“Dagiti Timek ti Pannakaisubli:Panagbuniag para kadagiti Kapuonantayo, “maysa a Nadayag a Doktrina’” Umaykayo, Sumurot Kaniak—Para iti Pagtaengan ken Simbaan: Doktrina ken Katulagan 2025 (2025)
“Panagbuniag para kadagiti Kapuonantayo, ‘maysa a Nadayag a Doktrina,’” Umaykayo, Sumurot Kaniak—Para iti Pagtaengan ken Simbaan: 2025
Dagiti Timek ti Pannakaisubli
Panagbuniag para kadagiti Kapuonantayo, “maysa a Nadayag a Doktrina”
Ipakita daytoy a sketch ti puente a pagbuniagan iti Templo iti Nauvoo ti pannakaiparabawna iti sangapulo-ket-dua a baka.
Da Phebe ken Wilford Woodruf
Agnanaed ni Phebe Woodruff iti asideg ti Nauvoo idi inrugi ti panangisuro ni Joseph Smith maipapan iti panagbuniag para kadagiti immuna a nagbiag. Insuratna maipapan iti daytoy iti asawana, ni Wilford, nga agserserbi idi iti mision iti Inglatera:
“Naammuan ni Brother Joseph … babaen ti paltiing a mabalin a buniagan dagiti adda iti daytoy a simbaan para iti asino man kadagiti kabagianda a natayen ket saan a naaddaan iti gundaway a dumngeg iti daytoy nga ebanghelio, uray pay para kadagiti annakda, nagannak, kakabsat a lallaki ken babbai, lelong ken lelang iti tumeng, uuliteg, ken iikitda . … Apaman a mabuniaganda para kadagiti gagayyemda mawayawayaanda manipud iti pagbaludan ket matuntonda ida iti panagungar ken maitugotda ida iti celestial a pagarian—sipupudno nga inawat daytoy a doktrina iti simbaan ket agtultuloyda kas dadakkel nga ummong, sumagmamano dagiti mabuniagan iti kas kaadu ti mamin-16 a daras … iti maysa nga aldaw.”
Idi agangay kinuna ni Wilford Woodruff maipapan iti daytoy a pagbatayan: “Iti kanito a nangngegko daytoy nagrag-o ti kararuak. … Napanak ket nabuniaganak para iti amin a malagipko a natay a kabagiak. … Nariknak nga isaok ti alleluia idi dimteng ti paltiing a mangipalpalgak kadatayo iti panagbuniag para kadagiti natay. Nariknak nga adda karbengantayo a makapagragsak kadagiti bendision ti Langit.”
Vilate Kimball
Kas ken ni Sister Woodruff, nangngeg ni Vilate Kimball ti maipapan iti panagbuniag para kadagiti natay (vicarious) idinto a ti asawana, ni Heber, ket mangikaskasaba iti ebanghelio iti adayo. Insuratna kenkuana:
“Linuktan ni Presidente Smith ti maysa a baro ken nadayag a pagsasaritaan … a nakaigapuan ti panagdur-as iti simbaan. Dayta ti, pannakabuniag para kadagiti natay. Nagsarita ni Pablo maipanggep iti daytoy, iti umuna a Taga Corinto maika-15 a kapitulo ti maika-29 a bersikulo. Inawat ni Joseph iti ad-adda a naan-anay a palawag maipapan iti daytoy babaen ti Paltiing. … Daytoy ket ti pribilehio iti daytoy a simbaan a mabuniagan para kadagiti amin a kabagian a natayen sakbay a dimteng daytoy nga Ebanghelio; uray agsubli kadagiti Lelong ken Lelang iti Tumeng. … Ket no aramidentayo, agtignaytayo a kas agents para kadakuada; ken ikkan ida iti pribilehio a makaumay iti umuna a panagungar. Kunana nga addanto kadakuada ti Ebanghelio a naikasaba kadakuada. … ngem awan ti kasta a banag a pannakabuniag dagiti espiritu. … Manipud idi naikasaban ditoy daytoy a bilin, agtultuloyen a kanayon a mausar dagiti danum. Kabayatan ti komperensia adda dagiti sagpaminsan manipud iti walo agingga iti sangapulo nga Elder iti karayan iti kada maysa a mangbumbuniag. … Kayatko ti mabuniagan para iti Inak. Napanunotko ti aguray pay agingga a makaawidka ngem ti naudi a gundaway a nagsarita ni Joseph iti daytoy a pagsasaritaan, binalakadanna ti tunggal maysa nga agtignay ket agaramidda, ket wayawayaanda dagiti gagayyemda manipud iti pannakaadipenda iti kaalistuan a panawen agingga a mabalin. Isu a napanunotko nga innakto iti daytoy a lawas, ta adun ti bilang dagiti kaarruba a mapan. Sumagmamano ti nalpas a nabuniaganen iti adun a daras. … Iti kasta makitayo nga adda gundaway para iti amin. Saan kadi daytoy a maysa a nadayag a doktrina?”
Phebe Chase
Apaman a naileppas ti puente a pagbuniagan iti Templo iti Nauvoo, naaramid dagiti panangbuniag para kadagiti natay (vicarious) sadiay imbes nga iti karayan. Ni Phebe Chase, maysa nga agnanaed iti Nauvoo, nagsurat iti inana maipapan iti templo, nga inladawanna a ti puente a pagbuniagan kas iti lugar a “pakabuniagantayo para kadagiti minataytayo ket agbalintayo a mangisalakan iti Bantay ti Zion.” Intuloyna nga inlawlawag nga iti daytoy a puente, “Nabuniaganak para iti patpatgek nga amak ken ti amin a dadduma pay a natayen a gagayyemko. … Ita kayatko a maammuan no ania ti nagan ti tatang ken ti Nanangmo tapno mawayawayaak ida, ta tarigagayak a maikkan iti gin-awa dagiti Natay. … Nagsao manen ti Apo ket insublina ti nagkauna nga urnos.”
Sally Randall
Iti panagsuratna kadagiti gagayyem ken pamiliana maipapan iti panangbuniag kadagiti immuna a nagbiag, nalagip ni Sally Randall ti pimmusay nga anakna a ni George:
“O anian a mapannubok a panawen kaniak ken kasla diak pay maitunos nga adda daytoy, ngem … nabuniagan ti amana para kenkuana ket anian a kinadayag a banag a mamati ken maawattayo ti pakabuklan ti ebanghelio a kas naikasaba daytoy ita ket mabalin a mabuniagan para iti amin a natay a gagayyemtayo ket maisalakanda aginggana iti kabaelantayo no makaalatayo iti ania man a pannakaammo maipanggep kadakuada.
“Kayatko nga isuratyo koma kaniak ti nagnagan ti amin nga adda pakainaiganna kadatayo a natayen a pakairamanan dagiti lelong ken lelang iti ania man a panawen. Panggepko nga aramiden no ania ti kabaelak nga aramiden tapno maisalakan dagiti gagayyemko ken nasken a maragsakanak unay no sumagmamano kadakayo ti umayto ket tulongandak para iti daytoy naindaklan nga aramid para iti maysa a mangaramid nga is-isu. … Namnamaek a panunotenyonto daytoy kas maysa a sabali a doktrina ngem makitayonto a pudno daytoy.”