Ti Napintas a Nauvoo, ni Larry C. Winborg. Copyright 2023

Oktubre 27–Nobiembre 2: “Balay babaen ti Naganko”

Doktrina ken Katulagan 124

Numan pay narigat dagiti napalabas nga innem a tawen para kadagiti Santo, nangrugi a simmayaat dagiti banag iti kalgaw iti 1839: Nasarakan dagiti nagkamang a Santo ti panangngaasi kadagiti umili iti Quincy, Illinois. Pinalubosan dagiti bantay ni Propeta Joseph Smith ken dagiti dadduma pay a lider ti Simbaan nga aglibas iti pannakabaludda iti Missouri. Ken kagatgatang ti Simbaan ti daga iti Illinois a mabalin a paguummongan manen dagiti Santo. Wen, maysa a buy-ong, daga nga ayuyang dagiti lamok a mangyeg ti sakit iti daga, ngem no maidilig kadagiti pannubok a napadasanen dagiti Santo, nalabit a kasla nalaklaka nga imatonan daytoy. Pinaatiananda ti buy-ong ket nangisuratda iti kasuratan a mangpalugod iti panangipasdek iti maysa a baro a siudad, a ninagananda iti Nauvoo. Kayatna a sawen ti “napintas” iti Hebreo, numan pay ad-adda a pangipeksa iti pammati ngem iti umisu a pangiladawan, uray laeng iti damo. Kabayatanna, imparikna ti Apo iti Propetana a kasapulan unay ti panagtignay. Addaan pay iti ad-adu a kinapudno ken ordinansa nga ipasublina, ket kasapulanna ti maysa a nasantuan a templo a pangkoronaanna kadagiti [Santona] iti dayaw, imortalidad, ken agnanayon a biag” (Doktrina ken Katulagan 124:55). Iti adu a wagas, dagitoy a kapada a rikna ti pammati ken kinaganat ket pakakitaan iti aramid ti Apo ita.

Kitaen iti Saints, 1:399–427; “Organizing the Church in Nauvoo,” iti Revelations in Context, 264–71.

Sursuruen ti ad-adu pay maipapan kadagiti napnuan pakasaritaan a disso ti Simbaan iti Illinois.

Dagiti Kapanunotan iti Panagsursuro iti Pagtaengan ken iti Simbaan

Doktrina ken Katulagan 124:2–11

Maawisko dagiti dadduma nga umasideg ken ni Cristo.

Imbaga ti Apo ken ni Propeta Joseph Smith a “mangted iti napasnek a panangiwaragawag iti ebanghelio[na]” iti “amin nga ari ti lubong” (kitaen iti Doktrina ken Katulagan 124:2–11). No naawatyo daytoy naidutok nga aramiden, ania ti ibaga ti waragawagyo maipapan ken ni Jesucristo ken ti naisubli nga ebangheliona? Utobenyo met no kasano a mairanudyo ti saksiyo iti normal ken gagangay kadagiti tao a pakilanglangenanyo iti inaldaw.

Kitaen met iti “The Restoration of the Fulness of the Gospel of Jesus Christ: A Bicentennial Proclamation to the World,” Gospel Library.

Doktrina ken Katulagan 124:12–21

Makapagbalinak a disipulo a pagtalkan ti Apo.

Ibilangyo ti panangibilang iti dadduma, kas iti inaramid ti Mangisalakan iti Doktrina ken Katulagan 124:12–21, dagiti kababalin a kas ken ni Cristo a makitayo kadakuada. Kasano nga inyebkasna kadakayo ti ayat ken panagtalekna?

Kitaen met iti Richard J. Maynes, “Earning the Trust of the Lord and Your Family,” Liahona, Nob. 2017, 75–77.

Doktrina ken Katulagan 124:22–24, 60–61

Kayat ti Apo a pasangbayek ken awatek dagiti dadduma.

Bayat ti panangutob iti instruksion ti Apo iti Doktrina ken Katulagan 124:22–24, 60–61, panunotenyo no kasano a mapagbalinyo ti pagtaenganyo ken ti wardyo a maysa a lugar a kas iti inladawan ti Apo para iti Nauvoo.

Kitaen met iti “A Friend to All” (video), ChurchofJesusChrist.org.

A Friend to All

Elder Ulisses Soares talks of the need for kindness and acceptance.

Detalye manipud iti Ni Joseph Smith iti Templo iti Nauvoo, ni Gary E. Smith

Doktrina ken Katulagan 124:25–45, 55

Mangbangontayo kadagiti templo para iti Apo tapno umawat kadagiti sagrado nga ordinansa.

Apay a mariknayo a “kanayon nga imbilin” ti Apo kadagiti taona “a mangbangon [kadagiti templo] iti nasantuan a naganna”? Ibilang ti panangilista kadagiti gapu a masarakanyo iti Doktrina ken Katulagan 124:25–45, 55. Mabalin a masarakanyo dagiti dadduma iti maysa a himno a kas iti “We Love Thy House, O God” (Hymns, no. 247) wenno iti video “What Is a Temple?” (Gospel Library). Kasano a maysa a pagilasinan ti ayat ti Apo kadakayo ti aramid a panagbangon kadagiti templo?

What Is a Temple?

The difference between chapels, where Latter-day Saints meet for regular Sunday worship, and temples is also explained.

Manipud pay idi nabangon ti Templo ti Nauvoo iti 1840s, nasuroken a 300 a templo ti nabangon wenno naipakaammo. Insuro ni Presidente Russell M. Nelson: “Ammotayo a napateg ti orastayo iti templo para iti pannakaisalakan ken pannakaitan-oktayo ken kadagiti pamiliatayo . … Kumarkaro dagiti panagdarup ti kabusor iti kinapigsa ken iti agdumaduma a kita. Dakdakkelen ti panagkasapulantayo iti masansan nga idadar-ay iti templo” (“Becoming Exemplary Latter-day Saints,” Liahona, Nob. 2018, 114). Kasano a natulongannakayo ti templo a nangsarked “kadagiti panagdarup ti kabusor”? Ania ti mariknayo a makaparegta nga aramiden a mangsurot iti balakad ni Presidente Nelson?

Kitaen met iti “Why Latter-day Saints Build Temples,” temples.ChurchofJesusChrist.org.

Doktrina ken Katulagan 124:45–55

Bendisionan ti Apo dagiti agkagumaan nga agtungpal kadagiti bilinna.

Nabilin dagiti Santo a mangbangon iti maysa a templo iti Jackson County, Missouri, ngem “tinubeng ida dagiti kabusorda” (Doktrina ken Katulagan 124:51). Naglaondagiti bersikulo 49–55 iti pangpatalged a mensahe para kadagiti tao nga agtarigagay nga agtungpal kadagiti bilin ti Dios ngem malapdanda iti panangaramid iti dayta gapu iti pamilia wenno dadduma pay a kasasaad. Ania a balakad a masarakanyo kadagitoy a bersikulo a makatulong iti maysa a tao iti kasta a situasion?

Doktrina ken Katulagan 124:91–92

Matarabaynak ti Apo babaen kadagiti bendisionko iti partriarka.

Nabiit kalpasan ti ipupusay ti ama ti Propeta, ni Joseph Smith Sr., inawagan ti Apo ni Hyrum Smith iti takem [calling] nga iggem ti amana—ti Patriarka iti Simbaan. Mabasayo maipapan iti daytoy iti Doktrina ken Katulagan 124:91–92.

Tapno maammuan ti maipapan iti pakasaritaan dagiti patriarka ken dagiti bendision ti partriarka, i-click ditoy.

Kasano ti panangiladawanmo iti bendision ti patriarka iti maysa a tao a di pay pulos nakangngeg iti dayta? Ania koma ti isaoyo a mangparegta iti maysa a tao nga umawat iti maysa? Sapulenyo dagiti sungbat kadagitoy a saludsod iti mensahe ni Elder Randall K. Bennett “Your Patriarchal Blessing—Inspired Direction from Heavenly Father” (Liahona, Mayo 2023, 42–43) wenno Topics and Questions, “Patriarchal Blessings” (Gospel Library).

Maibatay iti inadalyo ken napadasanyo, ibilang no kasano a makumpletoyo daytoy a binatog: “Ti bendision ti patriarka ket maipada iti .” Apay a kayat ti Nailangitan nga Ama nga umawat dagiti annakna iti bendision ti patriarka?

No saankayo pay nga immawat iti patriarchal blessing-yo, ania ti maaramidyo tapno makapagsagana para iti maysa? No nakaawatkayon ti maysa a bendision ti patriarka, kasano a maipakitayo iti Dios nga ipategyo daytoy a sagut?

Kitaen met iti Kazuhiko Yamashita, “When to Receive Your Patriarchal Blessing,” Liahona, Mayo 2023, 88–90; General Handbook, 18.17, Gospel Library.

Mangisuro manipud iti puso. Ti panangisuro ket kapatgan iti kaipapanan no iramanna dagiti bukod a padas ken pammaneknek. Kas pagarigan, no immawatkan iti maysa a bendision ti patriarka, irebyum daytoy bayat ti panagsaganam a mangisuro maipapan kadagitoy naisangsangayan a bendision. Apay a pagyamananyo ti bendisionyo? Kasano a maparegtayonto dagiti dadduma nga agsagana nga umawat iti bendisionda wenno masansan nga adalenda dagiti bendisionda iti patriarka?

Dagiti Kapanunotan para iti Panangisuro kadagiti Ubbing

Doktrina ken Katulagan 124:15, 20

Ipateg ni Jesucristo ti integridad.

• Tapno matulongan dagiti annakyo a manglagip no ania ti masursuroda manipud iti Doktrina ken Katulagan 124:15, 20, mabalinyo a tulongan ida a mangidrowing ken mangputed kadagiti papel a puso. Kadagiti puso, mabalinyo a tulongan ida a mangisurat kadagiti kangrunaan a ragup ti balikas manipud kadagitoy a bersikulo. Ti kanta a kas iti “Stand for the Right” (Children’s Songbook, 159) ket makatulong a mangpatibker kadagiti balikas ti Apo.

• Kalpasan ti aggigiddan a panangbasa iti Doktrina ken Katulagan 124:15, 20, nalabit a matulonganyo dagiti annakyo a mangammo no ania ti kaipapanan ti panagbiag nga addaan iti integridad iti panid 31 ti Para iti Pigsa dagiti Agtutubo: Maysa a Pangiwanwan iti Panagpili. Ania ti kinuna ti Apo a maitudo ken ni George Miller iti bersikulo 20 “gapu iti kinatulnog ti panagpuspuso ni [George’]”? Mabalinyo pay ti mangibinglay kadagiti pagarigan dagiti ubing a mangipakpakita ti integridad manipud iti bukodyo a padas wenno manipud iti Friend a magasin. Awisenyo dagiti annakyo a mangituding iti panggep a tun-oyen a mangipakita iti integridad iti daytoy a lawas ken ibagada kadakayo no kasano ti riknada no aramidenda dayta.

Doktrina ken Katulagan 124:28–29, 39

Bilinen ti Apo dagiti taona a mangbangon kadagiti templo.

• Mabalin a maragsakan dagiti annakyo a mangkita kadagiti ladawan dagiti templo, agraman ti kadaanan a templo ken templo nga asideg iti pagnanaedanda (kitaen iti ChurchofJesusChrist.org/temples/list). Mabalinyo nga usaren dagitoy a ladawan ken ti Doktrina ken Katulagan 124:39 a mangilawlawag a kanayon nga imbilin ni Jesucristo kadagiti taona a mangbangon kadagiti templo—kadagiti nagkauna a panawen ken iti aldawtayo (kitaen met iti panid ti aktibidaditi daytoy a lawas).

• No agnanaedkayo iti asideg iti maysa a templo, ibilangyo ti panangitugot kadagiti annakyo sadiay ken siraraem a magnakayo iti paraangan ti templo. Awisenyo ida a mangsapul kadagiti balikas a “Kinasanto iti Apo—Ti Balay ti Apo” iti ruar ti templo. Isaritayo kadagiti annakyo ti kayat a sawen dagitoy a balikas.

• Ibilang ti panangusar kadagiti kapanunotan iti “Pannakabuniag ken Pannakakumpirma para Kadagiti Kapuonan” iti apendiks A tapno matulongan dagiti annakyo a mangnamnama iti aldaw a makastrekda iti templo (kitaen met iti “Ti Templo ken ti Plano ti Kinaragsak” iti apendiks B).

Templo ni Solomon, ni Sam Lawlor

Doktrina ken Katulagan 124:91–92

Bendisionannakto ti Apo babaen iti bendision ti partriarka.

• Bayat ti aggigiddan a panangbasayo iti Doktrina ken Katulagan 124:91–92, tulonganyo dagiti annakyo a mangammo no ania ti inyawag ti Apo nga aramiden ni Hyrum Smith. Pagsaritaan no ania ti bendision ti patriarka: maysa a naisangsangayan a bendision a pangisuruan kadatayo ti Apo maipapan iti bagbagitayo ken no ania ti kayatna nga aramidentayo ken pagbalinantayo. Ibilang ti panangusar iti benneg “Panangawat iti Bendision ti Patriarka” iti apendiks A tapno matulongan dagiti annakyo nga agsagana nga umawat iti bendision ti patriarka.

Para iti ad-adu pay a kapanunotan, kitaen iti isyu ti magasin a Friend iti daytoy a bulan.

Ti Templo iti Nauvoo, ni George D. Durrant