“Maika-57 a Paset: Ti Baro a Dadaulo ti Simbaan: Hulio–Agosto 1844,” Dagiti Estoria iti Doktrina ken Katulagan (2002), 206–8
“Maika-57 a Paset,” Dagiti Estoria iti Doktrina ken Katulagan, 206–8
Maika-57 a Paset
Ti Baro a Dadaulo ti Simbaan
(Hulio–Agosto 1844)
Natayen ni Propeta Joseph Smith. Awananen ti Presidente ti Simbaan. Saan nga ammo dagiti Santo no asino ti nasken nga agbalin a dadauloda.
Kaaduan kadagiti Apostol ti adda iti adayo a mision.
Ni Sidney Rigdon ti mamagbaga ni Joseph Smith. Ngem dina tinungpal ti Apo. Pimmanawen manipud iti Nauvoo.
Nangngeg ni Sidney Rigdon ti pannakatay ti Propeta. Nagsubli iti Nauvoo. Kayatna ti agbalin a dadaulo ti Simbaan.
Nagsubli da Brigham Young ken dagiti dadduma nga Apostol manipud iti misionda. Ni Brigham Young ti dadaulo dagiti Apostol. Kinunana a dagiti pay laeng Apostol ti mangidaulo iti Simbaan agingga a mapili ti baro a Presidente.
Adda taripnong dagiti kameng ti Simbaan. Nagsao ni Sidney Rigdon kadakuada. Kinunana nga isu ti nasken nga agbalin a dadaulo ti Simbaan.
Kalpasanna nagsao ni Brigham Young. Kinunana a dagiti Apostol ti nasken a mangidaulo iti Simbaan. Adda ti Espiritu Santo kenkuana. Kaarngi ti timek ni Joseph Smith ti timek ni Brigham Young. Iti sumagmamano a minuto, naglanga a kas ken ni Joseph Smith. Ammo dagiti tao a pinili ti Dios dagiti Apostol a mangidaulo iti Simbaan. Nakaunget ni Sidney Rigdon. Nagsubli iti pagtaenganna. Nangirugi iti bukodna a simbaan. Saanen a kameng ti Ti Simbaan ni Jesucristo dagiti Santo iti Ud-udina nga Aldaw.