Detalye manipud iti Ni Cristo nga Agikaskasaba iti Lubong dagiti Espiritu, ni Robert T. Barrett

Disiembre 1–7: “Ti Parmata ti Pannakasubbot dagiti Natay”

Doktrina ken Katulagan 137–138

Nagsisina dagiti paltiing a naisurat iti Doktrina ken Katulagan 137 ken 138 iti nasursurok ngem 80 a tawen ken 1,500 a milia (2,400 km). Naawat ni Propeta Joseph Smith tibenneg 137 idi 1836 iti Templo iti Kirtland, ken ti benneg 138 ket naawat ni Joseph F. Smith, maikanem a Presidente ti Simbaan, idi 1918 iti Salt Lake City. Ngem no mainaig iti doktrina, adda pakainaigan dagitoy dua a parmata. Agpada a sungbatanda dagiti saludsod nga adda iti adu a tattao—agraman dagiti propeta ti Dios—maipapan iti biag kalpasan ti ipapatay. Nagpanunot ni Joseph Smith maipapan iti gasat ti kabsatna a ni Alvin, a natay a saan a nabuniagan. Ni Joseph F. Smith, a napukawna nga agpada dagiti dadakkelna ken 13 nga annakna iti di ninamnama nga ipapatay, masansan a pampanunotenna ti maipapan iti lubong dagiti espiritu ken napanunotna maipapan iti pannakaikasaba ti ebanghelio sadiay.

Ti benneg 137 ti mangted iti sumagmamano nga umuna a lawag iti gasat dagiti annak ti Dios iti sumaruno a biag, ken ti benneg138 ti manglukat kadagiti kurtina a nalawlawa pay. Agpadpada, nga ipaneknek dagiti paltiing ti “naindaklan ken nakaskasdaaw nga ayat nga impakita ti Ama ken ti Anak” (Doktrina ken Katulagan 138:3).

Dagiti Kapanunotan iti Panagsursuro iti Pagtaengan ken iti Simbaan

Doktrina ken Katulagan 137; 138:30–37, 57–60

Maaddaanto dagiti amin nga annak ti Nailangitan nga Ama iti gundaway a mangpili iti agnanayon a biag.

Ni Alvin Smith, ti ay-ayaten a kabsat ni Propeta Joseph, ket pimmusay iti innem a tawen sakbay nga insubli ti Dios ti turay a mangbuniag. Ti gagangay a pannakaawat kadagiti sumagmamano a Kristiano idi 1836 ket no natay ti maysa a tao a saan a nabuniagan, saanto a makapan sadi langit dayta a tao. Pinampanunot ni Joseph ti maipapan iti agnanayon a pannakaisalakan ni Alvin iti uneg ti adu a tawen—agingga a naawatna ti paltiing iti Doktrina ken Katulagan 137.

Adu a tao ita ti addaan kadagiti umasping a saludsod. Apay nga idawat ti Dios a kasapulan dagiti ordinansa ken katulagan idinto ta adu a tattao ti saan a pulos a maaddaan iti gundaway nga umawat kadagitoy? Ania koma ti isaoyo iti maysa a tao a masdaaw iti daytoy? Kasano a mabangonyo ti pammatida iti Dios ken dagiti idawatna a kasapulan para iti pannakaisalakan? Sapulenyo dagiti kinapudno a mabalinyo nga ibinglay iti benneg 137 ken iti benneg 138:30–37, 57–60. Mabalinyo pay a sapulen dagitoy a kinapudno a nayebkas iti himno “The Glorious Gospel Light Has Shone” (Hymns, no. 283) ken iti mensahe ni Presidente Henry B. Eyring “Gathering the Family of God” (Liahona, Mayo 2017, 19–22).

Bayat ti panagadal ken panagutobyo, mabalinyo nga isurat dagiti impresionyo babaen ti panangileppasyo kadagiti binatog a kas kadagitoy:

• Gapu kadagitoy a paltiing, ammok a ti Nailangitan nga Ama .

• Gapu kadagitoy a paltiing, ammok a ti plano ti Ama iti pannakaisalakan .

• Gapu kadagitoy a paltiing, kayatko a .

Kitaen met iti Saints, 1:232–35.

Doktrina ken Katulagan 138:1–11, 25–30

Ti panangbasbasa ken panangut-utob kadagiti nasantuan a kasuratan ti mangisagana kaniak nga umawat iti paltiing.

No dadduma sumangbay ti paltiing uray no saantayo a sapulen daytoy. Ngem ad-adda a masansan, sumangbay daytoy gapu ta sipapasnektayo nga agsukisok ken agsagana para ti daytoy. Bayat ti panangbasayo iti Doktrina ken Katulagan 138:1–11, 25–30, kitaem no ania ti ut-utoben ni Presidente Joseph F. Smith idi “naglukat dagiti mata ti panagawat[na].” Mabalinyo met nga idilig ti padasna iti 1 Nephi 11:1–6; Joseph Smith—Pakasaritaan 1:12–19. Kalpasanna ibilangyo no kasano a masurotyo ti pagwadan ni Presidente Smith. Kas pagarigan, ania dagiti panagbalbaliw a mariknayo a nakaparegtaanyo nga aramiden iti panagadalyo iti nasantuan a kasuratan tapno makaawat iti ad-adu pay a personal a paltiing?

Iti mensahena a “The Vision of the Redemption of the Dead” (Liahona, Nob. 2018, 71–74), insingasing ni Presidente M. Russell Ballard dagiti dadduma pay a wagas a nakapagsaganaan ni Presidente Smith nga umawat iti daytoy a paltiing. Ania ti masursuroyo manipud kadagiti padasna? Panunotenyo no kasano nga insagananakayo ti Apo para kadagiti padas a paspasaranyo—ken no kasano a mabalin nga isagsagananakayo para kadagiti padas iti masakbayanyo.

Kitaen met iti Saints, 3:202–5; “Ministry of Joseph F. Smith: A Vision of the Redemption of the Dead” (video), Gospel Library.

Ministry of Joseph F. Smith: A Vision of the Redemption of the Dead

Nearing death, President Joseph F. Smith receives revelation from God regarding redemption of the dead.

Joseph F. Smith, ni Albert Salzbrenner

Awisen ti Espiritu. “Ania ti napaliiwyo a nakatulong iti naespirituan nga aglawlaw para iti panagsursuro iti ebanghelio? Ania ti makasinga iti daytoy?” (Panangisuro iti Wagas ti Mangisalakan, 18). Bayat ti panangadalyo iti padas ni Presidente Joseph F. Smith iti Doctrine and Covenants 138:1–11, ibilangyo no kasano a mabalinyo a mayallukoy ti panagutob ken mangyawis kadagiti naespirituan nga impresion para iti bagiyo ken, no maysakayo a mannursuro, para kadagiti tao nga isursuroyo.

Doktrina ken Katulagan 138:25–60

Agtultuloy ti aramid ti Mangisalakan iti sabali a bangir ti belo.

Insuro ni Presidente Russell M. Nelson, “Simple ken napudno ti mensahetayo iti lubong: awisenmi ti amin nga annak ti Dios iti agsumbangir ti belo nga umasideg iti Mangisalakanda, umawat kadagiti bendision ti nasantuan a templo, maaddaan iti manayon a rag-o, ken maikari para iti agnanayon a biag” (“Let Us All Press On,” Liahona, Mayo 2018, 118–19). Utobenyo daytoy a palawag bayat ti panangbasayo iti Doktrina ken Katulagan 138:25–60. Mabalinyo pay a panunoten maipapan kadagitoy a saludsod:

• Ania ti masursuroyo manipud kadagitoy a bersikulo maipanggep iti no kasano a maipatpatungpal ti aramid ti Mangisalakan iti lubong dagiti espiritu? Apay a nasken a maammuam a mapaspasamaken daytoy nga aramid?

• Ania ti makaawis iti riknayo maipapan kadagiti mensahero ti Apo iti lubong dagiti espiritu?

• Kasano a mapatibker daytoy a paltiing ti pammatiyo iti plano ti pannakasubbot?

No kayatyo a masursuro ti ad-adu pay maipapan iti lubong dagiti espiritu, mabalinyo nga adalen ti mensahe ni Presidente Dallin H. Oaks “Trust in the Lord” (Liahona, Nob. 2019, 26–29).

Kitaen met iti “Susa Young Gates and the Vision of the Redemption of the Dead,” iti Revelations in Context, 315–22; “A Visit from Father” (video), Gospel Library.

A Visit from Father

President Russell M. Nelson recounts a personal family history story that bears testimony of the importance of temple and family history work for all families.

Para iti ad-adu pay a kapanunotan, kitaen dagiti isyu ti magasin a Liahona ken Para iti Pigsa dagiti Agtutubo iti daytoy a bulan.

Dagiti Kapanunotan para iti Panangisuro kadagiti Ubbing

Doktrina ken Katulagan 137:5–10; 138:18–35

Maaddaanto dagiti amin nga annak ti Nailangitan nga Ama iti gundaway a dumngeg iti ebanghelio.

• Tapno masursuroyo maipapan iti no ania ti kayat a sawen idi ni Joseph Smith a makitana ti sumagmamano a miembro ti pamiliana iti celestial a pagarian, mabalin a buyaen dagiti annakyo ti video a “Ministry of Joseph Smith: Temples”(Gospel Library), wenno mabalinyo nga ibinglay ti Dagiti Estoria iti Doktrina ken Katulagan, 152–53 (wenno ti katupagna a video iti Gospel Library). Nalabit a mabalinyo pay nga isarita maipanggep iti maysa a tao nga am-ammoyo a natay nga awanan iti gundaway a mabuniagan. Ania ti isuro kadatayo ti Doktrina ken Katulagan 137:5–10 maipapan iti dayta a tao?

  Ministry of Joseph Smith: Temples

  Joseph Smith establishes temple work as an essential purpose for the Saints of God.

  Chapter 39: The Kirtland Temple Is Dedicated: January–March 1836

• Ibilangyo ti panangusar iti ladawan ti tanem ti Mangisalakan (kitaen iti Libro ti Arte ti Ebanghelio, num. 58, wenno ti Bible Photographs, no. 14) ken ti ladawan iti ungto daytoy a balabala tapno maisuro kadagiti annakyo no sadino ti napanan ti espiritu ni Jesus idi adda ti bagina iti tanem. Kalpasanna mabalinyo nga aggigiddan a basaen ti Doktrina ken Katulagan 138:18, 23–24, 27–30 tapno maammuan ti maipapan iti inaramid ni Jesus bayat ti kaaddana sadiay. Asino ti sinarungkaranna? Ania ti indawatna kadakuada nga aramidenda? Apay nga inaramidna daytoy?

  

• Mabalinyo pay nga usaren ti panid ti aktibidad iti daytoy a lawas a mangtulong kadagiti annakyo a mangidilig no ania ti isuro dagiti misionario iti daytoy a bangir ti belo (kitaen, kas pagarigan iti Pagannurotan ti Pammati 1:4) iti no ania ti isuro dagiti misionario iti lubong dagiti espiritu (kitaen iti Doktrina ken Katulagan 138:33). Ania ti pagpapadaan dagitoy a bersikulo, ken ania ti pagdudumaanda? Ania ti isuro daytoy kadatayo maipapan iti Nailangitan nga Ama ken iti planona?

Ti panagutob kadagiti nasantuan a kasuratan awisenna ti Espiritu Santo.

Doktrina ken Katulagan 138:1–11

No utobek dagiti nasantuan a kasuratan, matulongannak ti Espiritu Santo a makaawat kadagitoy.

• Bayat ti panangbasayo ken dagiti annakyo iti Doktrina ken Katulagan 138:1–11 nga aggigiddan, mabalinyo nga awisen ida nga agpammarang nga isuda ni Presidente Joseph F. Smith ket aramidenda dagiti tignay a maigiddan kadagiti balikas kadagiti bersikulo 6 ken 11. Mabalinyo pay nga ipakita kadakuada ti ladawan ni Presidente Smith (adda maysa iti daytoy a balabala) ket ilawlawagyo nga isu ti maikanem a Presidente ti Simbaan. Mabalinyo pay nga isarita maipapan iti panawen idi inutobyo ti maysa a banag iti nasantuan a kasuratan ket tinulongannakayo ti Espiritu Santo a makaawat iti daytoy.

• Ibilangyo ti aggigiddan a panangkansion iti maysa a kanta maipapan iti panagadal iti nasantuan a kasuratan, kas iti “Search, Ponder, and Pray” (Children’s Songbook, 109). Ania ti ibaga daytoy a kanta a nasken nga aramidentayo tapno maawatantayo dagiti nasantuan a kasuratan?

Para iti ad-adu pay a kapanunotan, kitaen iti isyu ti magasin a Friend iti daytoy a bulan.

Dagiti Nabilin, ni Harold I. Hopkinson