Pagbaludan ti Carthage

Nobiembre 24–30: “Pinaneknekanna ti Misionna ken dagiti Aramidna Babaen ti Bukodna a Dara”

Doktrina ken Katulagan 135–136

Iti malem ti Hunio 27, 1844, naipupok manen da Joseph ken Hyrum Smith iti pagbaludan, a kinadua da John Taylor ken Willard Richards. Namatida nga inosenteda iti ania man a krimen, ngem intulokda a tiliwenda ida ta mangnamnamada a mapagtalinaed a natalged dagiti Santo iti Nauvoo. Saan a daytoy ti umuna a gundaway nga impupok dagiti kabusor ti Simbaan ni Propeta Joseph iti pagbaludan, ngem iti daytoy a kanito kasla ammonan a saanen a makasubli a sibibiag. Pinadasna ken dagiti gagayyemna a mangliwliwa iti tunggal maysa babaen ti panagbasa iti Libro ni Mormon ken panagkanta kadagiti himno. Kalpasanna nangngegan dagiti kanalbuong ti paltog, ket iti uneg ti sumagmamano a minuto naggibusen ti biag ni Joseph Smith ken ti kabsatna a ni Hyrum.

Ngem saan pay a naggibus ti nasantuan a panggep nga inarakupda. Ket saan a daytoy ti naggibusan iti Pannakaisubli ti ebanghelio ni Jesucristo. Adu pay a trabaho nga aramiden ken adu pay a paltiing a mangiwanwan iti panagdur-as ti Simbaan. Ti panaggibus ti biag ti Propeta ket saan a panaggibus ti aramid ti Dios.

Kitaen iti Saints, 1:521–52.

Dagiti Kapanunotan iti Panagsursuro iti Pagtaengan ken iti Simbaan

Doktrina ken Katulagan 135; 136:37–39

Pinatalgedan da Joseph ken Hyrum Smith dagiti pammaneknekda babaen iti darada.

Panunotenyo no kasano koma ti nariknayo no nagnanaedkayo iti Nauvoo idi pinapatayda da Joseph ken Hyrum Smith (kitaen ti Saints, 1:554 –55). Kasano koma a naammuanyo daytoy nakalkaldaang a pasamak? Ti Doctrine and Covenants 135, a naipablaak kalpasan ti tallo a bulan, ket mabalin a nakatulong. Bayat ti panagsukisokyo iti daytoy a benneg, ibilangyo no ania koma ti nangyeg iti pannakaawat ken pammatalged kadakayo. Ania koma ti isaoyo iti maysa a tao nga agdamag, “Apay nga ipalubos ti Dios a mapapatay ti Propetana?” (kitaen iti Doktrina ken Katulagan 136:37–39).

Mabalinyo pay a sukisoken ti benneg 135 para kadagiti balikas wenno ragup ti balikas a mangparegta kadakayo nga agbalin a napudno ken Cristo agingga iti panungpalan, kas kada Joseph ken Hyrum.

Kitaen met iti Doktrina ken Katulagan 5:21–22; “Remembering the Martyrdom,” iti Revelations in Context, 299–306; Teachings of Presidents of the Church: Joseph Smith (2011), 522–23, 529–40; “Testimony of the Book of Mormon” (video), Gospel Library.

Testimony of the Book of Mormon

A modern-day Apostle describes the unwavering faith the Church's founders showed, even in the face of death, to remain true to their testimonies of the Book of Mormon.

Doktrina ken Katulagan 135:3

Maysa a propeta ni Joseph Smith ken saksi ni Jesucristo

Doktrina ken Katulagan 135:3 ket dakamatenna ti sumagmamano kadagiti banag nga inaramid ni Joseph Smith “iti ababa a panawen ti duapulo a tawen.” Kasano nga inapektuannakayo dagitoy a banag ken ti relasionyo iti Nailangitan nga Ama ken ni Jesucristo? Panunotenyo no kasano a makompletoyo ti binatog a kas iti daytoy: Gapu iti inaramid ti Apo babaen ken Joseph Smith, siak … Mabalinyo pay nga isurat ken ibinglay ti pammaneknekyo maipapan ken ni Propeta Joseph Smith iti dadduma.

Ti sabali pay a wagas tapno masursuro ti maipapan iti mision ni Joseph Smith ket ti panangpadas iti agsurat iti ababa nga obituario wenno eulohio para kenkuana. Ania ti masaoyo a mangbangon iti pammati ken Cristo ken iti naisubli nga ebangheliona? Mabalin a kayatyo nga iraman dagiti napateg a pasamak wenno gapuanan a masarakan iti Doktrina ken Katulagan 135 wenno dagiti nadakamat kadagiti resources iti baba.

Impalgak ni Jesucristo ti adu a kinapudno maipanggep iti Bagina ken ti Pannubbotna babaen ken Joseph Smith. Ibilangyo ti panangutob iti padasyo iti panagadal iti Doktrina ken Katulagan iti daytoy a tawen. Ania dagiti kinapudno a napateg kadakayo? Mabalin a kayatyo nga ibinglay dagitoy iti pamiliayo, klase wenno kadagiti miembro ti korumyo, wenno dadduma pay bayat ti panangadalyo itoy a lawas. Kasano a tulongandakayo dagitoy a kinapudno a makaawat ken mayas-asidegkayo iti Mangisalakan?

Kitaen met iti “Joseph Smith: The Prophet of the Restoration” (video), Gospel Library; Tad R. Callister, “Joseph Smith—Prophet of the Restoration,” Liahona, Nob. 2009, 35–37; “Praise to the Man,” Hymns, no. 27; Topics and Questions, “Joseph Smith,” Gospel Library.

Joseph Smith: The Prophet of the Restoration

A motion picture about the life and legacy of Joseph Smith, the founding prophet of The Church of Jesus Christ of Latter-day Saints.

Mainaig a Musika

Ti panangkanta kadagiti sumaganad a himno wenno panangbuya kadagiti video ket mabalin a makaawis iti Espiritu Santo wenno mangparegta iti panaglilinnawag maipapan iti aramid ni Propeta Joseph Smith ken dagiti sakripisio dagiti Santo a nagtuloy kalpasan kenkuana.

“A Poor Wayfaring Man of Grief” (Hymns, no. 29). Bayat ti kaaddana iti Pagbaludan iti Carthage, kinanta ni John Taylor daytoy a himno.

“Praise to the Man” (Hymns, no. 27; kitaen met iti video). Naisurat ti teksto daytoy a himno kas pammadayaw ken ni Joseph Smith.

Praise to the Man – The Tabernacle Choir at Temple Square

The Tabernacle Choir and Orchestra at Temple Square perform "Praise to the Man". Follow along a recording session and see beautiful historical scenery and art.

“Come, Come, Ye Saints” (Hymns, no. 30; kitaen met iti video).

Come, Come, Ye Saints - Mormon Tabernacle Choir

The Mormon Tabernacle Choir and Orchestra at Temple Square perform one of their signature anthems, "Come, Come Ye Saints" arranged by Mack Wilberg. From the Music and the Spoken Word broadcast episode 4323, July 22, 2012.

“Faith in Every Footstep” (see video).

Faith in Every Footstep - Mormon Tabernacle Choir

The Mormon Tabernacle Choir performs "Faith in Every Footstep" from the 2014 Pioneer Day concert. Music and lyrics by K. Newell Dayley.

Doktrina ken Katulagan 136

Makatulongak a mangipatungpal iti pagayatan ti Apo no surotek ti balakadna.

Kalpasan a natay ni Joseph Smith, napagtalaw dagiti Santo manipud iti Nauvoo. Naipasangoda itan iti 1,300-milia (2,100 km) a panagdaliasat iti naulpit a let-ang. Nadanagan ni Brigham Young, Presidente ti Korum dagiti Sangapulo-ket-dua nga Apostol, no kasano a makalasat dagiti Santo iti panagdaliasat. Iti temporario a pagtaengan a maawagan iti Winter Quarters, nagpakaasi isuna iti pannarabay. Ti sungbat ti Apo naisurat iti benneg 136. “Babaen ti panangtulong kadagiti Santo a manglagip a napateg ti ugalida iti panagdaliasat kas pagtungpalanda, ti paltiing ti nangtulong a mangbalbaliw iti lumaud a panagindeg manipud iti naleddaang a panagkasapulan iti maysa a napateg a naibinglay a naespirituan a padas” (“This Shall Be Our Covenant,” iti Revelations in Context, 308).

Panunotenyo daytoy a bayat ti panagadalyo iti benneg 136. Ania ti balakad a masarakanyo a makatulong a mamagbalin ti narigat a pannubok iti biagyo a “napateg … a naespirituan a padas”? Mabalinyo nga utoben no kasano a makatulong kadakayo daytoy a balakad a mangipatungpal iti pagayatan ti Apo iti bukodyo a biag, kas ti panangtulong daytoy kadagiti nagkauna a Santo iti naririgat a panagdaliasatda.

Kitaen met iti “This Shall Be Our Covenant,” iti Revelations in Context, 307–14; “Come, Come, Ye Saints,” Hymns, no. 30; Church History Topics, “Succession of Church Leadership,” Gospel Library.

Detalye manipud iti Winter Quarters, ni Greg Olsen

Dagiti Kapanunotan para iti Panangisuro kadagiti Ubbing

(Doktrina ken Katulagan 135:1–2, 4–5

Inted da Joseph Smith ken Hyrum Smith ti biagda para ken ni Jesucristo ken iti ebangheliona.

• Gupgopenyo para kadagiti annakyo ti Doktrina ken Katulagan 135:1 wenno ibinglayyo ti “Kapitulo 57: Napapatay ti Propeta” (iti Dagiti Estoria iti Doktrina ken Katulagan, 201–5, wenno ti katupagna a video iti Gospel Library). Mabalin a nasayaat daytoy a gundaway para kadakayo ken kadagiti annakyo tapno mangibinglay iti riknayo maipapan iti sakripisio nga inaramid da Joseph ken Hyrum para iti Mangisalakan ken iti ebangheliona.

  Chapter 57: The Prophet Is Killed: June 1844

• Ti Doktrina ken Katulagan 135:4–5 dakamatenna a binasa ni Hyrum Smith ti maysa a binatog manipud iti Libro ni Mormon sakbay a napan iti Carthage Jail. Mabalinyo ken dagiti annakyo nga aggigiddan a basaenyo daytoy a binatog (kitaen iti Ether 12:36–38). Kasano a nakaliwliwa dagitoy a bersikulo ken ni Hyrum? Mabalinyo pay ti mangibinglay kadagiti nasantuan a kasuratan a mangyeg kadakayo iti liwliwa no madanagan wenno malidayankayo.

• Mabalinyo ken dagiti annakyo a kitaen dagiti ladawan dagiti propeta (kitaen iti Libro ti Arte ti Ebanghelio, dagiti num. 7, 14, 67) ket pagsaritaanyo ti sumagmamano a banag nga idawat ti Dios kadagiti propeta nga aramidenda. Ania ti insakripisio dagitoy a propeta para iti Mangisalakan?

  

Iti pagtaengan, saan a mapagsina ti panagsursuro ken panagbiag. “Ti ebanghelio ket maaddaan iti dagus a pakainaigan iti pagtaengan. Idiay dagiti tao a pakasursuruanyo iti ebanghelio ket dagiti tao a kaduayo nga agbiag iti daytoy—iti inaldaw. Kinapudnona, kaaduan ti panawen, ti panagbiag iti ebanghelio ket no kasano a masursurotayo ti ebanghelio” (Panangisuro iti Wagas iti Ebanghelio, 31).

Doktrina ken Katulagan 135:3

Maysa a propeta ni Joseph Smith ken isu ti saksi ni Jesucristo.

• Tapno matulongan dagiti annakyo a manglagip ken mangbigbig iti pateg no kasano a binendisionannatayo ti Apo babaen ti mision ni Joseph Smith, mabalinyo nga ipakita dagiti banag a mangibagi kadagiti banag nga inaramid ni Joseph, kas iti Libro ni Mormon, ti Doktrina ken Katulagan, wenno ladawan ti maysa a templo (kitaen met iti panid ti aktibidaditi daytoy a lawas). Kalpasanna mabalin a kitaen dagiti annakyo iti Doktrina ken Katulagan 135:3 ti sumagmamano a banag nga inaramid ni Joseph Smith a makatulong kadatayo nga umas-asideg iti Nailangitan nga Ama ken ni Jesucristo. Awisenyo dagiti annakyo a mangibinglay no apay nga agyamanda para kadagitoy a banag.

Ti Amerikano a Propeta, ni Del Parson

Doktrina ken Katulagan 136

Mabalin a bendisionannak ti Apo no mangikarkarigatannak.

• Ibilangyo ti panangikabil iti maysa a ladawan ti Templo iti Nauvoo iti maysa a bangir ti siled ket mangpartuatkayo iti maysa a simple a pagtaengan iti sabali a bangir. Awisenyo dagiti annakyo nga agtataripnong iti asideg ti ladawan, ket ibagayo kadakuada ti maipapan kadagiti Santo a nasken a pumanaw iti Nauvoo kalpasan ti ipapatay ni Joseph Smith (kitaen kadagiti kapitulo 58, 60, ken 62 iti Dagiti Estoria iti Doktrina ken Katulagan, 206–8, 211–16, 222–24, wenno kadagiti katupagna a video iti Gospel Library). Yunay-unayyo ti pammati dagitoy a Santo ken ni Jesucristo ken awisenyo dagiti annakyo a magna a mapan iti pagtaengan a mangibagi iti panagdaliasat iti Winter Quarters. Mabalinda a kansionen ti kanta kas iti “To Be a Pioneer” (Children’s Songbook, 218–19) bayat ti pannagnada.

  Chapter 58: A New Leader for the Church: July–August 1844

  Chapter 60: The Saints Leave Nauvoo: September 1845–September 1846

  Chapter 62: The Saints Establish Winter Quarters: 1846–1847

• Ilawlawag nga iti Doktrina ken Katulagan 136, nangted ti balakad ti Apo tapno matulongan dagiti Santo iti panagdaliasatda iti Salt Lake Valley. Tulonganyo dagiti annakyo a mangbirok iti maysa a banag iti daytoy a paltiing a mabalin a mangted kadakuada iti tured para iti daytoy a panagdaliasat (kitaen kadagiti bersikulo 4, 10–11, 18–30). Kasano a matulongannatayo daytoy a balakad kadagiti pannubok a pakaipaspasanguantayo iti agdama?

Para iti ad-adu pay a kapanunotan, kitaen iti isyu ti magasin a Friend iti daytoy a bulan.

Awan Dakdakkel nga Ayat iti Tao, ni Casey Childs