj ekkatak kōn E im Eo Nejin jān jar in?

N̄e kwoj kōnaan riiti jar in aje ko an tampeļ ko jet, ekoba tampeļ eo epaake eok, etal n̄an peij eo an tampeļ eo ilo temples.ChurchofJesusChrist.org.

Katak im Bujen Ko 110:1–10

Irooj emaron̄ kwaļo̧k E Make n̄an n̄a ilo M̧weeo Im̧ōn.

Ilo am̧ riiti kōmeļeļe ko kōn Rilo̧mo̧o̧r eo ilo Katak im Bujen Ko 110:1–10, ekoba kadkad in jekjōn in, kejōkļo̧kjen kōn ta ko eoon kein rej kwaļo̧k kōn E.

Elmen an Jisōs Kraist kwaļo̧k E—ak make kwaļo̧k E n̄an kwe—ilo m̧weeo Im̧ōn? Elmen An jipan̄ eok jeļā ke E kar bōk menin katok ko am̧?

lowan Kirtland Tampeļ eo.

Katak im Bujen Ko 110:10–16

Rilo̧mo̧o̧r eo ej tōl jerbal eo An kōn kii ko an priesthood.

M̧okta jān Moses, Elias, Im Ilaija kar waļo̧k ilo tampeļ eo n̄an kōro̧o̧ltok kii ko an priesthood, Jisōs Kraist ekar ba, “en̄in ej jinoin kōjeraam̧m̧an eo me enaaj lutōkleplepļo̧k ioon bōran armej ro Aō.” (Katak im Bujen Ko 110:10). Ilo am̧ riiti eoon 11–16, ļōmņak kōn kōjeraam̧m̧an ko me Rilo̧mo̧o̧r eo ej lutok waj ioom̧ jān jerbal in tōl eo jān kii kein. N̄an waanjon̄ok:

• Eoon 11: Moses im kii ko n̄an aiintok eo an Israel (ak jerbal in mijenede). Elmen an Irooj kar kōjeraam̧m̧an eok im baam̧le eo am̧ kōn wōt jerbal in kijejeto ko an mijenede an Kabun̄ in An?

• Eoon 12: Elias im kii ko an gospel eo an Ebream̧, ekoba Bujen eo an Ebream̧. Ewi wāween an Irooj kōjeraam̧m̧an kwe im “epepen eo ālkin [kwe]” kōn wōt bujen ko am̧. (Lale Russell M. Nelson, “Bujen Eo Ejjeḷọk Jemlokin,” Liaona, Okt. 2022, 4–11; Unin Tōl eo n̄an Jeje Ko Rekwojarjar, “Elias,” Gospel Library.)

• Eoon 13–16: Ilaija im kajoor in liāp eo, kar kwaļo̧k jān tampeļ im jerbal in bwebwenatoon baam̧le. Etke kwoj ļōm̧ņak Jemedwōj Ilan̄ ekōņaan bwe kwōn ekeijel ippān ro jibum̧ im jim̧aam̧ jān kain̄i ko an tampeļ? (Lale Gerrit W. Gong, “M̧ōņōņō eo Indeeo,” Liaona, Nob. 2022, 83–86.)

Ta ekeijel ko kwoj loe ikōtaan kii kein im eddo ko ad ilo jerbal in lo̧mo̧o̧r im mour ijo ilōn̄tata (mour kōn gospel eo, lale ro rej aikuj, karuwaineneik aolep n̄an bōk gospel eo, im kakobaik baam̧le ko n̄an indeeo)?

Ta en̄jake ko em̧ōj am̧ kar tōpari ilo jerbal in lo̧mo̧o̧r an Anij im mour eo eutiejtata? Ta ko en̄jake kein rej katakin eok kake kōn Rilo̧mo̧o̧r eo, Kabun̄ in An, im jerbal eo An?

Pukot wāween ko n̄an kobaiktok ro jet. N̄e kwoj katakin kōn Katak im Bujen Ko 110:11–16, kwomaron̄ ļōmņak in jitōn̄ kajjojo rūkkatak ro n̄an katak kōn Moses, Elias, ak Ilaija im kii ko ekar kōjepļaak tok. Innām rūkkatak ro rej maron̄ kwaļo̧k n̄an doon ta ko raar loi. Juon jipadpad āinwōt in ejelōt aolep ilo ekkatak im katakin. (Lale Katak ilo Wāween eo an Rilo̧mo̧o̧r, 24–27).

N̄an ļōmņak ko reļļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik ro māākjiin.

Ļōmņak ko n̄an Katakin Ajri ro

Katak im Bujen Ko 109:12–13; 110:1–7

Tampeļ eo ej m̧weeo im̧ōn Irooj.

• Kwe im ajri ro nejum̧ maron̄ kōnono kōn juon men em̧m̧an ippāmi kōn m̧weeo m̧ōm̧mi Innām kom̧ maron̄ lale juon pijaan Kirtland Tampeļ im kōjerbale Katak im Bujen Ko 109:12–13; 110:1–7 n̄an kōnono kōn ekōjkan aer kar aje tampeļ eo im erom̧ m̧weeo im̧ōn Irooj (bar lale “Jebta 39: The Kirtland Temple Is Dedicated,” ilo Bwebwenato ko jān Katak im Bujen Ko, 154, ak ak video ko ilo Gospel Library). Kwaļo̧k n̄an doon juon men eo em̧m̧an ippāmi kōn m̧weeo im̧ōņ Irooj

  Chapter 39: The Kirtland Temple Is Dedicated: January–March 1836

• Bōlen kwe im ajri ro nejum̧ maron̄ ļōmņak e juon m̧ōttami me ej kajjieon̄ pukot m̧weeo im̧ōmi. Elmen ad maron̄ jipan̄ eo m̧ōttad jeļā m̧weeo im̧ōd? Elmen ad jeļā ke tampeļ eo ej m̧weeo im̧ōn Irooj? (lale Katak im Bujen Ko 109:12–13).

Katak im Bujen Ko 110

Rilo̧mo̧o̧r eo ej kōjeraam̧m̧an armej ro An kōn kii ko an priesthood.

• Kwomaron̄ kōjerbal peij in m̧akūtkūt eo an wiik in ak “Jebta 40: Visions in the Kirtland Temple” (ilo Bwebwenato ko jen Katak im Bujen Ko, 155–57, ak pijaan alooj eo ej ekkeijel ippān ilo Gospel Library) im kwaļo̧k n̄an ajri ro kōn ribōk ennaan ro jān lan̄ ro raar loļo̧k tampeļ eo. Kwomaron̄ bar kōjerbal pija eo ilo jem̧ļo̧k in laajrak in.

  The Kirtland Temple

• N̄an ekkatak kōn aorōkin ta eo eaar waļo̧k ilo Kirtland Tampeļ, kwe im ajri ro nejūm̧ maron̄ kōnono kōn ta jerbal eo an kii ko. Bōlen ajri ro nejūm̧ remaron̄ jibwe kii ko im katen wōt n̄e rej kōpeļļo̧k kōjem eo. Jipan̄ er pukōt naan eo kii ko ilo Katak im Bujen Ko 110:11–16, im kōnono kōn kōjeraam̧m̧an ko me kii kein rej kōpeļo̧ki. Kwomaron̄ bar kōmeļeļe ke kii ko an priesthood rej mālim an Anij n̄an tōl Kabun̄ in An. Kwaļo̧k am̧ kam̧m̧oolol bwe Irooj ej letok n̄an kōj kii ko an priesthood.

Katak im Bujen Ko 110:15

Rilo̧mo̧o̧r ej kōņaan bwe in ukōt būruō n̄an rūtto ro aō.

• Ālkin riiti Katak im Bujen Ko 110:15 ippān doon, jiron̄ ajri ro kōn juon en̄jake me ekar jipan̄ ukōt būruōm̧ n̄an rūtto ro am. Kwomaron̄ bar al juon al ippān doon āinwōt “Family History—I Am Doing It” (Children’s Songbook, 94).

• Ta eo emaron̄ jipan̄ “ukōtļo̧k būruōn” ajri ro nejūm̧ n̄an ro jibūer im jim̧aer? Kwomaron̄ pukot jet ļōmņak ko rekalimomo ilo FamilySearch.org/discovery. Kom̧ maron̄ jerbal ippāņ doon n̄an kwaļo̧k wōn rūtto ro raikuji kain̄i ko an tampeļ. Etke Jisōs ekōņaan bwe jen kōm̧m̧ane jerbal in?

N̄an ļōmņak ko reļļapļo̧k, lale ennaan eo an allōn̄ in ilo eo Jera māākjiin.

Vision in the Kirtland Temple, jān Gary E. Smith